-- يااختاه ويااختى عايزه نصيحتى تعالى هنا دقيقه

[RSS]

http://akhawat.islamway.com/forum/uploads/post-20628-1188517246.gif


أحبــائى فى الله ,,,
رأيت كثيرآ من الاخوه والاخوات بذون ذكر اى اسماء
عاملين مواضيع بتتكلم
عن الحجابـ تعالوا كدهـ نتكلم ببســاطه وبطريقه سهله جدا

بســ هو الموضوع ده طويل شويتين وبعد كده ينقل للركن الاسلامى


انا عايزه اقول كلمة صغيره .. لبس الحجاب مش هو المقصد ( فقط ) من الالتزام .. ومش هو نهاية الالتزام ..

بل هو خطوة للفوز بالجنان من عند الرحمن








لبس الحجاب مش مجرد تغطية للجسم بس..الحجاب ده شيء كبير اوي .. شيء محترم اوي ( قمة العفه والعفاف )







الحجاب مش بس إخفاء للجسم من العيون

الحجاب ده

سمو في الروح .. وعلو في الهمه .. ونقاء في القلب








الحجاب ده شعار للبنت بتقول فيه للناس ابعدوا عني انا محترمه .. محدش يبصلي بصه وحشه .. محدش يروادني عن نفسي ( المعاكسه )





طب ايه دليلك

الدليل من افضل كتاب على وجه الارض







يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً

(سورة الأحزاب الآية 59 )










يعني بحجابك هتتعرفي انك انسانه محترمه مؤمنه وده جزاءه في الدنيا انك متتأذيش ..






متتأذيش من سماع كلمات مش كويسة.. ومن نظرات سيئه .. وهكذا ..








وفى الآخرة بقى ستنالى الاجر والثواب من عند الله ( وما اعظمه من اجر من عند الله )




موضوعنا النهارده عن تصحيح بعض التساهلات والاخطاء عند بعض المحجبات ..

( فى حاجات بيقعوا فيها وهما مش واخدين بالهم)







بس الاخطاء الي هذكرها دي هيقراها في القهوه اخوات فضليات كلهم بفضل الله احسن من واحدهـ زيي يبقا ليه جي انصحهم ..





انا بنصح من باب التذكير .. والتاكيد .. وكمان عشان اجمع ليهم المخالفات والاخت بقا الملتزمه تنصح عن طريق النت بالنشر في المنتديات النسائيه والاخرى

وتنصح اختها وامها وبنتها وجارتها وصاحبتها

وزميلتها
وده مهم عليها كدعوه
مش انتى ربنا انعم عليكى بنعمة الاسلام
يبقى فين دورك








الاخوات هيثبتوا بالموضوع بتاع النهارده انهم مش متاكسلين كده وبالفعل هينشروا الموضوع .. سواء في النت والمنتديات وعبر الايميلات والمدونات او سواء في انها تنصح صاحبتها او تنشرها عن طريق ورقه في المسجد ...

او الخ .........







هنبدء ببعض الاخطاء وهحاول انها تكون منظمه الي حد ما ..

وهنعرض الحل والعلاج يعنى كل حاجة وليها حل بإذن الله














نبدء ببسم الله






أخطاء فى لبس الفتيات





- الكعب العالى لما يصدره من صوت وحركة مائله في المشية .





والحل انك تلبسي حذاء او كـُتش يكون فلات ( علي الارض يعني )









2- لبس الاسدال او الملحفه أو العباءه ويكون الكـُم بتاعها واسع .. بحيث ان مع اي حركة ورفع لليد بيظهر الذراع كامل .. ولا شك دي فتنة حتى وان كنتي لابسه جونتي بيكون ايده صغيره يدوب بتداري كف اليد .. ومفيش اخت تقول انا بخلي بالي ومش برفع ايدي .. طبعاً ده غلط المفروض تعملي الصح ومتعلقيش عفتك علي هخلي بالي او مش هخلي بالي ..





عندك حل من اتننين للموضوع ده . إما تلبسي حاجه بكـُم قميص او تيشرت داخلى تحت الهدوم بكم بحيث مع الجونتي ذراعك ما يظهرش .. ولو الجو حر ومش عارفه تلبسي شيء بكم .. يبقي تشتري حاجه اسمها معصم .. هتلاقي في اي محل محجبات وده عباره عن دراع من القماش بيتلبس عشان ميظهرش الذراع .. للمرأة .













3- عباءة سوداء لكنها براقة بها شويه خرز علي ترتر .. وشويه شغل سوري .. أو مثلاُ بها خط سيلفر ( فضي ) او ذهبي .. او خامة الاسدال والملحفه نفسها اشبه بالساتان .. تحس انه عامل زي خامة قميص النوم .. او ستارة الحمام .. وهذا طبعاً يلفت الانتباه جداً جداً جداً والناس لما بتشوف اللبس بالطريقه دي بتفهم ان دي بنت مش كويسة .. او انها بنت خليجيه مش ملتزمه لابسه الحجاب عاده يعني . وطبعاً ده بيترتب عليه المعاكاسات وغيره ..









يبقي الاخت لما تيجي تشتري عباية او ملحفه او خمار او اسدال تشتريها ساده .. مفهاش اي شغل ... منها تعف نفسها ومنها توقف حال البيعات الي يبيعوا مثل هذه الاشياء وهم لما يلاقوا العبايات الي فيها شغل الاخوات بتنفر منها مش هيجبوها .. يبقي ضربتي عصفورين بحجر .





( عفيتي نفسك , وعملتي سنة حسنه )






- الحجاب ( اللبس يعنى)

يكون ضيق .. بحيث يجسم الجسم من عند الوسط او من عند الصدر .... وهذا خطأ كبير

وليس له علاقة بالحجاب ابداً








وعشان الاخت متقلش طيب انا جسمي مليان اعمل ايه .. اقولك اشترى اللبس الواسع

او روحي اشتري قماش وفصلي لنفسك حجاب صح تكون واسعه جداً مهما كان جسمك مليان .. فصلي شيء يكون واسع عليكي ( لا يكلف الله نفساً الا وسعها ) وربنا امرك بالستر والعفاف ..












الاخت المسلمه تلبس الجورب " الشراب " حتى لا تظهر القدمين لانها فتنة للرجال . والاخت الي بنشوفها لابسه حجاب


.. وقدمها ظاهره مش لابسه عليهم شراب .. وده طبعاً ميصحش يا اختنا الفاضلة ..





الحل

يبقي الاخت المسلمه المفروض تلبس شراب ومتظهرش قدمها ويفضل بلاش الشراب الي باللون ( البيج ) بيكون لون البشره وده بردو بيلفت النظر وبيعمل شك انك مبينه رجلك .. وقدمك .










البسى الحجاب كويس لأن مع اقل حركة للهوء او للرأس

ممكن يتشال الحجاب

الخطرالتاني هو تجسيم الصدر وذلك بسبب عدم اسدال الحجاب او الاسدال عليه.. وهذا الامر يتهاون فيه الكثير من اخواتنا الفضليات ..
وهما مش واخدين بالهم








يبقي الافضل تشتري لبس واسع فضفاض....

واربطى الحجاب بدبابيس علشان مايطيرش

عشان الهواء ميرفعش الحجاب...









- اختنا الفاضله تلبس حجاب

بس ممكن تلاقيها

حطت مكياج
بودرة عفريت !!
ملهاش لازمة
تضيعى الحجاب بالمكياج








(ماحدش يقولى مافيش حد بيحط مكياج الا لاظهار جمال او ماشابه )





يبقى ضيعتى الحجاب وضيعتى الشباب!!

فتنتيهم يعنى من الآخر

وكسبتى ايه
سيئات ايه !!
ربنا يرزق البنات والاولاد العفة
وياخدوا بالهم ان شاء الله








- أختنا الفاضلة تلبس لبس محتشم واسع فضفاض ولكن تلبس بعض الاشياء الملونه مثل الحذاء او ( توكه ) او الشراب او اى حاجة تانى

.. والاصل في حجاب المرأه انه غير ملفت للنظر ..







فالمفروض الاخت الفاضله متلبسش شيء يلفت النظر خالص عشان متضيعش ثواب حجابها علي حاجات هى فى غنى عنها






الاخت تتزين وهى ذاهبة للمسجد . ويكون لهذه المكياجات رائحه وكانها عطر واذا قلت لها هذا لا يجوز تقول هذه مكياجات وليست رائحه او تقول انه مزيل للعرق وليس عطر ... الحرمه كانت ظهور الرائحه وليس اسم المعطر .. وايضاً لمن تتزينين في المسجد ؟؟ مع العلم ان هذا يثير الاولاد

والبنات ايضا وسط نساء المسجد .. علي هذه الاخت .







يبقي الاخت تخرج بدون عطر ( سواء مزيل للعرق او رائحه حتى ولو كانت مسك .. حتى وان كانت عطر للاطفال حتى وان كانت كلونيا ثلاث خمسات ... لاء مينفعش .. ولا حته ينفع تعطري ابنك الصغير وبعد كده تشيليه .. لان المفسده تحققت وان الرجال يشمون رائحتك .. فالاخت تخرج بدون عطر و بدون مكياج .. وتتقي الله وتعلم ان رائحتها بدون عطر أحب الله من خروجها متعطره بافضل انواع العطور ..





على فكرة شوفت فى مكونات ريكسونا فيها ريحة من مكوناتها ماء وايثانول وعطر





ممكن تشيلى العرق باى حاجة مزيلة للعرق مفيهاش ريحة





الصراحة مليش فى الحتة دى بالنسبة للبنات





ممكن تستخدم الشبة بتزيل العرق او تستخدم كريم اسمه

vebix هو مزيل للعرق ومالوش ريحة

مرة واحدة فى الاسبوع
من اى صيدلية
وهو يبموت البكتريا المسببة للعرق
مش بيمنع العرق
يعنى العرق بيخرج من غير ريحة














12- التساهل في رفع الحجاب والاخت تظهر شعرها امام اخو الزوج او بعض الرجال بحجة انهم أقارب هذا مالا يرضاه الله ورسوله . وايضاً التساهل في رفع الحجاب في بعض المحلات بحجه ( عشان اعرف اتفرج علي الحاجه الي هشتريها )






13- التساهل في كشف شعر الرأس أمام بواب العمارة لو وجد – أو جامع القمامة ( الزبّال )

او بتاع انابيب البوتاجاز

ايوه حد يرد عليا يغيظنى ويقولى
مركبين غاز !!








او

مثلا بتاع اللبن

حيرد عليا ويغيظنى تانى ويقولى
بنشرب جهينة !!
اهم حاجة عنده انه مصر يغيظنى وخلاص !!








ياعم اى حد غريب

عن طريق ( الكسل في لبس الحجاب عند فتح باب الشقه لهم )







الحل ان مفيش شيء اسمه كسل في ستر عورتي .. والحل العملي

انك تلبسى الحجاب وتيجى تفتحى الباب

فانتى اميرة فى بيتك
او
انك تدقي مسمار عند باب الشقه تحطي عنده اسدال او خمار اونقاب يكون خاص بفتح الباب منفصل تماماً عن لبس الخروج اللى هو ايه
قولنا ايه الحجاب
بتاع الخروج بحيث يكون مكانه عند باب الشقه فقط خاص بفتح الباب .. واتقي الله اختنا الفاضله .. في نفسك ..








- عدم لبس الحجاب عند فتح باب البيت أو عند الوقوف في الشباك او وقت نشر الغسيل ( سواء بالنهار أو بليل ) و التساهل فى ذلك .. كل ذلك من الاستهانة بأوامر الله.

خدى بالك كويس











يبقي الوقوف في الشباك ( اذا كان للضروره ) او نشر الغسيل لازم يكون بالحجاب مينفعش من غير حجاب سواء بالليل او الصبح .. ومفهاش حل تاني ..








الحتة اللى جايه دى خايفه تزعل ناس كتير قوى والله

ربنا يستر

والله هاقولها من باب النصيحة
وياريت محدش يزعل ويتقبل النصيحة
بصراحة خايفه اتكلم فيها
بس بما اننا فتحنا الموضوع ان شاء الله نكمله








15- عباية مفتوحة وتحتها سروال" بنطلون جينز " يظهر من الجانبين.. وهذا مما يدمي القلب ..





انا قولت خايفه اتكلم فيها

بس بجد يا اخواتنا الفضليات

خدوا بالكم من الحتة دى
لانها ملفته للنظر
عاوز تقول ايه من الاخر
خليك صريح وعلى بلاطة !!








ده بيلفت النظر

مش قولنا فى الاول

الاصل فى اللبس انه مايلفتش النظر
صح كده
يبقى متفقين
انا عارفه ان الموضوع متكهرب وحساس جدا من اساسه








مش هقولك متلبسيش بنطلون .. لكن هقولك لا تظهري هذا البنطلون .. ولبس البنطلون مهم لان الاخت لو اكتفت بالجيبه ممكن تظهر ساقها او رجلها عند الطلوع والنزول من المواصلات فالبنطلون مهم ... وايضاً الجيبه مهمه عشان الهواء لما يكون شديد ميخليش اللبس يجسم الرجل فالجيبه بتمنع العبايه او الملحفة ( الصراحة مش عارف اللبس ده بيقولوا عليه ايه لانى مش متخصص فى لبس البنات )

من تجسيم الرجل .. فالجيبه والبنطلون مهمين معاً تحت الملحفه








17- بعض الاخوات تلبس معصم ملون وتشمر تحته اسدالها وكانها خارجه من خناقه وتختار المعصم بالالون فسفوريه ... وينقصها الجنزير وضربتين موس في وشها .. هذا من الخطأ الفادح وتجسيم اليد .. ناهيك عن خامات هذه الباديهات أو ( المعصم ) الملتصقه بالجسد .

ومن الاخر كده وعلى بلاطه ومحدش يزعل تانى

ماينفعش باديهات








المعصم يكون اسود ومن تحت الملحفة .. عصمني الله واياكي من الفتن





18- الاخوات بيلبسوا ( ايشرب ) يكون ملون

فوسفورى وبنفسجى وفزدقى وحاجات غريبة كده

.. وبكده تكون بوظت الاكله عشان بقرشين ملح








الملحفه كافيه ..





9 – الاخت الملتزمه عندما تمشي في الشارع وشايفه الهواء شديد ... تقف علي جنب .. ولا تتحرك .. لانها ان أكملت سيرها في الهواء تجسد كل جسمها .. وهي لا تبالي .الاخت الملتزمه لا تتشبه بالرجال في لبسها .ومشيتها

يبقي لما يكون يوم حلو كده كله مطر وهواء واشياء خطره الافضل الاخت تأجل مشاورها .. لو منفعش تبقي تاخد بالها بقى

اهم حاجة بقى .. تراعي ستر جسدها يعني .. وربنا يسترنا ويستر نساء المسلمين اجمعين









او مثلا لما تيجى توطى تربط رباط الجزمة او الكوتشى !!

مش فى الشارع

المفروض اول ماتروحى او تدخلى جامع من ناحية السيدات او تدخلى حمام النساء فى المدرسة او الجامعة المهم تتصرفى مش فى الشارع تربطى الجزمة
خلى بالك اوعى تعملى فتنة









فى بنات بيبقى معاها مرايه صغيرة

مش علشان تظبط المكياج او تعمل قصة او تتطلع شعرتين على جنب

خلى بالك انتى مسلمة مختلفة مميزة اكرمك الله بالاسلام








قمال اعمل ايه

ده انت شكلك متشدد

لا والله








قمال اعمل ايه بالمرايه دى يا ذكى





اظبط حجابى اغطى الشعرتين اللى طلعوا من تحت الحجاب كده يعنى وانا مش واخدة بالى

داخلة اتوضى فى الشغل او المدرسة او الكلية

بعد ماتوضى اظبط الحجاب مثلا كده يعنى








يعنى خلى المرايا الصغيرة دى تستخدم فى الحلال





اه صحيح المرايه الصغيرة دى بتبقى فين

فى الشنطة

قولت ايه
الشنطة
ايوه الشنطة
مالها الشنطة كمان !!








20 – الاخت الملتزمه إن امسكت في يديها شنطة .. صحيح هذه الشنطه ليست من لبسها ولكنها من زينتها فتراعي ان لا تكون شهره ولا فتنة





تكون شنطه سوداء وبلاش بقا ميكي ماوس وبطوط والكلام ده








(قلنا ايه محدش يزعل من الصراحة


لأن الصراحة راحة)





اقول لكي في نهاية النصائح المتعلقه باللبس .. ان من مقاصد الدين الاسلامى في لبس المرأة هو إخفاء الزينة .. فبلاش يكون لبسك ضد مقاصد الدين ..





وياريت تراجعوا الموضوع مرة واتنين وتلاته وعشرة وتقروه كمان وكمان

وركزى اختنا الكريمة شوفى انتى بتقعى فى ايه

وصلحى الخطأ
سواء خطأ كان مقصود او غير مقصود
عارفه ان حضرتك هتقولى مش مقصودة والله








اهه اديكى عرفتى وختى بالك





واقول لكي كما قال احد الشيوخ الافاضل .. اننا في عصر اتخذ البنات فيه حكمة

( خير اللباس ما قل ودل )!!

فلا تكوني ممن دل بحجابه على ضعف ايمانه .. وتشبهي بالكريمات العفيفات .. لعل الله ان يلحقك بهن في جنات النعيم ان شاء الله وبإذن الله ..








ويغفر لنا ولكى ولكم جميعاً ويرضى عنا وعنكم ويجمعنا جميعاً في جناته ويرزقنا النظر إلى وجه الكريم .. وهو راض عنا ويغفر لنا الذلات والخطايا ما ظهر منها ومابطن

وييسر حسابنا وييمن كتابنا وثقل بالحسنات موازيننا وثبتنا على الصراط وابعدنا عن الفتن وعن اثارة الفتن قولوا امين ..







نسألكم الدعاء لنا بشدة بالخير

فأنا فى اشد الحاجة الى دعاؤكم بجد







اللهم ارزقنا الاخلاص





اللهم اغفرلنا الذنوب صغيرها وكبيرها حديثها وقديمها





هتقولوا كنت شديده فى الموضوع ده

بجد كنت بكتب الكلمة وامسحها واراجعها

وخدت وقت
لانى عارفه ان الموضوع صعب وحساس جدا








بس هو عامل مشكلة الصراحة فى المجتمع عموما





بس انا عاوزه حاجة تانية من الموضوع ده هو

شوية طلبات غريبة كده

1- نشر هذه الحلقات عبر الايميلات والمنتديات والمواقع والجروبات حتى لو تطبعوا الحلقة وتتصور او تتحط فى جامع ( طبعا ملخص الحلقة او المفيد بعد ماتحذف الهزار طبعا )








2- كنت حريصه جدا فى كل كلمة وبحاول اتوقع رد الفعل ولو فى زلة خطأ فمنى ومن الشيطان

وربنا يستر







3- والاهم فى حلقة اليوم حاجتين

ا/ كل اخت فاضلة تقوم تروح على الدولاب او على الشماعة تشوف هدومها وتفرزه

لو حجاب صحيح تلبسه
ولو مش حجاب ماتلبسوش
لو يعنى وسط ( بين ده وبين ده ) برده ماتلبسوش
طب انتى ليه متشدده كده








مش قلنا فوق انك مختلفة ومميزة لانك مسلمة

ليه برده

علشان تدخلى الجنة
صح كده تمام








طب فيه بنات بعد ما الموضوع خلص حتقول تصدقى

انتى نبهتنا لحاجات فعلا احنا ما كناش واخدين بالنا

وكويس انتى وضحتى لينا








وفى بنات هتقول يانهار ابيض

ده احنا مش لابسين حجاب خالص

حنقول خلاص حضرتك عرفتى الطريق
طب اعمل ايه
تنزلى بكره مع اختك او اخوكى او والدك او والدتك
وتشترى هدوم ( حجاب بقى احنا اتفقنا على ايه )
ومايكنش الوانه ملفته خدى بالك من الحتة دى
وياسلام بقى جيبى مثلا اسدال زيادة للصلاة فى البيت بقى خلاص انتى عرفتى الطريق
خلاص
ماشى خلاص
طب الفلوس اجيبها منين
من بابا او ماما او اخويا او اختى
افرض رفضوا
يبقى من الفلوس اللى انتى محوشاهم
افرض مايكفيش
يبقى تستلفى
من اصدقائك الاخوات يعنى او من جارتك
اهم حاجة تتصرفى وماتكسليش
( خلى بالك الشيطان مش هيسيبك تلبسى حجاب كده بسهولة )
ماتيأسيش








وبعدين

صاحبى المحجبات واللى لابسين خمار او نقاب او اسدال

صاحبى البنات اللى بتصلى فى الجامع او فى البيت ومحافظين على مواعيد الصلاة فى اول الوقت وصاحبى اللى بتروح تحفظ قرآن فى المسجد او جمعية تحفيظ القرآن الكريم او صاحبى
اللى بيروحوا دروس علم او مقدمة فى مقدمة فى معهد اعداد الدعاة او الدراسات الاسلامية
او او او او اهم حاجة اختارى صحابك المحترمين
لأن فى وقت الشده هما اللى بيجوا وبيقدموا المساعدة وبيسألو ا








وادعى ربنا انه ييسر لك الامور





وعاوزكى بقى تعيطى !!

ايه







لا بجد

عاوزكى تعيطى







طب ليه

هو انتى فاكره ان الكلمتين دول هيأثروا فى

ده انا مابيهمنيش








لا بيهمك





قولى ازاى





العياط هنا مش ضعف

بس العياط هنا خشية وخوف من الله

وده قوه مش ضعف
سواء كنت لابسه حجاب صح او لأ








اه تصدقى





طب فى سؤال كده لامؤاخذه يعنى

انتى مالك ؟







ايه الاحراج ده

لآ ده انا مالى ونيجيريا وموزمبيق كمان !!







ايوه كده فرفشة شويه علشان محدش يزعل





هقول لكم انا مالى





لان الحجاب تانى بيحفظك وبيحفظنى وبيحفظ ملايين الشباب





فهو ستر لكى وستر لنا ايضا





طب افرض ماعيطش





بس اكيد هتتأثرى لو ماعيطيش





طب شوفوا الصورة دى كده








http://www.al-qatarya.org/up/get-8-2008-nnr8yyr1.jpg






شوف اتأثرتم ازاى

ده الكل اتأثر بالصورة دى ولاد وبنات








ياترى انت مين فيهم

ان شاء الله تكونى زى اللى على الشمال ده

محفوظه وملفوفه ومتغطيه
محدش يقدر يقرب منك او يهمس حتى








او افرضى كنت وسط

خلاص ماحنا اتفقنا عليكى بالصح اللى قولنا

قمال احنا كنا بنقول ايه








ربنا يهديكى ويهدينا اجمعين





ياريت محدش يزعل





يارب الحلقة تكون أثرت

وتكون مفيدة

وتلبسى الحجاب الصحيح يا اختنا الفاضلة
.ويرزقنا الاخلاص فى القول والعمل








حلقة اليوم خلصت





لا لسه





علشان اللى ماعيطش ولم يتأثر





للفتيات والشباب





هخليك تعيط او تتأثر

مش مصدقه نفسك







طب حمل المقطعين الصوتيين التاليين

وربنا يسترها علينا جميعا

يارب اجعلنا وكل كل الاخوة والاخوات هنا
من اصحاب اليمين








اضغط على الرابط التالى للتحميل المباشر

مساحته صغيرة جدااااااااااااااااا

واسمع وركز كويس








http://www.get.ryadh-quran.net/a/audio/news/momis/tlawt/edris-abkr/03.mp3 (http://www.directleech.com/index.php?action=submit&account=1adj3u4wshf&forum=278&url=http%3A%2F%2Fwww.get.ryadh-quran.net%2Fa%2Faudio%2Fnews%2Fmomis%2Ftlawt%2Fedr is-abkr%2F03.mp3)







وده مقطع تانى مختلف عن الاول




اضغط على الرابط التالى للتحميل المباشر

بمساحة 3 ميجا هتحمل يعنى هتحمل






http://www.get.ryadh-quran.net/a/tlawat-moumayzah-3/03/04.mp3 (http://www.directleech.com/index.php?action=submit&account=1adj3u4wshf&forum=278&url=http%3A%2F%2Fwww.get.ryadh-quran.net%2Fa%2Ftlawat-moumayzah-3%2F03%2F04.mp3)







ها


ايه الاخبار
اتأثرت صح






بس خلاص انتهت حلقة اليوم






اضافات



بعض التوجيهات لاخواتنا البنات ( فرصة )




ده رمضــان حتى على الابواب كلها ايامـ قليلهـ





فرصة للحجاب الصح




فان لم ترتدى الحجاب الصح فى رمضان فمتى ترتديه ؟





هاقول كلام ممكن يزعل البعض وماقصدش اى حد على الاطلاق




فرصة بقى



حجاب صافى نقى




مش اللفة اللى بتتعمل دى بيقولوا عليها لفة الكرومبة ماينفعش بقى ده مش حجاب مين قال كده



خليه حجاب صح ده فرصة فى رمضان ومن دلوقتى أبدأى





وبلاش المكياجات والروج واالبودرة
والكلام الفاضى ده
فى ناس بتقول خليه خفيف خفيف
ماينفعش خالص



الحاجات دى تنفع للزوج فقط فى البيت ( لحلالك فقط)




فرصة شهر رمضان قرب وانوى من دلوقتى





الكلام بقى اللى ناس ممكن تزعل منه اهه وماقصدش حد والله



البنطلون ما ينفعش



قمال الولاد يلبسوا ايه



ولا البديهات



على فكرة البنطلون للبنات بيعمل فتنة للشباب واسألوا اخواتكم الولاد
واكيد البديهات بتعمل فتنة من غير سؤال معروفة طبعا






فرصة خليها حجاب صح دلوقتى و فى رمضان






الالوان يا جماعة فى اللبس وده هو الاخطر



احمر ماينفعش



اصفر ما ينفعش



وماشابهم من الالوان البراقة



الالوان دى بتلفت النظر جداا




والاصل فى لبس الاخت المسلمة انه لا يلفت النظر




ده حجاب يا جماعة جاءت من الحجب




الكلام والله ده مش تشدد





فرصة ذهبيه تكسبيهـا




( مش مشكلة حد يزعل من الكلام اللى بقوله ولم اقصد به اى شخص
والمشكلة اننا نزعل يوم القيامة )




ربنا يسترها علينا واياكم



ورزقكم اخواتنا الحجاب الصحيح




علشان كده بقول ركزوا جدا وانتوا بتشتروا هل اللبس ده ممكن يفتن اخويا المسلم ولا لا



لو يفتن ( حتقول انه جميل واستايل ) برد ه ماينفعش خاااااااااااااااااااااااالص




لو حجاب صح خالى من الالوان البراقة وواسع وفضفاض غير مجسم
ومفيش روج ولا مكياج ولا بودرة ولا منكير ولا تربية ظافر او غيره




فاعلمى انكى غالية فى نظر الجميع
الكل يدعو لكى بالخير
بمجرد رؤية اخت فاضلة محجبة
وكثيرا ماتحدث فى الشارع
تلاقى الناس بتقول للاخت اللى لابسه حجاب
ربنا يكرمك ويعزك ويحفظك من كل سوء ويكثر من امثالك
تخيلوا ده من ايه
ده بمجرد رؤية اخت فاضلة لابسة حجاب صح






بما اننا بقى شهررمضان قرب





عاوزين تعرفوا اللبس صح ولا لا




تخيل لو الرسول محمد صلى الله عليه وسلم جاى فى زيارة لكم عندكم فى البيت
هل ينفع تقابلوه باللبس ده ولا لا ؟




الاجابة يعرفها كل شخص بنفسه




طب وانتى رايحة تصلى هل ينفع اقابل ربنا باللبس ده




الاجابة يعرفها كل شخص بنفسه






فى ناس بتقول المهم حجاب القلب مش الحجاب الظاهرى



يا سلام على الحكم اللى تودى فى داهية




الاصل فى الحجاب ( حجاب ظاهرى وداخلى )




فى مشكلة كثيرا ما تحدث تلاقى البنت قبل ماتنزل مثلا للمدرسة او الكلية



تروح للبنت لامها او ابوها وتقولهم ايه رايك فى اللبس



يقولو لها قمر او عسولة او عروسة ياولاد او زى لهفة القشطة !



تخيلوا الاب او الام يقولوا كده



فأين دور الاباء والامهات فهم مسئولون عنهم يوم القيامة



تخيلوا لما الاب او الام يقولوا كده



قمال الشباب فى الشارع او المدرسة او الدرس او الكلية
يقولوا ايه ؟



اذن فهى بهذه الطريقة تسبب فتنة بنسبة 100%





كنت عاوزه افضفض واقول الكلام ده
لان عارفه ان فى ناس كتير لا تخوض مع اخواتهم البنات فى مثل هذا الامر




المطلوب هو التوبة والعودة الى الله
والاخذ بالاسباب ولبس الحجاب الصحيح




واعلمى جيدا



بأن




الجنة غالية






واخيرا فرصة ده شهر رمضان على الابواب