-- مش اى حد تصدقه..بقلمى(صابر)

[RSS]

مش اى حد تصدقه

http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده


مش اى حد تصدقه..مش كل كلمه تغيرك..
العمر بيضيع الحقه..مستنى مين يفكرك..

قلبى اللى يحبك يعمل ايه..
مشتاق اوى و محتاج لقاك..
شوفله علاج يمشى عليه ..
يتحمل البعد ف هواك..

ماقولكشى اللى بحلم بيه..
ماقولكشى بحس بأيه..
ح اسيبك تكتشف وحدك ..
غرامك اللى عايش فيه..

جميله الدنيا من قربك..
بتحلى وتغلى من حبك..
بعيشها من حنان قلبك..
واشوف جنه وانا جنبك..

واجمل م الحنان عطفك..
بحسه لما اكون شايفك..
وكل دقيقه ابقى معاك..
مابشبعش حنين للقاك..

ثوانى العمر محسوبه..
وياما حلفت ع التوبه..
يكدبنى.. حنين قلبى..
ويصرخ فيا بتمناك..

ياروح الروح بتسعدنى..
بعطفك لما توعدنى..
واحس بقلبى متهنى ..
وكان قدرى اكون وياك..

قاتلنى الشوق لاحضانك..
ونفسى ادوق دفا حنانك..
ماقولكشى عن الحساد ..
كتير حاسدنى علشانك..

ومهما بيجرى باقى عليك..
ماتسمحشى يأثر فيك..
ويدخل بينّا اى شريك..
عشان قلبى ياقلبى شاريك..
مش اى حد تصدقه