ثورة الغضب الثانية.. ضد من ؟؟

[اميرة حبى انا]

ثورة الغضب الثانية.. ضد من ؟؟

محيط


http://www.vb.6ocity.net/imgcache/22268.imgcache.jpg



تتزايد هذه الأيام الأصوات المطالبة بالتظاهر يوم الجمعة القادمة تحت شعار "جمعة الغضب الثانية .. أنا محستش بالتغيير ونازل تاني التحرير", والتي انقسمت ردود الأفعال حولها مابين مؤيد و معارض فيما التزم آخرون بعدم إبداء آرائهم لعدم وضوح الرؤية السياسية.

وتأتي الدعوة لجمعة الغضب الثانية اعتراضاً على التباطؤ في تحقيق مطالب الثورة من قبل المجلس العسكري, والتي تتمثل في تشكيل مجلس رئاسي مدني وجمعية تأسيسية لوضع دستور جديد للبلاد, و إقالة وزراء النظام السابق من حكومة عصام شرف, و سرعة محاكمة الفاسدين ومسئولي النظام البائد وعلى رأسهم مبارك, واسترداد الأموال المنهوبة, وتطهير الشرطة والقضاء من القيادات الفاسدة, وحل المجالس المحلية, بالإضافة إلى الإفراج عن جميع من تم اعتقالهم من النشطاء السياسيين منذ يوم 25 يناير.

وبالرغم من التوافق على أغلبية مطالب الدعوة عدا المطلب الأول الذي يراه البعض انقلابا على الجيش, يرى البعض أنها تأتي في وقت غير مناسب, خاصة في ظل التدهور الإقتصادي الحاد وما تشهده البلاد من عدم استقرار الأوضاع والظروف المعيشية, وشدد البعض على أن جمعة الغضب الثانية ما هي إلا بمثابة السم في العسل وأن الهدف الأساسي منها عدم اعطاء الحكومة الوقت الكافي لتحقيق مطالب الثورة خاصةً أنها لاتستطيع العمل تحت كل هذا الضغط الرهيب, كما أن مطلب تشكيل مجلس رئاسي يعني إزاحة الجيش عن إدارة البلاد, وإذا كنا لا نثق في الجيش فبمن نثق ؟؟, وأجمعوا أن البعض أصبح شغله الشاغل الدعوة لمليونيات في حين أنه من الأولى توجيه هذه المليونيات للعمل وبناء البلد الذي سواجه الإفلاس قريباً حسب التقارير التي أكدها البنك المركزي وبعض الجهات السيادية الأخرى.

على الجانب الآخر, تفاعل الآلاف مع دعوات ثورة الغضب الثانية, كما أعلنت العديد من التيارات السياسية عن مشاركتها بها, مؤكدين على أهمية المشاركة بهذا اليوم لإكمال مشوار الثورة والحفاظ علي مكاسبها, وذلك في ظل الأحداث الأخيرة من الافراج عن بعض مسئولي النظام السابق, كما أن هناك بعض التحفظات والانتقادات على أداء الجيش في محاكمة المدنيين عسكرياً لتظاهرهم, في الوقت الذي يشهد بطء التحقيقات مع الفاسدين واتهامهم بتهم لا تتناسب مع الجرائم التي ارتكبوها في حق المجتمع, الأمر الذي يمثل استخفافاً شديداً بالثورة وبأرواح الشهداء، وأكدوا أنهم سيصدرون أحكاماً على مبارك وأعوانه من منطلق الشرعية الثورية رداً على التباطؤ الشديد في محاكمتهم, مهددين بالتصعيد والاعتصام بالميدان حتى يتم تلبية جميع مطالب الثورة.

وفي ظل إرتفاع حدة الخلافات والجدل الدائر بين المؤيدين والمعارضين, يتخوف البعض من مواجهات دامية محتملة بين الجانبين, وتجنباً لهذه الإشتباكات دعا البعض لتشكيل لجان شعبية لتقف ضد كل من يعتدي على الجيش أو الشرطة, بينما يناشد بعض المصريين إعلاء صوت العقل والمنطق بعيداً عن التشدد والإصرار على مواجهات لا يحمد عقباها في ظل ظروف لا توحي بالتفاؤل, كما حذر المجلس العسكري أمس في "بيانه رقم 56" على صفحته على الفيس بوك مما أسماها بـالعناصر المشبوهة التي تهدف للوقيعة بين الشعب والقوات المسلحة وذلك عن طريق استفزاز الطرفين الأمر الذي يؤدي إلى تزايد حدة الانفلات الأمني, مايعني في النهاية ضرب استقرار المؤسسة العسكرية آخر ركيزة لحماية الوطن, وهو ما لن يسمح به الجيش بأي شكل من الأشكال.

[نور]

أنا محستش بالتغيير ونازل تاني التحرير"

اصل هو سلق بيض عاوزين الجيش يتولي امور مصر داخليا وخارجيا ويحقق المطالب كلها في كام شهر بالذمة ده كلام يرضي ربنا
حسبنا الله ونعم الوكيل

[الرومنسى]

أميرة أنا شاكك والله اعلم ان اللى بيحصل
ثورة ضدى انا
والمطالب الرئيسية يوم الجمعة
هتكون ليا انا
والنحى نهائيا
ههههههههههههه

[خلود]

وانا مع جمعه الغضب التانيه

عايزين محاكمات سريعه

وعلنيه ونشوف كل حاجه

والا كل ده يبقى ضحك علينا

[محمود التهامي]

ثورة الغضب وللا ثورة قلة الأدب
أنا بقالي اسبوع على الفيس بوك
بحارب المجانين المهابيل اللي مش ناويين يجيبوها لبر ومصممين على خراب البلد
الاقي الموضوع وصل لهنا كمان

اللي عايزين يعملوه دا اقل ما يقال عنه انه تخلف وسذاجة

المطلب الاول ليهم مجلس رئاسي مدني
يعني هيشيلو المجلس العسكري ويا عالم مين اللي هيجيبوهولنا مكانه
وممكن مثلا يكون وائل غنيم

المطلب التاني
دستور جديد
على عكس ما الناس كلها ما اختارت
يعني قلة أدب عالجيش والبلد
وتزوير وغصب لارادة الشعب اللي قال نعم في الاستفتاء

قبل ما حد فيكو يفكر ينزل معاهم
يبقا يشوف الكلب عمر عفيفي كاتب ايه

بالمناسبة خالد سعيد اللي قلبو البلد باسمه وضحكو عليكو بيه
طلع عليه 6 قضايا مخدرات
ياعيني كان شهيد فعلا


وزي ما كتبت عالفيس هكتب هنا كمان تاني
أنا أثق في جيش مصر والمجلس العسكري


وأحترم إرادة شعب مصر ونتيجة الاستفتاء


ولن أشارك في جمعة قلة الأدب يوم 27



اعتقد ان من مبادئ الديمقراطيه احترام رأي الاغلبيه..

الاغلبيه اللي قالت نعم لتعديلات الدستور و اللي رفضت وجود مجلس رئاسي

و مؤيده لوجود المجلس العسكري و تريد استقرار و اعاده بناء و تعمير مصر ...

عشان كده اللي نازلين التحرير يوم 27


ميقولوش انهم نازلين عشان البلد و الناس وتطبيق الديمقراطيه و الشعارات اللي كلها كلام في كلام..


كل واحد نازل التحرير عارف انه نازل يخرب البلد


ولو مكنش عارف كدا تبقا مصيبة على شبابك يا مصر

بالمناسبة برضه
استطلاع رأي موقع مصراوي
عن المشاركة في مظاهرة 27 مايو نتيجته اكتر من 70 % معترضين
واقل من 30 % نازلين

[محمود التهامي]

على فكرة يا خلود
حكاية المحاكمات والمطالب الشعبية اللي حطوها في مطالبهم دي
هي العسل الي بيخبو فيه السم
مطالبهم الأساسية معروفة ولما لقو مواجهة قوية حاولو يداروها
ويضحكو عالناس ويجمعوهم معاهم بكلمتين

[محمود التهامي]

http://www.vb.6ocity.net/imgcache/22275.imgcache.jpg



اسرائيل بقت ديموقراطية وبتخاف على الشعوب العربية وتساند ثوار ليبيا

http://www.vb.6ocity.net/imgcache/22276.imgcache.jpg



دققو كويس في مطالب 27 مايو
http://www.vb.6ocity.net/imgcache/22277.imgcache.jpg




أرق كلام لاقيته للكلب عمر عفيفي
والباقي على صفحته ومينفعش يتنقل
لان كله سفاله وتطاول على الجيش والمجلس العسكري

http://www.vb.6ocity.net/imgcache/22278.imgcache.jpg

[محمود التهامي]

1- الابقاء على وزارة د/ عصام شرف مع تطهيرها من الوزراء المحسوبين على النظام السابق و تعيين من يتوافر فيه النزاهة و الكفاءة و المعارضة للنظام السابق.

مع ان عصام شرف نفسه كان من النظام والسؤال مين اللي هيعين ومين اللي هيطهر ؟؟؟


2- رفع حالة الطوارئ فورا و الافراج الفورى عن كل المعتقليين المدنيين و العسكريين بالسجون المدنية والحربية الرسمية و السرية قبل الثورة و بعدها و الغاء المحاكمات العسكرية للمدنيين و تشكيل لجان عن طريق نوادى القضاء و القضاء العسكرى تقوم باعلان اسماء كافة السجناء فى مصر و التهم و الاحكام الصادرة ضدهم و فتح باب تقدم السجناء بالتظلمات لهذة اللجان و اجراء مراجعة و بحث لحالتهم.

والبلطجية اللي اتحاكمو عسكريا نفرج عنهم لانهم مدنيين ولا يجوز محاكمة مدني اما قضاء عسكري

3- محاكمة قتلة شهداء الثورة محاكمات فورية و الاقتصاص لحقهم و تقليد اسماء الشهداء اعلى الاوسمة فى الجمهورية و تخصيص المقابل المادى للاوسمة لاسر الشهداء و تقدير التعويضات المادية و المعنوية التى تؤدى لهم و التى تتناسب مع التضحيات التى قدموها لمصر.

يعني يحاكمو محاكمة عادلة ويعدمو

4- محاكمة مبارك و اسرته و أركان حكمه محاكمة فورية و بحضور المدعى ( الشعب ) و ذلك بإذاعة المحاكمات على القنوات التلفزيونية و ذلك بتهم إفساد الحياة السياسية و الاجتماعية فى مصر الى جانب المحاكمة الجنائية.

محاكمة اونلاين يعني مع ان المحكمة الدولية محاكماتها سرية
ومع ان المحاكمة ممكن يكون فيها اسرار لا يجوز افشاؤها علنا للصالح العام ومصلحة البلد

5- اتخاذ الاجراءات اللازمة الفورية لاسترجاع ثروات مصر المنهوبه و مصادرتها داخل و خارج البلاد سواء المعلوم عنها او الغير معلوم.

اصل عمر عفيفي قالهم انه يقدر يرجعها اصله واصل قوي

6- إعادة هيكلة وزارة الداخلية فورا و حل جهازى الامن القومى ( جهاز امن الدولة سابقا ) و تحويل اختصاصاته للمخابرات العامة و الامن المركزى و التحفظ على رجالهما و سرعة اصدار القوانين التي تساعد على حفظ الأمن و تحفظ كرامة المواطن و حرياته الأساسية مع السيطرة على الحالة الامنية المتدهوره بمنتهى الحزم.

تحويل اختصاصات امن الدولة للمخابرات مع انهم في البيان اللي في الصورة اللي في الرد السابق بيقولو اشراف قضائي على الأمن الوطني اللي هو المخابرات يا اما بيستعبطونا يا اما مش عارفين ان الامن الوطني هو المخابرات فهل يجوز ان يكون هناك اشراف قضائي على المخابرات ؟؟؟

7- إطلاق حرية إنشاء الأحزاب و الجمعيات و النقابات و إصدار الصحف و المجلات و وسائل التعبير و القنوات التلفزيونية و الإذاعية بدون قيود مع المحاسبة الفورية على الخروج عن الأخلاق و إثارة الفتنة الطائفية و التطهير الفورى للاعلام و اعادة هيكلة المؤسسات الاعلامية المصرية.

يعني اي شلة تعمل حزب بدون اي قيود حتى لو كان حزب للمطالبة بحقوق الشواذ مثلا واطلاق القنوات الجنسية واليهودية والماسونية وغيرها وغيرها

8- إقالة النائب العام و تعيين نائب عام مشهود له بالنزاهة و المعارضه للنظام السابق و تشكيل لجان ثوريه نيابية من القانونيين الشرفاء فى كل المحافظات لملاحقة المفسدين و اجراء التحقيقات و فتح الباب للتقدم بكل ما يثبت حالات فساد من ادلة و شهادات.

وممكن طبعا يكون النائب العام الجديد احمد فؤاد نجم لان بنته نوارة في الائتلاف اياه بس ياترى رغم احترامي له كشاعر هيروح النيابة وهو فايق وللا مسطووول

9- تطهير القضاء بشكل كامل و تنظيم انتخابات داخلية لاختيار رؤساء المحاكم .


هيطهروه عشان يشرف عالمخابرات بس مش عارف طالما كل دا فساد هيجيبو ناس منين تمسك كل المناصب دي


10- إحالة كل قيادات الحزب الوطنى الديموقراطى الى المحاسبة بتهمة إفساد الحياة السياسية و نهب مقدراته و تخريب الأقتصاد على ان يحظرعلى اعضاءه ممارسة الحياة السياسية فى مصر لمدة 5 سنوات على الاقل و يسمح للعضو بعد إنقضاء مدة الحظر بالمشاركة فقط فى حالة تقدمه باقرارات الذمة المالية و التدقيق فى اصول ممتلكاته و استرجاع حقوق الشعب منها.

دي بقا بلطجة عيني عينك

11- حل المجالس المحلية و إحالة اختصاصتهم للجهات المعنية و تعيين المحافظين الجدد بالانتخاب.

انهي جهات بقا بالظبط هو انتو سيبتو اي حد في مكانه
ومين اللي هيشرف عالانتخابات القضاء اللي لسة هتطهروه وهيشرف عالمخابرات وللا انتخابات مجلس الشعب وللا انتخابات المحافظين وللا المجالس المحلية وللا انتخاباته هو نفسه وللا هيحاكم الاسدين وللا رموز النظام وللا رموز الوطني

12- وقف تصدير الغاز لاسرائيل بشكل رسمى و نهائى مع مطالبة إسرائيل برد فروق الاسعار رسميا و محاكمة المتورطين فى هذة الصفقة المشينة محاكمة فورية
.


دا على اساس ان اسرائيل هبله وماهتصدق ترجع ملايين ومليارات
القضاة هيتعبو قوي الفترة اللي جايه

13- تشكيل لجنة من الخبراء لتحديد الحد الاقصى و الحد الادنى من الاجور و توزيع الاجور نسبه للمعايير العالمية و يبدأ العمل بها من فوره.


هو فيه خبراء وللا هيجيبو خبراء من بره عشان خبراء جوة فاسدين وحزب وطني


14- تشكيل لجان ثورية في جميع الادارات الحكومية و القطاع العام و الاعلام الحكومي و الوزارات و الهيئات و المؤسسات و الجامعات و البنوك يتم تشكيل هذة اللجان عن طريق الإنتخاب المباشر داخل تلك المؤسسات تحت اشراف مباشر من القضاء و تقوم هذة اللجان بتعيين القيادات الجديدة للمرحلة الإنتقالية على أساس الإلتزام بالشروط الفنية و الإدارية الواجب توافرها من حيث الكفاءة و الخبرة و تقوم اللجان الثورية بتعيين مندوبين من خريجي كليات الحقوق لتلقى جميع الشكاوى فى الادارات الحكومية و القطاع العام و تسجيلها و التحقيق فيها.


اشرف تااااااااااااااااني
مش قولتلكو هيتعبو قوي

15- تنظيم انتخابات داخلية فى القوات المسلحة تبدأ من انتخابات بين الضباط و الصف و الجنود لاختيار قادة الوحدات الفرعية و الوحدات و انتهاء بانتخاب قيادات الجيوش و القوات و الافرع الرئيسية و الادارات و رئيس الاركان.

هههههههههههههههههههههههه انتخابات في الجيش


16- انتخاب فورى لشيخ الازهر بواسطة جميع خريجي الكليات الاسلامية التابعة لجامعة الازهر بعد وضع شروط الترشيح الفقهية و المؤهلات و النزاهة و الشخصية القيادية بواسطة هيئة كبار العلماء و إعطاء الحق للترشح لكل من توافرات فيه هذة الشروط ليكون الازهر مؤسسة دينية مستقلة قائمة بذاتها.

شكلنا كدا هنستورد قضاة من بره

17- تقوم لجنة من الكنيسة المصرية بواسطة رئاسة الكنيسة من القيادات الكنسية بترشيح لجنة من كل التخصصات – يتم الموافقة عليها فى إستفتاء لمسيحيي مصر تحت إشراف قضاة مسيحيين – تكون هذة اللجنة ممثليين لمسيحييى مصر فى المرحلة الإنتقالية و تختار هذة اللحنة مندوبا لها يحضر جميع إجتماعات مجلس الرئاسة و له الحق فى إبداء الرأى و المشورة و تسجيل الاعتراض رسميا فى محاضر المجلس.

اشمعنى دي مش هيطهروها


18- تطهير وزارة الخارجية و المؤسسة الدبلوماسية المصرية بشكل كامل.

خدو بالكو بقا عشان ديتول هيغلى في الايام اللي جاية


19- يتم تشكيل لجنة منتخبه مكون من 3 اعضاء من القضاة و عضوين من اساتذة القانون بالجامعات و عضو من اساتذة الدستور و عضوين من نقابة المحاميين وعضو من اساتذة العلوم السياسية و تقوم اللجنة بوضع قانون الانتخاب و الذى تجرى على اساسه كل الانتخابات السابق ذكرها و يتم الاستفتاء علي مواده من قبل الشعب.


مش ناقص غير انهم يقولولنا على اساميهم بس المشكلة بعد الانتخابات دي يعملو جمعة غضب جديدة عشان النتيجة مش هتعجبهم

20- إنتخاب اللجنة التأسيسية للدستور بحيث تضم قضاة وعالم أزهر و رجل من رجال الكنيسة و عضو من اساتذة كل من المجالات الاتية: الاقتصاد و الاعلام و الادارة و العلوم الاجتماعية و المحاميين والهندسة و الطب و الدبلوماسيين و من قيادات الجيش و الشرطة و عضوين من الشباب الجامعى شاب و فتاه و يتم انتخابهم كلا فى مجاله و يجب ان يشتمل اللجنة على هذة المجالات نظرا لشمولية الدستور و لضمان اشتراك كافة اطياف المجتمع فى وضع الدستور وبعد وضع اللجنة التأسيسية لمواد الدستور يتم اجراء استفتاء للشعب علي مسودة الدستور كل مادة على حدة و ينظم الاستفتاء القانون الانتخابى الجديد و يتم تقديم الطعون و الفصل فيها

دستور جديد بالعافية رغم ان الشعب قال مش عايزين وموافقين عالتعديلات لكن هم عارفين ان الشعب مش عارف مصلحته زي الحزب الوطني ماكان عارف بالظبط
بس السؤال
القيادات اللي هتشارك دي كلها قبل الانتخابات وللا بعدها
لان لو قبلها يبقا هبل ولو بعدها ولو بعد كل الانتخابات والتطهير اللي بيقولو عليه يبقا قدامنا بتاع خمستناشر سنة

[خلود]

ايه ده كله يامحمود

اهو انت كده تسكت تسكت وتجى لنا برد يغير كل الموازين والافكار فى دماغنا

شكرا على الايضاح بس برضو اكيد احنا عايزين احسن وضع وحال لبلدنا

وياريت متحرمناش من وجودك ويانا وردودك المنطقيه دى

[الرومنسى]

تسلم يا تهامى
ريحت قلبى

[nogafoda]

متالق كعادتك يا استاذ محمود
يا رب كل الناس تفهم وتقدر

[nogafoda]

http://external.ak.fbcdn.net/safe_image.php?d=a02352c43039036609291ae8fd04b156&w=130&h=130&url=http%3A%2F%2Fi2.ytimg.com%2Fvi%2FiD1tvZ3lZmU%2 Fdefault.jpg
رسالة من شاب مصرى بسيط (http://youtu.be/iD1tvZ3lZmU)
www.youtube.com (http://www.youtube.com/)