تسجيل الدخول

مشاهدة النسخة كاملة : :: أحمد & ياسمين ::


RSS
21-05-2011, 08:51 AM
وتكتمل قصص المحبين

:110:

عنتر وعبلة ، قيس وليلى ، روميو و جولييت ، مهند و نور ، اللمبى ونوسة

وعلى قهوة المصريين

أحمد و ياسمين

فقط للرومانسيين على قهوة المصريين

فى الأوقات التالية

25 Gmt
Ksa 27




:heart::heart::heart:
:heart::heart:
:heart:







http://www7.0zz0.com/2011/05/21/05/400478649.jpg




ياسمين وأحمد واقفين في عز الضهر علي الكوبري

ياسمين: "برومانسية" شايف النجوم يا أحمد

أحمد: نجوم ايه بس في عز الضهر دا أنا الشمس حرقت قفايا

ياسمين: الله ياأحمد بص السحابة اللي هناك دي اللي عليها العصافير

أحمد: لا والله ياحبيبتي أنا مش شايفها بس شايف دخان عربيات خنقني

ياسمين: يووووووووووووه يا أحمد خليك رومانسي شوية

أحمد: رومانسي إيه بس وأنتي مخرجاني في عز الضهر كده أنا الشمس كلت وشي وقالت أنا شبعت

ياسمين: انت مش بتحبني والا ايه

أحمد: ياستي بحبك

ياسمين: لأ انت كذاب انت مش بتحبني

أحمد: يعني أولع في نفسي بجاز عشان تصدقي اني بحبك

ياسمين: "والدموع علي خدها" لا يا أحمد أنت تغيرت خالص

أحمد: ياحبيبتي والله بحبك

ياسمين: لأ يا أحمد متصلحش اللي أنت عملته

أحمد: وهو أنا كنت عملت إيه بس

ياسمين: " تعيط" اهئ اهئ اهئ

أحمد: بتعيطي ليه دلوقت

ياسمين: أحمد طلقني يا أحمد

أحمد: هو احنا لسة اتجوزنا عشان اطلقك

ياسمين: يعني كمان مش عايز تطلقني

أحمد:يشد في شعره يادي الليلة السودا أنا ايه اللي خرجني بس

ياسمين: كمان خليتها ليلة سودا.. يعني أنا اللي خرجتك غصب عنك

أحمد: ياستي مش قصدي. بصي أنا مش هرد عليكي عشان مانتخانقش

ياسمين: للدرجة دي قرفان مني

أحمد: "وشه يحمر من الغيظ" يعني انتي عايزة تتخانقي وخلاص

ياسمين: يعني أنا نكدية يا أحمد

أحمد: لأ...... أنا

ياسمين: انت بتاخدني علي اد عقلي

أحمد: حقك عليا وادي رأسك ابوسها

ياسمين: ياسلام كده بكل بساطة

فجأة يقف أحمد علي سور الكوبري ويرمي نفسه في الميه

ياسمين: تفتكر يا أحمد اني كده هسامحك




:heart: نصيحة ماتخدش حبيبتك وتطلع بيها على النيل ، لأنه ثبت علمياً إن النيل هو اللى بيبوظ أى علاقة مش البنات :heart: