RSS
28-05-2011, 03:12 AM
1- لم كل الامن المركزي الموجود في البلد وطلعو على المظاهرات ... لو مظاهرة سلمية ومفيهاش أي عنف .. حاول تغير جو الملل ده وتخلي فيه شوية أكشن .. يعنى مثلا إرمي عليهم قنبلة مسيلة .. إضرب طلقتين في الهوا .. رش عليهم شوية ميه .. المهم لازم تحسسهم بوجودك .. وأول ما تلاقي بقى إنهم بدأو يقاومو ...ابتدى بقى الشغل يا معلم .( طبعا إنت عارف هتعمل إيه ... هو أنا يعني إللي هقولك ) .... آه كنت هنسى ما تنساش تضربلك كم رصاصة حية على المتظاهرين .. عشان الباقي يخاف ويحرمو يطلعو تاني في المظاهرات .
2- إتهمهم إنهم بيقبضو من بره ... وحاول تحبك الحكاية شوية يعني مثلا قول إن إحنا قبضنا على واحد لابس جزمة أديدس .. لأ وكمان عشان التمويه كاتب عليها أديبس .
3- أوعى أول ما الشعب يقولك إرحل ترحل علطول .. إختبر قوة تحمله ... شوف شعبك صبور ولا بيجزع ومعندوش قدرة على التحمل .. لو حسيت إنه مش قادر يصبر عليك إطلع قولهم خطبة تذكر لهم فيها محاسن الصبر وعقاب الجزع عند نزول المصائب .
4- البلطجية : مش أي حد ماشي في الشارع وماسك في إيده شومة يبقى بلطجي .. البلطجي الصح إللي النظام لازم يعتمد عليه لازم يكون واخدله على الاقل تلات مطاوي في وشه .. ويكون بيصطبح كل يوم بتلات اربع خناقات على الريق ... ويسترجل كده وميخفش وهو ماسك أي حد بيقطّعه بالسنجة بتاعته ويتعامل معاه عادي زي ما ست البيت لما تمسك خيارة تقطعها في طبق السلطة.. هل بتكون خايفة ؟ ( بالعكس دي بتغني وهي بتقطّعها ) ... ولازم البلطجي ده يكون على علم إنه مش مجرد بلطجي عادي ملوش أي لازمة ... لأ ده زيه زي الموظف إلي شغال في الحكومة .. ليه مرتب آخر الشهر غير مكافئاته وبدلاته .
النظام القمعي لازم يحسس البلطجي بالامان وإنه مش منبوذ من المجتمع ... وإن دوره ميقلش بأي حال من الاحوال عن دور الدكتور أو المهندس .
ويتلخص دور البلطجي في الثورات بالتالي :
1- الطلوع على المتظاهرين بالسنج والمطاوي والشوم للإرهاب
2- حدف المولوتوف على المتظاهرين
3- حدف الطوب والأزايز على المتظاهرين
4- شتم المتظاهرين بجميع انواع الشتايم
5- اشتم قناة الجزيرة واتهمها إنها قناة عميلة ومثيرة للفتن ... وإن كل صور القمع إلي بتجيبها على شاشاتها دي مش موجوده في بلدك ( دي في البلد إللي جنبكو ) ... وبعدين ما هو برضه ساعات الواحد يكون ماشي في الشارع ويسمع صوت عيل صغير أبوه بيضربه فيفكر إن الصوت طالع من عندك ... لكن يطلع في الآخر الصوت طالع من عند جارك .
6- إطلع لشعبك قوله خطاب تفكره بيه بالأيام الحلوة إللي كانت ما بينكو .. خد عندك مثلا الخطاب ده ( الاخوة والاخوات ... لقد تألمت كثيرا عندما علمت أن هناك خمسة عشر مواطنا قامو بمظاهرات معارضة لي في انحاء البلاد ... ولذلك فقد أمرت الجهات المعنية بالتحري عن هؤلاء المواطنين ... وعلمت أنهم من القلة المندثة التي لا ترشحني في الإنتخابات الرئاسية ... إنهم من الواحد من العشرة في المية الذين لايرشحونني .. ومع ذلك فقد أعطيت لهم فسحة من الديمقراطية للتعبير عن مطالبهم المشروعة ... ولكني صدمت بما فعلوه فقد تمادو وطالبو برحيلي ...ولكني أريد أن ابشر ال 99,9 % المؤيدين لي إني لن ارحل باي حال من الاحوال ... أأرحل وأترككم ... فمن إذا سيمرمطكم ... عفوا ... من سيمر بكم من الازمات إلي بر النجاة ... حفظ الله هذه البلاد وحفظني وجعلني دائما رئيسا لكم .. وعلى قلبكم .
7- لو مفيش حاجة نفعت من الكلام إللي فوق ده ...اتبع تعليمات القذافي في التخلص من المظاهرات ( هات كم طيارة واقصف المتظاهرين وريح نفسك بقى ... هو إنت هتعد تدادي فيهم .. و تقول لفلان أسكت يا بابا المظاهرات دي بتاعة الناس الوحشين ... وتقول للتاني خلاص يا حبيبي عيب كده تشتم راجل أد ابوك .. لا مش هينفع الكلام ده .. هي كم طيارة على كم دبابة ونخلص الموضوع ده بقى )
وبكده عزيزي الحاكم تكون خلصت من وجع دماغ شعبك ... وتعرف تاني تنام مبسوط قرير العين ... وتنسى إن حد ينغص عليك عيشتك تاني .
2- إتهمهم إنهم بيقبضو من بره ... وحاول تحبك الحكاية شوية يعني مثلا قول إن إحنا قبضنا على واحد لابس جزمة أديدس .. لأ وكمان عشان التمويه كاتب عليها أديبس .
3- أوعى أول ما الشعب يقولك إرحل ترحل علطول .. إختبر قوة تحمله ... شوف شعبك صبور ولا بيجزع ومعندوش قدرة على التحمل .. لو حسيت إنه مش قادر يصبر عليك إطلع قولهم خطبة تذكر لهم فيها محاسن الصبر وعقاب الجزع عند نزول المصائب .
4- البلطجية : مش أي حد ماشي في الشارع وماسك في إيده شومة يبقى بلطجي .. البلطجي الصح إللي النظام لازم يعتمد عليه لازم يكون واخدله على الاقل تلات مطاوي في وشه .. ويكون بيصطبح كل يوم بتلات اربع خناقات على الريق ... ويسترجل كده وميخفش وهو ماسك أي حد بيقطّعه بالسنجة بتاعته ويتعامل معاه عادي زي ما ست البيت لما تمسك خيارة تقطعها في طبق السلطة.. هل بتكون خايفة ؟ ( بالعكس دي بتغني وهي بتقطّعها ) ... ولازم البلطجي ده يكون على علم إنه مش مجرد بلطجي عادي ملوش أي لازمة ... لأ ده زيه زي الموظف إلي شغال في الحكومة .. ليه مرتب آخر الشهر غير مكافئاته وبدلاته .
النظام القمعي لازم يحسس البلطجي بالامان وإنه مش منبوذ من المجتمع ... وإن دوره ميقلش بأي حال من الاحوال عن دور الدكتور أو المهندس .
ويتلخص دور البلطجي في الثورات بالتالي :
1- الطلوع على المتظاهرين بالسنج والمطاوي والشوم للإرهاب
2- حدف المولوتوف على المتظاهرين
3- حدف الطوب والأزايز على المتظاهرين
4- شتم المتظاهرين بجميع انواع الشتايم
5- اشتم قناة الجزيرة واتهمها إنها قناة عميلة ومثيرة للفتن ... وإن كل صور القمع إلي بتجيبها على شاشاتها دي مش موجوده في بلدك ( دي في البلد إللي جنبكو ) ... وبعدين ما هو برضه ساعات الواحد يكون ماشي في الشارع ويسمع صوت عيل صغير أبوه بيضربه فيفكر إن الصوت طالع من عندك ... لكن يطلع في الآخر الصوت طالع من عند جارك .
6- إطلع لشعبك قوله خطاب تفكره بيه بالأيام الحلوة إللي كانت ما بينكو .. خد عندك مثلا الخطاب ده ( الاخوة والاخوات ... لقد تألمت كثيرا عندما علمت أن هناك خمسة عشر مواطنا قامو بمظاهرات معارضة لي في انحاء البلاد ... ولذلك فقد أمرت الجهات المعنية بالتحري عن هؤلاء المواطنين ... وعلمت أنهم من القلة المندثة التي لا ترشحني في الإنتخابات الرئاسية ... إنهم من الواحد من العشرة في المية الذين لايرشحونني .. ومع ذلك فقد أعطيت لهم فسحة من الديمقراطية للتعبير عن مطالبهم المشروعة ... ولكني صدمت بما فعلوه فقد تمادو وطالبو برحيلي ...ولكني أريد أن ابشر ال 99,9 % المؤيدين لي إني لن ارحل باي حال من الاحوال ... أأرحل وأترككم ... فمن إذا سيمرمطكم ... عفوا ... من سيمر بكم من الازمات إلي بر النجاة ... حفظ الله هذه البلاد وحفظني وجعلني دائما رئيسا لكم .. وعلى قلبكم .
7- لو مفيش حاجة نفعت من الكلام إللي فوق ده ...اتبع تعليمات القذافي في التخلص من المظاهرات ( هات كم طيارة واقصف المتظاهرين وريح نفسك بقى ... هو إنت هتعد تدادي فيهم .. و تقول لفلان أسكت يا بابا المظاهرات دي بتاعة الناس الوحشين ... وتقول للتاني خلاص يا حبيبي عيب كده تشتم راجل أد ابوك .. لا مش هينفع الكلام ده .. هي كم طيارة على كم دبابة ونخلص الموضوع ده بقى )
وبكده عزيزي الحاكم تكون خلصت من وجع دماغ شعبك ... وتعرف تاني تنام مبسوط قرير العين ... وتنسى إن حد ينغص عليك عيشتك تاني .