ليه؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!

[مصطفى مامون]

ليه ياشمس قلبى بتغربى قبل الميعاد




وليه يانار حبى بتنطفى تحت الرماد




وليه ياأرضى بتبعدى وتشرقى وتغربى ونكون بعاد

وليه وليه وليه؟؟؟




وليه القلب اللى كان نابض بحبك يبقى جماد




******************************
ليه كلام الحب بينا اصبح سكات




والبلابل جوه جنه بتقول اهات




وليه ياقدرى تشدنى وتردنى وتهدنى بعد اللى فات




وليه وليه وليه؟؟؟


الساعات اللى هامت ف حبك تبقى ذكريات


*******************************


ليه بنكتب هجرنا ونقول دا قدر




والشمس بعدك تنطفى وتبقى سهر




فين العهود والاالورودحتى الامال بقت حدود وقت السفر




وليه وليه وليه؟؟؟




الليالى اللى عشتهالك بتضيع هدر


******************************


ليه مانمدش ايدينا ونرجع سوا




ونعيش انا وانت لحبنا وياالهوا




ادى ايديا مدى ايديكى وادى عنيا عايزه عنيكى




بتقول تعبنا وف ايديكى الدوا




وليه وليه وليه؟؟




مترجعيش ليه ونكون سوا

[اسامة22]

ولية ولية ولية يامصطفي
انت مبدع وجمييييييييل كدا
الله حاجة فعلا جميلة يادرش

[خلود]

اقولك انا ليه يامصطفى

لانه من غير ليه

الاسئله متعبه والاجابات ضايعه

كلمات معذب محتار ولكنها كلمات رائعه

تحياتى لك مشرفنا الجميل

[شذا]

كلمات حلوه اوى

انت مبدع جدا يامصطفى

تسلم ابداعاتك الجميله

[مصطفى مامون]

ولية ولية ولية يامصطفي
انت مبدع وجمييييييييل كدا
الله حاجة فعلا جميلة يادرش

وانت دايما جميل يااسامه اشكرك دائم دائما لكل ما نكتب ونتحسس روحك الطيبه عن مرورك علينا

[مصطفى مامون]

اقولك انا ليه يامصطفى

لانه من غير ليه

الاسئله متعبه والاجابات ضايعه

كلمات معذب محتار ولكنها كلمات رائعه

تحياتى لك مشرفنا الجميل


وليه متقوليش انها كلمات لواثق قادر ولكن ؟؟؟؟؟؟؟؟؟؟؟؟
مرورك طيب دائما خلود اشكرك على كلماتك ومرورك

[مصطفى مامون]

كلمات حلوه اوى

انت مبدع جدا يامصطفى

تسلم ابداعاتك الجميله

وانا احييك على كلماتك الرقيقه غلبت بها ما كتبت اشكرك على روعه مرورك شذا

[قموره]

وليه احساسى انى ادمنت كلماتك ايها الشاعر الحساس

وما احلاه من ادمان

تحياتى لك كبيرررررررررررررررره جدا

[مصطفى مامون]

ردك جميل اموره تسلم ايديكى ومرورك وليكى تحياتى

[الرومنسى]

ليه مانمدش ايدينا ونرجع سوا



ونعيش انا وانت (http://www.vb.6ocity.net/showthread.php?t=70382) لحبنا وياالهوا
كثيرا ما أجد مصطفى مأمون يحاور نفسه أو معشوقتة أو ساخرا بالقدر
لكن الرجاء والأمانى فى قصيدة لمصطفى رائع ثم رائع ثم رائع

[AFIFI MOSTAFA]

يا اخى والله دى اروع قصيدة شفتها لك جميلة قوى قوى قوى قوى وفيها موسيقة غير عادية تسلم الف مرة

بس عايز اقول لك كلمة فى ودنك ( المقطع الاخير ما لوش لازمة ) بريقها كامل من غيرة

[اميرة حبى انا]

ايه كل حاجة ليه ليه ليه
هى مش عايزة ترجع
حاجة غريبة اوى:storm_6014232031094

[nouran_111]

ليه بنكتب هجرنا ونقول دا قدر
والشمس بعدك تنطفى وتبقى سهر
فين العهود والاالورودحتى الامال بقت حدود وقت السفر
وليه وليه وليه؟؟؟
الليالى اللى عشتهالك بتضيع هدر
ما اروع ابداعاتك استاذ مصطفي

[مصطفى مامون]

يا اخى والله دى اروع قصيدة شفتها لك جميلة قوى قوى قوى قوى وفيها موسيقة غير عادية تسلم الف مرة

بس عايز اقول لك كلمة فى ودنك ( المقطع الاخير ما لوش لازمة ) بريقها كامل من غيرة
اولا شكرا ياعفيفى على مرورك اللى دايما يسعدنى بس مش عارف معنى ايه كلامك لانك كده مخلتش الموضوع فى ودنى ولا حاجه دا المنتديات والنت كله عرفه
ثانيا كلمه يااخى دى بتفكرنى بحد لما كان بيزعل يقولهالنا فياريت ماتكونش زعلان منى ودا اللى يهمنى فى الموضوع كله ولو عايز احذفها كمان ياعفيفى اانت عندى اغلى واهم من القصيده المهم وجودك ومرورك وصداقتنا

[مصطفى مامون]

ايه كل حاجة ليه ليه ليه
هى مش عايزة ترجع
حاجة غريبة اوى:storm_6014232031094

والله مش عارف انا كترت فعلا ادوات الاستفهام فى القصيده دى ليه
وبعدين عملنا اللى علينا والباقى على ربنا شكرا اميره على تواجدك

[مصطفى مامون]

ليه بنكتب هجرنا ونقول دا قدر
والشمس بعدك تنطفى وتبقى سهر
فين العهود والاالورودحتى الامال بقت حدود وقت السفر
وليه وليه وليه؟؟؟
الليالى اللى عشتهالك بتضيع هدر
ما اروع ابداعاتك استاذ مصطفي
اشكرك نوران على التواجد والمرور والكلمات الطيبه من القلب شرفت بوجودك

[AFIFI MOSTAFA]

اولا شكرا ياعفيفى على مرورك اللى دايما يسعدنى بس مش عارف معنى ايه كلامك لانك كده مخلتش الموضوع فى ودنى ولا حاجه دا المنتديات والنت كله عرفه
ثانيا كلمه يااخى دى بتفكرنى بحد لما كان بيزعل يقولهالنا فياريت ماتكونش زعلان منى ودا اللى يهمنى فى الموضوع كله ولو عايز احذفها كمان ياعفيفى اانت عندى اغلى واهم من القصيده المهم وجودك ومرورك وصداقتنا

يا نهار ابيض اوعى تقول كدا يا مصطفى والله انت حبيبى يا مصطفى انت اكتر من اخ وربنا يعلم وعن موضوع الكلام فى ودنك دا هزار مش اكتر اوعى تفهم غير كدا كمان كلمة يا اخى دى والله بطلعها من قلبى مش بقصد حاجة اخش بقى فى ثانيا بتاعتك دى ازاى تقول ازعل منك انت مش اخ وبس يا مصطفى انت ابنى وانا قلت لك الكلام دا قبل كدا وازاى تقولى يا اخى احذف القصيدة كلها انا قلت لك دى اروع قصيدى شفتها لك وبريقها كامل وفعلا هى ممتازة جدا ورائعة بس انا رأييى المقطع الاخير حشو فيها ما لوش لازمة ودى نصيحة مش نقد وانا قبل كدا ياما سمعت منك نصايح فى شعرى وكنت مبسوط ولو مش تحب ننصح بعض بعد كدا براحتك المهم وفى اخر كلامى انا بعتز بيك وبعتبرك اخ وصديق وابن

[مصطفى مامون]

ياعفيفى انت اخويا وصاحبى والموضوع كان خوف منى انك تكون انت اللى زعلان لانى يهمنى زعلك