-- الحدوته خلصت..بقلمى(صابر)

[RSS]

الحدوته خلصت

http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده



الحدوته خلصت..والستاره نزلت..تبقى دى النهايه..
دنيا و كان ماليها..راح وضحى بيها..خلصت الحكايه..
لا امير خد اميره..ولا راحوا الجزيره.. زى مافى الروايه..
الحقيقه ظهرت..
والحدوته خلصت

فضلت صاينه عهده..فضّل ينسى وعده..والقلوب اتقسمت..
والقصه الجميله..سهرت كل ليله..تتمناها حصلت..
تحكيها بدموعها..تشكيها بضلوعها.. والضلوع إنكسرت..
والحدوته خلصت..

ماعدش فينا حد طيب..
ولا إيد تداوى.. او تطيب..
اللى كنت بقوله أمرك..
ايوه ..حاضر..
آه.. وطيب..
وكان ف حضنى من قريب..
حتى دا.. ماطلعش طيب..
هدنى.. بأمور تشيب..
اعمل ايه..الصبر طيب..

الغياب دا رساله وصلت..
إن حاجه بينّا حصلت..
والحاجات الغاليه رخصت..
والحدوته خلصت..

لسه بآجى انام الاقى عينيه صاحيه..
لسه صورتك بتحاصرنى فى كل ناحيه..
م اليمين وعلى الشمال..
ع المخده وع الجدار..
لازم انسى.. والسؤال..
انسى ولآ.. دا انتحار..

فضيناها.. وكل واحد خد طريق..
فضيناها.. وانت منها بقيت برىء..
سيب بقى العطشان غريق..
ليه تقيد حواليه حريق..
انتهينا.. زى ماانت كنت عايز..
انتهينا ..و انت بس طلعت فايز..
كل شىء حلو إنكسر..
واللى عايزوا خلاص حصل..
الستاره نزلت..والحدوته خلصت..
الحدوته خلصت