-- طول الوقت خوف..بقلمى(صابر)

[RSS]

طول الوقت خوف

http://i3.makcdn.com/userFiles/m/a/mahmoud_shaker/images/flag.gif
اللى يحب مصر يزرع فيها ورده

من كتر فرحى بحبنا.. بخاف عليه..
بخاف لايهرب مننا.. وانا روحى فيه..
واللى اتقاسمتوا معاك راعبنى..
لو ييجى يوم.. تقدر تسيبنى..
مااقدرش اعيش ولا اكون معاك..
ولافيش وجود من غير لقاك..
بقيت بخاف..لايضيع هواك..
واخاف واموت.. من نارجفاك..
ماضمنش الظروف..
طول الوقت خوف..

دايما كل جميل يتغير..
كل الحلو.. عمروا قصير..
بيخلينى اخاف لوبكره..
القى مصيرى معاك بقى ذكرى..
واسأل كل الناس حواليه..
اللى يحب.. يعرف يكره..

طول الوقت بحس بخوف ..
خوف لاتسيبنى لأى ظروف..
لا بيرتاح القلب بفرح..
ولا مطمن مايشوف جرح..
طول الوقت خوف..

طول الوقت ف خوف وامانى..
لو تتغير.. او تنسانى..
ولا تسيبنى اكون وحدانى..
والاقيك عايش مش علشانى..
وتودعنى وتعشق تانى ..
كل دا خوف فيا بيملانى..
تكسرنى.. وتهجر احضانى..

كتر ماحبيت قربك دوبت..
خوف بُعدك خلانى تعبت..
مااستحملش اعيش من غيرك..
او تبعدنى عن تفكيرك..
طول الوقت عليك ملهوف ..
طول الوقت بحس بخوف..
ولا تلزمنى الدنيا ف بُعدك ..
ولا تلزمنى عينيه اشوف..
لو ح تسيبنى لأى ظروف..