-- مش كفايه ولا ايه ؟

[RSS]

بصراحه انا خلاص مرارتي اتفقعت من اللى بيحصل عملنا ثوره وحققنا اللى عمرنا ما كنا بنحلم بيه ولا كنا نتخيل انه هيحصل لحد يوم ما نزلنا التحرير الكلام ده طبعا من 3 شهور واللى يشل بقى اللى بيحصل حد دلوقت واللى هيضيع ثورتنا مننا واحنا هنكون السبب البلد حالها وقف واللى كان بياكل خبز بمساميير وفول مسوس بقى دلوقت مش لاقيهم الناس بتموت مش كدا بس لا خد عندك بلطجه ، فتنه طائفيه وغيره وغيره ده غير موقفنا الخارجي يعني انا عمري ما كنت بحسب قطر دي دوله علشان تيجي دلوقت تحط راسها براسنا ، ليه الناس مش عايزه تفهم الناس عايزه تعتصم وبس وتتظاهر وبس يابشر لازم نفهم اننا وصلنا لقمة الهرم وخطوه واحده من القمه بتكون بداية الهبوط هنشتغل امته ؟ لما البلد تضيع ؟ ولا ايه ؟ لما يحصل حرب اهليه ؟ لازم نفكر كمان في المصري البسيط اللى شايف الحال ده ادامه اكيد هيقول في نفسه ان ايام مبارك الله يرحمه كانت افضل وانت طبعا عارفين كم من الشعب المصري مالوش في السياسه ده غير انصار العهد البائد تفتكروا ساعتها ايه اللى هيحصل ؟ هقولكم انا دلوقت البلد حالها مش ولا بد وكل يوم للأسوء والجيش مش هيقدر يستخدم القوه طبعا لاسباب كتير انما السبب الى يهمني انه عايز مبرر مقدما لما سيقوم به اتجاه الثوار مش كدا بس لا هيكون فيه انتخابات تير اوي واستفتاءات على كل حاجه وممكن يكون من ضمنها العفو عن مبارك ده غير احتمال فرض الاحكام العرفيه قائم ارحمونا بقى وفكرا شويه بعقل كنا مخنوقين علشان مش لاقيين فرصتنا واظن الفرصه دلوقت للجميع ولكل واحد عايز ينتج يلا بقى ابتدوا اشتغلوا ولا احنا شاطرين نقول عندنا عقول وعندنا جنود وعندنا وعندنا طيب يلا خلوا الناس تشوف اللى عندنا ادءوا بقى وارحمونا
واخيرا بعتذر ان كلامي مش مرتب ولا منسق بس انا كتبته لاني مخنوق بجد وزي ما قلتلكم مرارتي خلاص انفجرت