-- هيه مين..بقلمى(صابر)

[RSS]

هيه مين..

http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده



هيه مين.. عرفنى بيها..
عايزه اتعرف عليها..
اخترتها..يبقى كل الحلو فيها..
مش ح اقارن نفسى بيها..
ح اقول لها..حبيبى مين..
قصدى يعنى حبيبها مين..
اصلى عارفاه من سنين..

اقول لها ف الحب مين..
ياارق كل العاشقين..
اوصف لها حبيب عاشرته..
وحافظه صورته.. من سنين..
ولسه ريحته بين هدومى..
ياما انتظرته.. وقت نومى بالحنين..
واعرف حياته وذكرياته..
واعرف بيهرب منى فين..

اقول لها على غلطتى..
وازاى ماكنتش قسمتى..
سيبتك براحتك..ماافتكرتش حد ياخدك..
كنت فاكره تروح تغيب وتجينى وحدك..

اصل كانت دى عوايدك..
لما حضنى كان نهايتك..
قبل كرهك للضفاير..
ولآ ياخدك شعر طاير..
كنت انا بخلص واحايل ..
بس بختى..حظى مايل..

وانت سيبت دا كله ليه..
غصب عنك.. ولا ايه..

فيها ايه .. شدك بره حضنى..
فيها ايه..غيرك.. خلاك رافضتى..
كنت كل مكان واخدنى..
كنت مخلص.. ومعاهدنى..

عرفنى بيها.. خليها تتعرف عليك..
من نبض قلبى.. تعرف الطبع اللى فيك..
وتشوف مكانك.. لما كنت بحتويك..

بصمة صوابعك فوق خدودى..
ودبلتك ..كت حاضنه ايدى..
وكف ايدك.. وسط عودى..
واقول لها.. يوم حبها.. كان حكم موتى..
هيه مين