-- يمهل ولا يهمل ... بقلمى

[RSS]

يمهل ولا يهمل
*-*-*-*-*-*-*

كان هناك اسرة ,, اسرة صغيرة
متوسطه المستوى .. اسرة سعيده

الابن : يا بابا ,, انا عايز لبس جديد و عايز العجلة اللى قولتلى عليها
الاب : من عنيا ,, حاضر يا حبيبى ,, وانتى يا حبيبة بابا عايزه ايه ؟
الابنه : انا عايزة عروسه زى اللى بتيجى فى التلفزيون
الاب : بس كده .. من عنيا

__________________________________________________ _
الاب : يلا قوموا غيروا هدومكم عشان خارجيين
الام : هنروح فين ؟
الاب : ملكوش دعوه المهم غيروا و يلا عشان ننزل
الاب : اركبوا مستنيين ايه ؟
الابن : نركب فين يا بابا ؟
الاب : فى عربيتكم الجديدة
الابن : بجد عربيتنا ,, بحبك يا حلى بابا فى الدنيا
الابنه : ممكن يا بابا تدهالى اسوف بيها شويه عشان عربيتى اللى فوق اتكسرت
الاب : حاضر بس لما تكبرى شويه عشان تسوقيها كويس
__________________________________________________ ___
الابن : صحيح يا بابا هو جدو كان شغال ايه ؟
الاب : كان شغال مدير
الابن : طب هو جدو فين ,, اشمعنا انا معندييش جدو
الاب : عشان جدو مات قبل ما تتولد
الابن : مات ازاى و ماما قالتى انه كان بيحبنى
الاب : متتكلمش فى الموضوع ده ,, و متجبش سيرة جدو دى تانى
الابن : طب انا عايز اشوف صورته
الاب : يووووووووووووه بقى قولتلك متسألش فى الموضوع ده تانى
__________________________________________________ __
الابن : يا ماما يا ماما ,, الجواب ده جيه لبابا
الام : طب سيبهوله ع المكتب ولما يجى يشوفه
الابن : حاضر بس دى اول مرة بابا يجيله جواب ,, مين مين ده ؟
الام : ملناش دعو اكيد جواب تبع الشغل
الابن : طيب

* بس دافع الفضول كان قوى عند الولد و قال *
" انا هفتح الجواب فتحه صغيره و اقراه و اقفله تانى و مش هيحصل حاجه يعنى "

الى ابنى الوحيد
*-*-*-*-*-*-*
ارسلت لك خطابى هذا وانا على فراش الموت ... و اظنه اخر خطاب لى فى هذة الحياة
كل ما اتمناه ان تصلنى اجابتك على هذا الخطاب قبل ان اموت
و ان ترد على اسئلتى ؟
ما ذنبى فى الدنيا ,, هل كان ذنبى الفقر ؟
اذا كان الفقر ذنب فلماذا لا يحاسب عليه الله
هل كان ذنبى انى علمتك و جعلت منك رجلا
هل كان ذنبى ان اعيش لك ابا و اما بعد وفاة ولادتك
هل كان ذنبى انا اووصلك للمدرسه كل يوم
هل كان ذنبى انى رعيتك حتى دخول الجامعه
هل كان ذنبى انى لم ارث شيئا من اهلى
هل كان ذنبى ان تضيع صحتى لكى اوفر لكل ما تحتاجه

انا اعلم انى كنت مقصر معك ... و لكن لم يكن هذا ب يدى
تذكر كم اشتريت لك ملابس جديده
اعرف انها مرات قليله و لكن هل تتذكر انى اشتريت لنفسى شيئا ؟
نعم لا تتذكر ,, لأن كل ما ادخره كان لأجلك
تذكر كم سهرت لمرضك و تالمت ل أوجعاك
كثيرا ما فعلت ذلك و لكن هل احسست ب الالامى من قبل؟
بالطبع لا ف انا لم اخبرك عنها شيئا
هل تتذكر كم لعبت معك و انت صغيرا ,,, و كم مرة نصحتك و انت كبيرا
هل تعلم ان كل ما فعلته لأجلك جعل منك رجلا
رجل يتحمل مسؤليه اسرة
رجل يعتمد عليه فى عمله
رجل مع ابنائة و مع اصدقاءه

ولكن اى رجل يترك اباه بعد ان تغير حالة
اى رجل يحرم ابوه من رؤيته و عند الحاجه اليه
الم ترى ان الاوان قد جاء لترد لى حقوقى
لا اطلب منك اموالا ,, فعزتى ستمنعنى عن ذلك
وبرغم مرضى لا اطلب منك شفقة
ولكن اطلب منك ابنى
ابنى الذى سلبته منى بطمعك و غرورك

وبالرغم من كل ما فعلته
فقد كنت اراك وارى احفادى ,, كثيرا ما اطمئننت عليك
سأفتقدك يا اعز ما املك

المرسل : المظلوم ابوك

وبعد هذا الخطاب لم يكن من الابن سوى البكاء على هذا المظلوم الذى كان اباه سب تعاسته
* رجع الاب من عمله و رأى الخطاب فى يد ابنه و الدموع على وجهه *
و هنا رق قلب الاب ,, و ذهب ليرى والده ويطلب منه ان يسامحه
و تاخر كثيرااااااا على تلك الخطوة
ولكنه لم يلوم نفسه طويلا فسريعا عاد من جديد لينسى ما حدث

_______________________________________________

ولكن الايام لا تظل على حالها
و تأتى الرياح بما لا تشتهى السفن
فكل شئ يتغير ,, و لكل بدايه نهايه
و ما الدنيا الا اختبارات
خسر الاب امواله ... و فقد عمله
و اصبح ما يجنيه قليلا

و زادت متطلبات اولاده يوما بعد يوم
و لكن حدث ما يؤلم كل اب
مرضت ابنته ,, الابنه الصغيره التى كثيرا ما ملأت البيت سعاده

ولم يستطع دفع مصاريف علاجها
اضطر ان يسرق ليدفع تكاليف العلاج
... و ماتت مع صراع لم يدوم طويلا مع المرض
و كان هذا حسابه فى الدنيا ,,, ودخل السجن

لم يتبقى فى الاسرة سوى الام المكلومه وابنها الذى شق طريقه فى هذة الحياة
ومرت السنين
وخرج الاب من السجن ,, و طول هذة الفترة لم يكن يعرف شيئا عن ابنه
الذى اختفى من حياتة فجأه ,, لم يكن يرد على خطاباته ورسائله
واول ما فعله هو ان يبحث عنه

فلم يفلح فى بحثه هذا , وظل يبحث كثيرا حتى اخر عمره
و كانت النتيجه الفشل
و كان من الله العقاب و كان من الابن الانتقام

بابا و ماما دول اغلى هديه و احسن نعمه من ربنا علينا
لازم نحمد ربنا عليهم و الاهم من كده اننا نحافظ عليهم
منزعلهمش , مهما كانت الاسباب
لازم تعرفوا ان اى حاجه هنعملها فى اهلنا ,, لازم ترجعلنا
تعرفوا ان ربنا ممكن يسامحك فى حاجات كتير
بس مش بيسامح فى عقوق الوالدين حتى لو كان الوالديين مسامحيين
و مش بيكون الجزاء فى الاخرة بس ,, لا لازم يكون الانتقام فى الدنيا كمان
مصيرك تعيش حياة تانيه وتكون ليك / ى اسرة و اولاد
لو عايز تكون كل حياتك سعيده ابدأ من دلوقتى
و افتكر ان الانسان مش بيقدر قيمه الحاجه الا لما تضيع منه
و مظنش حد فينا يقدر يستحمل فراق حد منهم لقدر الله
و اهم حاجه ان يكون لأخر يوم فى عمرهم راضيين عنك
وهتشوف ثواب معاملتك معاهم فى الدنيا والاخرة ان شاء الله
و لو مزعل حد فيهم او هو اللى زعلان منك سيب اللى فى ايدك وصالحه
و حتى لو زعقولنا او زعلونا ,, اكيد مش رخامه ,و ده بس عشان بيحبونا و بيخافوا علينا
و انت/ ى لما تكبرى هتعمل كده فى ولادك واكيد مش عايزهم يزعلوك كده
يلا مستنى ايه , مش لازم يكونوا زعلانين
ادخل/ى بوس ايد امك و ادعيلها تدعيلك و ترضى عنك
و اعذر ابوك حتى لو كان مقصر معاك بعطف او متطلبات ماديه فده مش بمزاجه
واكيد ظروف الحياة هى اللى فارضه عليه كده
و اخر حاجه افتكروها

" يمهل ولا يهمل "

@ By : Mohamed Saad

Thanks 4 Reading

http://img.dailymail.co.uk/i/pix/2008/04_04/020childDM_468x307.jpg