المساعد الشخصي الرقمي

مشاهدة النسخة كاملة : الرساله الاخيره من الريس للشعب



مصطفى مامون
07-06-2011, 12:29 AM
شعبى الكئيب
رزيه عليكم وربنا يولع فيكم
انا عارف ياشعبى الكئيب انكم مأموصين حبتين وشويه منى بس حقيقى انا مش فاهم ليه الثوره والفضايح وقله الادب اللى عملتوهالى اوى كده ايه يعنى لما خدت منكم اراضى والا فلوس والا عقارات مش احنا اخوات ياشعب
وبعدين عملتولى زيطه وزمبليطه فى الصالون اصدى الميدان على ايه مش فاهم على شويه ملاليم خدتهم منكم وشويه اراضى دانتوا حاجه تعل بجد ومستحرمين على الرجاله بتوعى انهم يبقوا ليكم وجهه عشان صورتكم ادام العالم ماهو لما يبئا معاهم فلوس واراضى وبيوت هتبئا حاجه تشرفكم ادام العالم انما انتوا عايزين تكونوا جعانين وتفضلوا جعانين
اسمع ياشعب ***انا على فكره وبئول الكلام ده للناس اللى بتطالب برجوعى وبتئول ارجع ياريس ارجع ياريس انا بطمنهم اوى وبئول ليهم يااحبابى ويا كثره من الشعب انا مبسوط جدا وقاعد فى المستشفى ميت فل واربعتاشر واحسن من الاول وبوفر اكل وشرب ومصاريف لانى باكل اكل المستشفى وبتجيللى الطلبات جاهزه وقاعد فى التكييف حتى مابدفعش فواتير كهربا او ميه وبالنسبه للعيال ولادى اهم بردوا موفرين المصروف اللى كانوا بياخدوه كل يوم ومتهنيين وبيلعبوا كوره وهيعملوا دوره فى رمضان فى فيلا السجن فى طره ومتئلئوش يااحبابى الفلوس فى ايد امينه
وحتى تمن الصبغه بوفرها كمان والحلاق مش محتاجه
واخيرا سلامى الى كل من لايسال عنى وانا عارف ان محدش بيسأل عنى

اميرة حبى انا
07-06-2011, 02:01 AM
وطلع الشعب هو اللى وحش فى الاخر:storm_9401257127043
طب وايه يعنى
مش هو الكبير
وعادل امام قال
الزعيم يلهط علطووووووول
حلوة يا مصطفى زى باقى كتاباتك

قموره
07-06-2011, 02:02 AM
اخيرا كنت اول حد يرد على اروع يوميات بأروع قلم وهو قلم الشاعر الجميل مصطفى

يوميات رائعه وكلمات جميله وياريت تكون اخر كلمات منه لاننا فعلا مش عاييزين منه حاجه خلاص

لاننا مخدناش منه من الاول الا كل حاجه وحشه

مصطفى مامون
07-06-2011, 02:32 AM
وطلع الشعب هو اللى وحش فى الاخر:storm_9401257127043
طب وايه يعنى
مش هو الكبير
وعادل امام قال
الزعيم يلهط علطووووووول
حلوة يا مصطفى زى باقى كتاباتك

وتم تحويل الشعب الى السيد النائب العام لانه ازعج السيد الرئيس
شكرا اميره على تقديرك ومرورك

مصطفى مامون
07-06-2011, 02:34 AM
اخيرا كنت اول حد يرد على اروع يوميات بأروع قلم وهو قلم الشاعر الجميل مصطفى

يوميات رائعه وكلمات جميله وياريت تكون اخر كلمات منه لاننا فعلا مش عاييزين منه حاجه خلاص

لاننا مخدناش منه من الاول الا كل حاجه وحشه

ياقموره الراجل ده بسبع ارواح وهيفضل زى العفريت
اشكرك قموره

شذا
07-06-2011, 02:59 AM
كلمات حلوه اوى

هو لسه فيه نفس يقول حاجه

مصطفى مامون
08-06-2011, 11:32 AM
الراجل ده هيفضل نفسه يقول لحد ما نفسه يخرج من جسمه
شكرا شذا على الرد

nogafoda
08-06-2011, 03:51 PM
مش انا سبق وقلتلكم انتم شعب مفتري
يعني ايه المشكله مش لازم نشيل بعضينا
مش احنا اسره مع بعضينا ولا ايه
شكرا استاذ مصطفي

مصطفى مامون
09-06-2011, 12:02 AM
فعلا يانوجا الناس دى بجد مفتريه والشعب دا ظالم الراجل جمع تحويشه عمره والشعب عايز يخدها على الجاهز
مرورك اسعدنى نوجا

ghada
14-06-2011, 06:05 PM
رساله حلوه اوى بس احنا زهقنا بقى منه ومن رسايله ياريت يوفرها ومش عايزين منه حاجه

اسامة22
15-06-2011, 09:23 AM
من الرئيس الي الشعب....سلفني شكرا
من النائب العام الي الشعب.... ان كان عاجبكم
رااااااااااائع يامصطفي

مصطفى مامون
24-09-2011, 04:59 PM
رائع انت دائما يااسامه حتى فى ردودك ومتابعتك واعتذر لتاخرى

فريد
25-09-2011, 12:37 PM
هههههههههههههههههههه
رائع حوار رائع يادرش
احنا شعب مفترى دايما
و على راى على عبد الله صالح المظلوم برضه
فاتكم القطار
و دائما ننتظر جديد روائعك

مصطفى مامون
16-11-2011, 09:33 PM
​على فكره يافريد كده يبقى بشار وصالح هيلعبوا النهائى فى مونديال التغيير