مشاهدة النسخة كاملة : هل لوعاد لك الحب القديم مرة أخرى .. تعود له ؟؟
إبراهيم البشبيشي
22-01-2009, 02:37 PM
الموضوع بسيط هذه المرة ويتلخص في موقف وجد أحد أصدقائي نفسه فيه فبعد أن تزوج وشغلته أمور الحياة وصارت الدنيا هي العمل والبيت والبنت التي أنجبها فقط ولاشيء آخر فوجيء صديقي بعودة غير متوقعة لفتاة احلامه السابقة والتي عاش يحبها 6 سنوات آملا ان يهنأ بوصالها في يوم من اليام ولكن حدث السيناريو المعتاد في مصر ( عريس ثري - موافقة الأهل - عدم قدرة الحبيب على منافسة العريس الثري - انفصال - دموع - محاولة النسيان - حب جديد - زواج - حياة اخرى ) وبعد عودتها غير المنتظرة وجد صديقي نفسه في موقف يحسد عليه وهو أن حبيبته بعد فشلها في زواجها الذي لم يثمر اي أطفال ارادت - وركزوا مع أرادت دي - أن تكون زوجة ثانية لصديقي بل وآلت على نفسها مهمة إقناع زوجته بأن توافق على تزويجها من زوجها !!
شرط أن يوافق صديقي , والسؤال الآن هل من الممكن .. أم ؟
محمود التهامي
22-01-2009, 02:46 PM
يـا بـخـتـــــــه
متهيألي دي إجابة وافية
الحمد لله مفيش نت في البيت
ههههههههههههههههه
اميرة حبى انا
22-01-2009, 10:33 PM
يابخته ايه يابنى
ماخلاص
خليه يغنيلها
حب ايه اللى انتى جاية تقولى عليه
قوله يتقى الله فى زوجته وبنته اللى مكنش ليهم ذنب ان حبيبة القلب سابته واتجوزت غيره
fagrmasr01
23-01-2009, 01:25 AM
ملهاش ذنب الزوجة اللى معاه وملهاش ذنب بنته
جايز يكون من الصعب انه ينساها ، أقول صعب لكن مش مستحيل
ويجب عليه ان يتقى الله فى من هم مسئولين منه الان امام الله عز وجل
وكما استطاع ان يتجاوز محنته معها عندما تركته اول مرة ، يمكنه ان يتجاوزها هذه المرة وسوف تكون اقل إيلاماً وخصوصا ان له الان زوجة وابنة يمكن ان يساعداه على سرعة تجاوز تلك المشاعر التى ان استجاب لها يمكن ان تكون لها عواقب فى المستقبل خصوصا مشاكل ضرة وزوجتين وقد يرزقه الله بابناء جدد فتزيد المشاكل
نصيحتى ان تبتعد عن التجربة وان تتقى الله فى زوجتك وابنتك
إبراهيم البشبيشي
24-01-2009, 12:15 PM
والله مش عارف يا جماعة كلامكم كلكم بلنسبة لي منطقي جدا بداية من نصل الهوى اللي بيقول يا بخته وهو فعلا يا بخته لأنه بعد السنين دي كان موجود في قلب حد هو كان نسيه أصلا ودا بيخلي الراجل باختصار يحس انه لسه راجل ومرغوب فيه من طرف تاني غير مراته اللي بتبقى معاه طول العمر وفي نفس الوقت كلام أميرة حبي أنا والأستاذ فجر منطقي لأنه من المستحيل على إنسان عاقل وعنده دم أنه يضحي باستقرار عائلته الزوجة والابناء من اجل مشاعر موجودة في قلبه فأنا شايف أنه يا عيني هايكون في موقف سيء جدا ومش هايعرف ياخد قرار بسهولة .
اميرة حبى انا
24-01-2009, 03:15 PM
يضحي باستقرار عائلته الزوجة والابناء
ده صعب
اصعب حاجة
قوله بلاش
حرام
محمود التهامي
24-01-2009, 03:24 PM
يا جماعة فين التضحية بس
ماهو هيعيش مع الاتنين وهيبقو هما الاتنين اصحاب كمان
فين التضحية دي بقا
هو حد قال يطلقها
وبعدين دا ربنا يكون في عونه عليهم
هيتفقو عليه وهينيموه في الصاله
اميرة حبى انا
24-01-2009, 03:26 PM
انا قلت المشرف ده يمشى من هنا
محدش سمع كلامى
محمود التهامي
24-01-2009, 03:38 PM
هو دايما كدا الحق بيزعل
اميرة حبى انا
24-01-2009, 03:42 PM
هههههههههههههههههههههههههههههههه
هو فين الحق ده
حد شايفه
اللى شايفه يقولى
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir