-- حب حياتى..بقلمى(صابر)

[RSS]

حب حياتى

http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده


كل واحد مننا.. له حلم وبيكبر معاه..
لمّا يدعى ربنا.. يطلبه يحقق مناه..
وانت حلمى.. وحب عمرى..
وكل املى ف الحياه..

انت غرامك مس الروح..
تحكم تؤمر ليك مسموح..
ودا حقك.. بالعدل وعادى..
من حقك.. حاضر او ماضى..
انت حبيبى.. وحب حياتى..

اى غرام كان قبلك ممكن..
لكن بعدك.. دا اللى لايمكن..
لا ح يتكرر.. ولا يتعاد..
لو صدفه..او كان بميعاد..

انت ماسيبتش حته ف قلبى..
مابتطلبش وجودك جنبى..
ولاتشكى طول مااحنا بعاد..

قبلك خالى العمر وفاضى..
مافيهوش ذكرى ولافيه ماضى..
كان مستنى ياحب حياتى..
تملا عليه ثوانى ساعاتى..
وتبقى الغالى اللى ف اوقاتى..

ودا حقك.. بالعدل وعادى..
من حقك.. حاضر او ماضى..
انت حبيبى..وحب حياتى..

انت الحلم اللى اتمنيته خيال وحقيقه..
وانت الحب اللى انا حبيته فى كل دقيقه..
انت حياتى وحب حياتى
حبك زى الجنه قصادى..
انت حبيبى..وحب حياتى