-- الاهلي يفوز ست مواسم بالحكام بالادله والصور

[RSS]

السلام عليكم ورحمه الله

ازيكم يا احلي اهلاويه

طبعا العنوان مغري بس علشان كله يدخل يضحك معانا شويه :clap_1:

انا الموضوع ده عملته بشكل سريع كده في موضوع ردا علي احد زمايلنا في القهوه هنا

بس حابب اقوله هنا بالتفصيل الملل لو هتستحملوني يعني :ag:

طبعا كل اللي بيتكلم عن انتصارات الاهلي السابقه في السنين اللي فاتت

بيتكلم ان الاهلي فاز ست سنين بالدوري بمجاملات من الحكام وبظلم تحكيمي و و و .. الخ

وكل اللي بيتكلم بيكون معتمد علي كلامه علي حاجه واحده بس الا وهي :

الذاكره قصيره الامد عندنا كمصريين .. بمعني المواسم الي فاتت فاتت واللي خلصت خلصت

لما واحد يطلع يقولنا الاهلي فاز بالتحكيم بيخلي الموضوع جدلي بينك وبينه وطبعا مش هيقتنع ولو حتي عارف من جواه انه غلطان

موضوعي بقي النهارده رد بسيط كده بالصور ومنطقي علي الكلام ده وهسيبلكم الحكم في النهايه


تعالو نشوف اول صوره

http://store3.up-00.com/May11/cvc68294.jpg


النادي الاهلي في المركز الاول لم يخسر اي مباراه احرز 59 هدف وعليه 13 هدف

المنافس التقليدي للاهلي وصاحب تاني اكبر شعبيه بعد الاهلي في مصر الزمالك في المركز السادس خسران 8 ماتشات وليه 37 هدف

أي منطق واي عقل ممكن يقول ان مجامله الحكام ممكن توصل بنادي انه يكون فارق عن اقرب منافسيه 31 نقطه كامله

اللهم الا لو كان الاهلي الحكام بتنزل كل ماتش تحكمله خمس ضربات جزاء وست كروت حمره للفريق اللي بيلاعب الاهلي

وهنفرض ده فين الانديه التانيه من المنافسه ؟؟؟

اكيد الحكم كان بينزل برده للانديه المنافسه دي ويحسب عليهم خمس ست ضربات جزاء . الخ


انا طولت كده عليكم في الكلام هسيبكم مع باقي صور الدوريات اللي بيقولو اخدناها بالحكام


http://store3.up-00.com/May11/Q3868294.jpg


الاهلي مخسرش ولا ماتش وعليه بس طول الموسم 6 اهدااااااااااف

يا نهار ملون علي مجاملات الحكام :D


http://store3.up-00.com/May11/7Iw68294.jpg


مش عارف الحكام الي معندهمش ضمير دول ازاي يخلو الاهلي يخسر السنه دي ماتشين من تلاتين ماتش :Jumpy:

http://store3.up-00.com/May11/Qgv68294.jpg


وبرده نفس النظام حكام بتستهبل صحيح

فرق عشر نقاط والاهلي خسران ماتش واقرب منافسيه خسران 7

=========

ياتري بعد كل لما واحد يطلع يقولنا ان الاهلي فاز بالحكام نرد نقوله ايه ؟؟


نضحك ولا نعيط

ماهو بيقولو هم يضحك وهم يبكي ؟


وتحيتي لاجمل اعضاء في القهوه ولا عزاء للحكام :)