المساعد الشخصي الرقمي

مشاهدة النسخة كاملة : انتي الحب وهما اللعب !!!


خلود
24-01-2009, 01:01 PM
ياجماعة في موضوع غريب بيحصل ساعات مع البنات و عايزة اعرف رأيكم فيه ؟

ايه رأيكم في واحد بيحب خطيبته اوي بس بيخونها مع بنات كتير بكل معاني كلمة خيانة و اما تسأله انت بتعرف البنات دي ليه ؟

يقولها عادي يا حبيبتي انتي بتاعة الحب و الجواز و دول بتوع اللعب و الصرمحة وان شاء الله بعد الجواز مش هيبقي فيه كلام من ده .

بزمتكم في كده ؟؟

تفتكرو ممكن يكون بيحبها بجد بس البنات بتجري في دمه ؟

ولا في رأيكم اللي يعرف بنات علي واحدة بيحبها يبقي هو ماحبهاش اصلا ؟

يا تري ممكن تبقي بتحب واحدة بجد .. بس بتحب تاخدلك وقت كل فترة تجدد فيه عواطفك مع غيرها ؟

و تفتكرو ان اللي البنات بتجري في دمه ده لدرجة انه معاه خطيبته و بيخونها .. ممكن فعلا يتعدل بعد الجواز .. ولا هيفضلو عايشين فيه حتي وهو مع مراته ؟

و الولاد اللي بيبقو بيحبو البنات و العلاقات الكتيرة للدرجة دي .. تفتكرو ده نتج من ايه ؟؟

كان عندهم من صغرهم حرمان و لا انفتاح ؟؟؟؟؟

http://www.m7shsh.net/images/xc8a7guz35n3zk8w92ch.jpg
محمود التهامي
24-01-2009, 01:19 PM
تفتكرو ممكن يكون بيحبها بجد بس البنات بتجري في دمه ؟

أكيد لأ هو أصلا مش عايز حب هو عايزها بس تصون بيته بدليل انه مبيعملش معاها زي التانيين

يا تري ممكن تبقي بتحب واحدة بجد .. بس بتحب تاخدلك وقت كل فترة تجدد فيه عواطفك مع غيرها ؟

متهيألي المفروض انها تكونله كل حاجه وزي ما قولنا قبل كدا اربعه وحتى الاربعه مش كفاية اللي عايزة تحافظ على جوزها لازم تكونله كل نساء الدنيا مع العلم برضه ان فيه رجالة عنيهم زايغه زي ما بيقولو ومفيش حاجه هتفرق معاهم بمعنى ادق يعني زواقين ودول بقا ربنا يرحمهم ويرحم الله تكون من نصيب واحد منهم

ممكن فعلا يتعدل بعد الجواز .. ولا هيفضلو عايشين فيه حتي وهو مع مراته ؟

أكيد هيفضل كدا لانه عمل كدا حتى وهو معاها خطيبها بقا جوزها مش فارقه
لو كان تصرفاته كدا قبل ما يعرفها كنا ممكن نقول ربنا هداه لكن كدا معتقدش

و الولاد اللي بيبقو بيحبو البنات و العلاقات الكتيرة للدرجة دي .. تفتكرو ده نتج من ايه ؟؟

معرفش ناتج عن ايه بس دي فروق فردية بالاضافة ل اكيد السبب هو البنات اللي سمحوله بكدا يعني لو كان البنات اللي عرفهم دول صدوه واحترمو نفسهم اكيد مكنش هيلاقي حد يلعب بيه او معاه مش معنى كلامي طبعا ان البنات بس هي السبب لأ ممكن هو يكون طبيعته او شخصيته كدا يعني اما بقا انفتاح وحرمان والكلام دا لا اظن لان كل الشباب دلوقتي محروم وكل البيوت فيها دش اشمعنا بقا فيه ناس محترمة وناس لأ
خلود
24-01-2009, 03:28 PM
هههههههههههههه

شوف انت بقى

يبقى اتفقنا هو طبع وشخصيته كده
محمود التهامي
24-01-2009, 03:37 PM
يا سلام

مانا قولت كلام تاني

اشمعنى دي يعني اللي مسكتي فيها
اميرة حبى انا
24-01-2009, 03:39 PM
بزمتكم في كده ؟؟
وابو كده كمان
إبراهيم البشبيشي
24-01-2009, 04:02 PM
أنا رأي إن الحب بعد الزواج هو الحب وما قبل الزواج مجرد احتمالات ممكن تصيب أو تخيب لكي نعيش في الحب يعني باختصار كده زي ماقال عمنا نزار :

فانا في الماضي لم اعشق بل كنت امثل دور العشق
الباشا تلميذ
24-01-2009, 07:57 PM
فعلا الحب الحقيقى يأتى بعد الزواج
http://www.m7shsh.net/images/mpzqczjcodok6sw4s0.jpg
اميرة حبى انا
25-01-2009, 12:32 AM
ياجماعة
الحب فى اى وقت
بس يجى
fagrmasr01
25-01-2009, 01:20 AM
انا رأيى هو ان الولد الى بيعمل كده هو عيل مايص مالوش أمان
واللى مالوش امان مينفعش يصونك يا بنتى انتى وهى
اذا كنتى معاه وبيعمل كده وفرحان بخيبته
امال لما تكبرى ولا لما بعد الشر عنك تمرضى هيعمل فيكى ايه
الحب هو انه يملأ حياتك وتملأى حياته بصدق
انما المياصة التانية دى .. خيبة أمل

من يحبك يتفنن فى ارضائك .. فهل معرفته بأخريات يرضيكى؟؟؟
من يحبك لا يفعل ما يغضبك .. أفلا يغضبك مرافقته للبنات المايصة ومياصته معاهم.. قصدى معهن

استحلفكم بالله يا بنات مصر تخللوا بالكوا من نفسكوا
وصدقونى يا بنات لسه موجود شباب فى بلدنا طيبين ويعرفوا ويقدروا معنى الشرف والاخلاق
لاتستعجلوا التعارف بحجة ان العريس اتاخر ،
وخلى بالك يا بنتى ان النصيب هو الى هايصيب والعجلة من الشيطان وخصوصاً فى اختيار شريك عمرك

وشروط الزواج انك تتطمنى انه ممكن تحققى معاه ( سكناً ... فى مرحلة الشباب والقوة ... ومودة .. فى الظروف العادية واثناء الضغوط والمتغيرات الحياتية .. ثم . رحمة .. فى الظروف المرضية وفى العمر المتقدم.

بسم الله الرحمن الرحيم ( ومن آياته ان خلق لكم من أنفسكم أزواجاً لتسكنوا اليها وجعل بينكم مودة ورحمة ) صدق الله العظيم

اختارى شريك حياتك على مهلك ومتستعجليش .. نصيبك حاى لك يعنى جاى لك..
سامحونى اصل انا راجل عجوز وفلاح ومعرفش ايه الى حصل وخللى ولادنا خابوا بالطريقة دى

جمال: فلاااااااح من بشتيل