عودوا...رجالا..كي نعودنساء

[ام الاء]

السلام عليكم ورحمه الله وبركاته..


....عودوا...رجالا..كي نعودنساء....





عفوا من كل قلبي...

عفوا جدتي عفوا ياامي ابي اقول كلمه عن زماني
لقد ولدنا في زمان مختلف...
فوجدنا "الحيطه "فيه افضل من ظل الكثير من الرجال
كانت النساء في الماضي يقلن (ظل راجل ولا ظل حيطه)
لان ظل الرجل في ذلك الومان كان حبا واحتراما وواحة امان
تستظل بها المرأة
كان الرجل في ذلك الزمان وطنا ...وانتماء ...واحتواء..
فماذا عسانا نقول الان؟؟؟
وما مساحة الظل المتبقية من الرجل في هذا الزمان؟؟
وهل مازال للرجل ذلك الظل الذي يظللنا بالرأفة والرحمة والإنسانية ؟؟
ذلك الظل الذي نستظل به من شمس الايام ونبحث عنه عند اشتداد واشتعال جمر العمر؟
ماذا عسانا ان نقول الان؟
في زمن ...
وجدت فيه المرأة نفسها بلا ظل تستظل به
برغم وجود الرجل في حياتها
فتنازلت عن رقتها وخلعت رداء الانوثة مجبرة واتقنت دور الرجل بجدارة..
واصبحت مع مرور الوقت لاتعلم ان كانت ...
اما..ام ..ابا
اخا...ام ..اختا
ذكر ...ام ...امرأة
فالمرأة اصبحت تعمل خارج البيت ..
والمرأة تعمل داخل البيت ...
والمرأة تتكفل بمصاريف الابناء...
والمرأة تتكفل باحتياجات المنزل ...
والمرأة تدفع للخادمة ...
والمرأة تدفع للسائق..
والمرأة تدخل الجمعيات التعاونية...
فأن كانت تقوم بكل هذه الأدوار
فماذا تبقى من المرأة..
لنفسها ؟؟
وماذا تبقى من الرجل..
للمرأة؟؟
لقد تحولنا مع مرور الوقت الى رجال واصبحت حاجتنا الى "الحيطه"تزداد
فالمرأة المتزوجة في حاجة الى "حيطه"
تستند عليها من عناء العمل وعناء الأطفال وعناء الرجل وعناء حياة زوجية حولتها الى...
نصف امرأة...ونصف رجل
والمرأة غير المتزوجة في حاجة الى حيطة
تستند عليها من عناء الوقت وتستمع بظلها بعد ان سرقها الوقت من كل شيء حتى نفسها
وستزداد حاجتها الى "الحيطه"
لان ادوارها في الحياة ستزداد.
واحساسها بالإرهاق سيزداد .
فملامح رجال الجيل القادم مازالت مجهولة..
والواقع الحالي ..لايبشر بالخير
وربما ازداد سعر "الحيطه "ذات جيل لكن ..
وبرغم مرارة الواقع الا انه مازال هناك رجال يعتمد عليهم
وتستظل نساؤهم بظلهم وهؤلاء وان كانوا قلة الا انه لايمكننا انكار وجودهم ..
فشكرالهم
فاكس عاجل....
اشتقنا الى انوثتنا كثيرااا..
فعودوا ..رجالا
كي نعود..نساء...

[sharabasy]

فعلا انا بشكرك علي هذا الموضوع لان مشاكل كتيرة اصبحت موجودة في البيوت بسبب ان الكون اتقلب ولذلك اغلب البنات لما تتجوز النهاردة بتفضل انها تقعد في البيت عن الشغل
ام اياد

[ام الاء]

اشكرك ياام اياد
جزاك الله خيرا

[lionking]

شكرا ام الاء على الفاكس الهايل ده

فعلا المراة اصبحت تؤدى كل المهام ولو لا قدر الله طلبت من الزوج المساعدة يتحجج ويقول انا راجع من الشغل مخنوق وزهقان صرفوا اموركم انتوا !!!!!!

كانه بيكلم ناس مش يهموه ولا يعنوا شىء بالنسبة له
:50 (8): :50 (8):
بس هل ياترى اللى حصل ده حصل نتيجة ان المراة لا تحب الكسل ولا الاتكالية ولا دى جينات وجدت واستحدثت فى الرجال؟؟؟

بس انا بشوف ستات عايشة فى دور اللى مش بتعرف تركب تاكسى ولا بتعرف ترو ح المدرسة للولاد ولا بتفهم ازاى تشترى خضار ولا ولا ولا ................. وجوزها اييييييييييه شايلها على راسه شيل

يعنى الستات دول موكلين الازواج الاونطة

انما اللى بتكون ناصحة وحركة ونشيطة الراجل بيعتمد عليها فى ادق ادق التفاصيل ولو ممكن يبقى يخليها تروح الشغل مكانه

وانا معاكى ام الاء ببعت الفاكس تانى

اصل التكرار بيعلم الشطااااااااااااااار



فاكس عاجل....
اشتقنا الى انوثتنا كثيرااا..
فعودوا ..رجالا
كي نعود..نساء...

http://www.vb.6ocity.net/mwa2009/mwa14/misc/mwa/border/mwa12-border-l.gif




بس هو السؤال

فين الرجالة اللى هنا محدش شافلهم رد يعنى

هما خايفين ولا ايه

اتفضلوا يا شباب ورونا هتردوا تقولوا ايه

يمكن احنا ظالمينكم

[دعاء الكروان]

شكرا على الفاكس ام الاء
http://www.lakii.com/vb/smile/32_306.gif

[ام الاء]

شكرا لمرورك يا ليون
من الواضح ان الموضوع مش على مزاج الرجال
لان مفيش اى تعليق منهم

[ام الاء]

جزاك الله خيرا يا دعاء
شكرا لمرورك الكريم

[fagrmasr01]

استأذن من اخواتى سيدات وانسات المنتدى
ولست انوب عن الرجال فى الرد
ولكنها محاولة منى شخصية
اتحمل وحدى نتيجتها
ان خيراُ.. فخير
وان........... فارجو المعذرة واعتبروا كلامى مجرد فضفضة مع اخواتى وبناتى

من طلب من المرأة الخروج للعمل ؟
من طلب منها ان تسابق الرجال فى مجالات الرجولة
ان طلب الرجل جلوسك فى البيت ( زوجتى وابنتى المتزوجة .. والحمد لله لا تعملان )
والحمد لله تتمتع كل منهما بحياتها كأمى وأمها .. ونفس حالة جدتى وجدتها
واتشرف بتحمل مسئوليات بيتى فخورا والحمد لله فى كل وقت

الرجل الكسول مش راجل
والست اللى بتشارك الراجل ف بيتها وهو بيشاركها بيجدوا لذة المشاركة
بانزل مكتبتى .. واداوم فى مركز صغير انا فاتحه للوثائق .. واراجع متطلبات مكتبى الصغير .. واذاكر لأولادى
واحيان لما باكون قادر بالبس مريلة المطبخ مع بناتى ونهرج ونطبخ سوا
مش انا فيه مرة هنا طلبت ان واحدة تكتب لى وصفة صوابع زينب ؟؟؟

برغم ان زوجتى بيتوتية جدا ولا تخرج ولا تستقبل صاحباتها
لكن
على فكرة الفرق يمكن واضح فى المدينة
اما فى القرية وهى اغلب المكون الرئيسى لشعب مصر مفيش المشكلة دى

الفرق موجود فى طبقات معينة مثلا الطبقات العليا من المجتمع والطبقات فوق الوسطى .. او الطبقة الصاعدة بين الطبقة الفقيرة والمتوسطة

اما الطبقة الفقيرة الى زى حالاتى ... لأ
لايزال الرجل فيها هو الرجل بكل مقوماته اللى قال عنها الله ورسوله صلى الله عليه وسلم
عارفين ليه
لان الست عندنا لسا ست وبرضوا زى ما قال الله ورسوله صلى الله عليه وسلم

ملخص رأيى .... ان تمردت الست على وضعها كأنثى وطلبت المزيد .. فانها لابد ان تخسر جزءا من حياتها فى مقابل كل جزء زائد تكسبه

اما الست العاملة التى تكافح وتشارك .. فان قنعت برزق زوجها وجلست فى البيت فسوف يفتح الله عليها وعلى زوجها برزقها ورزق ولادها

ست البيت اللى بتعمل واجباتها وبتراعى ربنا فى بيتها وجوزها فهى التى تتمتع بالحياة الطبيعية

للمدنية والتطور .. ضريبة تدفعها المرأة كما يدفعها الرجل
اعود فأكرر .. رأيى الشخصى
ومتزعلوش منى
اعتبروه فضفضة

[lionking]

اهلا اهلا يا جمال افندى

اسمحلى ارد عليك وطبعا احنا متفقين ان الخلاف فى الراى لا يفسد للود قضية

من طلب من المرأة الخروج للعمل ؟
من طلب منها ان تسابق الرجال فى مجالات الرجولة

اللى طلب خروج المراة للعمل هيا المراة هيا اللى طالبت بيه بناءا على وصولها اعلى الدرجات وحصولها على شهادات مماثلة للرجل واحسن منه فى عده مجالات..............

احنا مش بنسابق الرجالة ولا حاجة احنا بس بنمارس حقنا فى العمل فى اثبات الذات فى تعويض اللى اتصرف علينا وفى تعبنا وشقانا ايام دراستنا

والحمد لله تتمتع كل منهما بحياتها كأمى وأمها .. ونفس حالة جدتى وجدتها
واتشرف بتحمل مسئوليات بيتى فخورا والحمد لله فى كل وقت

يعنى ايه تتمتع بحياة كامى وكامها ؟؟؟
هل خروج للمراة للعمل فيه اذلال ليها؟؟
وهيا المراة لا تشعر بوجودها الا اذا كانت قاعدة فى البيت مش بتشتغل

اسمحلى دى وجهة نظر قديمة شوية تقريبا من الستينات مثلا

الرجل الكسول مش راجل
والست اللى بتشارك الراجل ف بيتها وهو بيشاركها بيجدوا لذة المشاركة
بانزل مكتبتى .. واداوم فى مركز صغير انا فاتحه للوثائق .. واراجع متطلبات مكتبى الصغير .. واذاكر لأولادى

ههههههههههههه
انت هتتحسد بئه على الكلام ده
طب كام راجل بيعمل كده ؟؟ هيتعدوا ع الصوابع
وبعدين يمكن دى ظاهرة طبيعية لفرق السن حضرتك من الجيل المحترم المتعاون المتفانى لكن تعالى اتفرج على شباب دلوقتى
ولا حاجة من اللى بتقول عليها دى بتحصل
امال ليه حالات الطلاق كتير ؟؟؟


برغم ان زوجتى بيتوتية جدا ولا تخرج ولا تستقبل صاحباتها

ليـــــــــــــــــــــــــــــــه ؟؟؟ وليــــــــــــــــه انت سعيد بكونها بيتوتية؟؟؟؟ولا تستقبل صاحباتها كمان؟؟؟


على فكرة الفرق يمكن واضح فى المدينة
اما فى القرية وهى اغلب المكون الرئيسى لشعب مصر مفيش المشكلة دى

لالالالالالالالالالالالا بئه

احنا كده هنتخانق بجد

هيا مش القرى دى اللى فيها الست بتعجن وتخبز وتنزل المدن تبيع العيش والحاجت اللى خبزتها
ومش القرى دى اللى فيها الست بتقف على عربية الخضار وتبيع
ومش القرى دى اللى فيها الست بتربى المواشى وتعلفها عشان جوزها يبيعها

الست بتشتغل هنا وهناك وبتتعب هنا وهناك

لان الست عندنا لسا ست وبرضوا

:storm_9401257127043:storm_9401257127043 واحنا هنا اتحولنا:1 (11): :1 (11): يعنى طلعتلنا حراشف ولا قلبنا على ايه مش فاهمة بجد الجملة دى!!!!


ملخص رأيى .... ان تمردت الست على وضعها كأنثى وطلبت المزيد .. فانها لابد ان تخسر جزءا من حياتها فى مقابل كل جزء زائد تكسبه

اما الست العاملة التى تكافح وتشارك .. فان قنعت برزق زوجها وجلست فى البيت فسوف يفتح الله عليها وعلى زوجها برزقها ورزق ولادها

ست البيت اللى بتعمل واجباتها وبتراعى ربنا فى بيتها وجوزها فهى التى تتمتع بالحياة الطبيعية

للمدنية والتطور .. ضريبة تدفعها المرأة كما يدفعها الرجل


الخلاصة بئه

مش معنى ان المراة تنزل للحياة انها تنقص حتة بالعكس انا شايفة انها بتزيد كتييييييير

احنا كلامنا هنا عن اسلوب التعامل بينهم بعد نزول المراة للعمل انا معاك مش هقول ان الستات كلها ملايكة ولا الرجالة كمان

فى ستات بتتمرد على الزوج بعد نزولها للعمل وخصوصا اذا كانت تتقاضى راتب اكبر من راتبه وكمان فى رجالة هيا اللى بتدفع الزوجة الى العمل

الحياة لا تستقيم بدون المراة والرجل
هما الـــ 2 مع بعض

احنا طلباتنا واضحة ومحددة

المعاملة الطيبة
الحنان والتعاون والموده

ولما تلاقى الزوجة راجعة تعبانة لن يضيرك فى شىء لو ساعدتها فى اى حاجة من واجباتها وللعلم المراة واجباتها مضاعفة وبتشتغل عنك اضعاف اضعاف بس انت ايها الرجل دائما فى غفلة او عدم تقدير لدورها

[ام الاء]

من طلب من المرأة الخروج للعمل ؟
ظروف الحياة الصعبة التى نعيشها اى انها نزلت لسوق العمل
لكى تساعد الرجل يدا بيد لرفع مستوى المعيشة من اجل حياة افضل
فهل يكون فى النهايةهو ده الجزاء
ان تشيل هى على كاهلها المئولية كلها
شكرا جزيلا لك يا جمال

[ام مروان احمد]

المشاركة مهمه بس المهم منكدش على بعض
علشان الدنيا مش مستهلى نكد
واللى يعمل حاجه ميستناش الشكر من الاخر
المساعدة مطلوبة من الطرفان

[fagrmasr01]

انا استسمحت منكوا قبل اى كلمة ان محدش يزعل من رأيى

واختلافى فى الرأى طبعا وبكل تأكيد مش مفروض يفسد للود قضية

انا كل الى قلته هو مجرد رأى

او كما أسميتها فى مدخل كلامى وفى ملخصه انها

.. مجرد فضفضة مع اخواتى وبناتى ..
ومش اكتر من فضفضة

مش شرط يكون رايى صح .. انما هى
مجرد .. وجهة نظر
تقبل الخطأ والصواب

يارب محدش يكون زعل من وجهة نظرى
يارب

[ام العيال]

الموضوع حقيقى قيم للغايه والنقاش فيه لن ينتهى

ومستمتعه بالنقاش فعلا

جازاكم الله خيرا

[ام الاء]

ام مروان
تسلم ايداكى لمرورك الكريم

[ام الاء]

الاختلاف فى الراى لايسبب اى مشاكل ومفيش حد بيزعل

[ام الاء]

اشكرك يا ام العيال على مرورك الكريم

[الباشا تلميذ]

اليس هذا ما حاربت من اجله النساء بدعوى حقوق المراة

اخواتي ان الاسلام لم يحرم المراة شيء بل اعطاها كل حقوقها حيث صانها واكرمها وجعلها في مأمن بما يتماشى مع طبيعة تكوينها (جسدها و تحملها و طباعها وغيره) فان لم نجعل ديننا هو شريعتنا فمن الطبيعي ان تتغير الطباع

فيا اختي من اين ستجدين ذلك الرجل و انت اصبحت تنافسيه في كل مجال يعمله بل وثقي تماما ان منافستك له بالامور التى تخصه و التى يجب ان تكون من اختصاصه بالذات سترهققك و ستجنين ثمار التعب ...... جراء ما اقترفته بدعوى حقوق المراة الزائفة التى تسعى الى تدمير المراة لا الى اعطائها حقوقها

لا انكر ان كثير من الرجال مقصرون و لكن على الطرفين العمل لاصلاح المجتمع وعودته الى ما كان عليه فيد واحده لا تصفق

و لكني اقولها : ان تخلينا عن ديننا و عن قيمنا و مبادئنا و اصبحنا نبحث عن ما يمليه الغرب علينا فستجدون ما قلتم و اكثر

فان الله لا يغير ما بقوم حتى يغيروا ما بانفسهم

[ام الاء]

ان الله لا يغير ما بقوم حتى يغيروا ما بانفسهم
انا متفقة معك فى كل اللى بتقوله ياباشا
بس للاسف ده الواقع اللى احنا عيشينه

http://www.yesmeenah.com/smiles/smiles/49/d3%20%2820%29.gif