رابطه المرحله الثامنه المنطقه السابعه قطاع ن [الأرشيف]

المساعد الشخصي الرقمي

مشاهدة النسخة كاملة : رابطه المرحله الثامنه المنطقه السابعه قطاع ن

gangana

22-10-2009, 04:28 AM

برجاء من اخواني بعد الف الف مبروك وطول انتظار
نلتقي هنا ونتعاون علي الخير والمشوره ان شاء الله
اخوكم قطعه 143 ن

sharabasy

22-10-2009, 11:34 AM

الف الف مبروك على الكل
احمد صلاح الدين قطعة 783 ن

مريم الشرباصي

22-10-2009, 12:24 PM

الف مبروك عليك وعلينا يا باش مهندس احمد وربنا يبارك لنا كلنا ويكرمنا ان شاء الله

abotaha555

22-10-2009, 09:30 PM

الف مبروك للجميع واتمنى ان يكون القطاع ن افضل قطاع بالحب والتعاون والمشاركه

gangana

23-10-2009, 01:01 AM

اولا اهنئكم جمعا الحمد لله
بس عايز اتعرف علي عائله الشرباصي انا كان فيه مدرس زمان ليه في اعدادي اسمه الاستاذ احمد الشرباصي وزوجته مدرسه في السعوديه الكلام ده في الثمانينات -- دي فرصه سعيده اني اتعرف بحضراتكم
بس انا شايف ان فيه ناس كتير لسه ما دخلتش وان شاء الله عايزين نعرف اول بالو لكل من يسال عن مواعيد الاستلام وكل الخطوات اول باول ان شاء الله هنا
وانا لن ابخل ان شاء الله باي معلومه او جهد لنا جميعا
اما بخصوص الاجراءات في البدايه ارجوا ان يطلعنا عليها ممن سبقونا
وعند البناء ان شاء الله هافيكم نظرا لوجود قريب لي مهندس ان شاء الله

gangana

23-10-2009, 01:03 AM

شكرا جزيلا لابو طه علي المشاعر الرقيقه
اكيد طبعا دي حقوق الجيره
وان شاء الله ربنا يكملها علي خير

gangana

23-10-2009, 06:16 PM

يا جماعه انا مشغول لمده اسبوع
حد فينا راح المنطقه وتحري هل القطع تحددت من قبل المرافق وللا لسه ليس لها معالم؟
واين تقع ن بالظبط علي الخريطه هل هي بجوار المقابر علي طول يعني مش هانتعب ههههههههههههه
بارك الله في عمركم

adham62

24-10-2009, 11:52 AM

جميل جدا هذه الروح الطيبه بين الاخوه والاخوات مستفيدى ابنى بيتك المرحله الثامنه المنطقه السابعه قطاع ن
اتمنى استمرارية تلك الروح والتعاون باخلاص ومحبه حتى ننشأ تلك المجتمع الراقى بفكرنا وطموحنا من اجل اولادنا واتمنى ان نتكاتف وكل اخ او اختلديه المعلومه الصادقه والمفيده عن هذا القطاع فلا يبخل اتمنى ان يكون هذا القطاع قطاع الحب والاخلاص والتعاون والامل الذى جاء بعد صبر طويل
انا مصطفى فؤاد من مستفيدى المنطقه السابعه قطاع ن قطعه رقم 250

بريد / egypt- ( تم حذف البريد لأن عرضه مخالف لشروط المنتدى )
( تم حذف البريد لأن عرضه مخالف لشروط المنتدى )

sharabasy

24-10-2009, 12:56 PM

السلام عليكم
عندى ليكم بشري جيده جدا، المنطقة السابعة اتسلم فيها قطاع أ و ب و ج و د وشوفت على الخريطة من نفس المنتدى ان القطعة أ هى اللى ملاصقة للمقابر وبعدها ب و ج و د
واحسن حاجة سمعتها من واحد صاحبي فى المنطقة السادسة ان المرافق اما وصلتها الحكومة الناس وهي بتبني كسرو خطوط المياة والكهرباء ، فقررو انهم يوصلو الكهرباء والمياة بعد اخر مرحلة متخلص بناء، واحنا انشاء الله اخر مرحلة، بمعني اخر اول منخلص بناء هيوصلو لنا الكهرباء والمياة. قطعة 783 منطقة ن

gangana

24-10-2009, 09:54 PM

شكرا يا استاذ مصطفي
انت فكرتني غلي سبيل الدعابه باننا شكلنا بنبني في الصحراء زي سنبل وبنجاهد الظروف والحكومه
ربنا يعيننا
انا زوج اختي جارك وكده انت ضمنت مساعده ان شاء الله لانه مهندس

gangana

24-10-2009, 09:55 PM

شاكر جدا ليك يا استاذ احمد
بس نفسنا نبقي متابعين علي الطبيعه --فعلا ربنا يطمنك شكل قطاع ن بعيد مش ملاصق للمقابر علي الخريطه
ان شاء الله نباركلك وانت ساكن باذن الله

adham62

25-10-2009, 03:54 PM

الى جنجانا
اولا مرسيه ليك على ذوقك والتواصل
هايل ان زوج اختك مهندس وعلشان كده ازف اليك البشرى انا اخى مقاول وكل تنفيذ أعماله بالقاهره الجديده وهو منتظر استلامى القطعه لكى يقوم بتنفيذها
لان تلك الاعمال بالنسبه له تعتبر صغيره ومش جايبه همها لذلك علشان خاطر اخوه سوف يقوم بتفيذ القطعه ومن يريد من الملاصقين لى فقط
على فكره القطعه رقم 250 قطاع ن باسم المدام
نرجو التواصل بينى و بينك وبين زوج اختك للتنسيق وعمل الافضل واللازم
مصطفى فؤاد

adham62

25-10-2009, 04:26 PM

اى اخ او اخت لديها معلومات عن قطاع ن المنطقه السابعه من حيث الموقع هل هو مميز ماهى حدوده الخ فلا يبخل علينا
وشكرا

gangana

25-10-2009, 06:24 PM

يا جماعه الخطابات اتبعت انتظروها ان شاء الله

السعدوني

26-10-2009, 05:01 AM

السلام عليكم ورحمة الله وبركاته
أخوكم / إبراهيم السعدوني المحامي ----- قطعة 705
مبارك عليكم جميعاً وربنا يتم لكم بناؤها بخير
أما بالنسبة للموقع فهو إن شاء الله طيب
كما أنه بعيد عن المقابر لأن أ ، ب ، ج بجوار المقابر ولو هو في اتجاه اليمين الغربي من المنطقة لكان أفضل موقع إن شاء الله لإني شفته على جوجل
أما بالنسبة للبناء والاتفاقات فأنصحكم ألا تتفقوا على أي شيء عند الجهاز لأن المقاولين هناك مستغلين سواء في أسعار الحفر أو البناء
الحفر بيقولوا عليه 3000 جنيه لكن ممكن يخلص عند الأرض ب1200 وممكن أقل
بالنسبة للمقاولون يستحسن ألا تتفقوا مونة وأجرة ولكن اشتري أنت المون
المقاولات هناك تتراوح بين 12000 - 15000 جنيه على الدور الأرضي مصنعية خرسانة فقط ( نجار + حداد + خلاطة ) ويستحسن تتعمل القواعد والسملات باسمنت سويتر وتتعزل
من أهم المشاكل هي قيام الأعراب بقطع المياه عن المنطقة والإستيلاء على غربان المياه حتى يتم بيعها بالعربية - ودي فيها سرقة لأن العربية ممكن تشتريها فارغة بأكثر من 100 جنيه لكن ممكن تشتري البرميل ب5 جنيه ويتخرب بيتك في فلوس الميه في كل مرحلة بس أرحم من شراء العربية
الحل الثاني أن تقدم على المياه وتعمل عداد فرز حتى تمام البناء وانصحك ألا تتهور وتعملها لأنك مش هتلاقي ميه علشان الأعراب قفلنها من المنبع وتبقى دفعت مرتين
وأحسن حاجة نضغط على الجهاز عن طريق وسائل الإعلام يفتح لنا الميه بس ده طبعاً عاوز ضغطة جامدة لأن البعض بالجهاز بيساعدوا الأعراب مقابل انتفاع مالي وأمام الإعلام يقولوا أن القطع تجري من تحتها الأنهار
بعد كده في مراحل السور والتشطيب الخارجي ودي ليس لها علاقة بالمقاولة السابقة بل لها حساب آخر وعامة أفضل حاجة تتفق عند الأرض لإن العروض أكثر والأسعار أفضل
ملحوظة: ممكن أشارك مع مهندس على مقاولات البناء أنا عندي خشب شغال في الشيخ زايد وممكن أجيب خشب بالمنطقة ونخفض أسعار مقاولات البناء
وتليفوناتي - إذا وافقت إدارة المنتدى - هي 0105254012 -- 44758316 وجزاكم الله عنا خيراً والسلام عليكم

adham62

26-10-2009, 02:14 PM

صباح الخير

صبرى على

26-10-2009, 09:12 PM

نحمد الله ونشكر القائمين على الموقع على هذا التواصل.... بالنسبه لحفر الاساس فقد سمعت من احد زملائى انه وصل الى 500 جنيه ولكنى لست متاكد فمن عنده معلومات عن اسعار واماكن شراء المون او اسم وتليفون مقاول محترم ارجوا الا يبخل علينا به وشكرا

qadel

27-10-2009, 02:46 AM

السلام عليكم
شكر لروح التعاون التى بها الناس زملاء المرحلة السابعة ن
واتمنى التعاون المثمر حتى نستطيع انهاء الاجراءات الاولية
اخوكم عادل سعيد 755

gangana

30-10-2009, 07:12 PM

هو ما فيش حد تاني معانا في قطاع ن
ما حدش دخل تاني وعرفنا بنفسه
طيب الحمد لله كله استلم الخطابات وعرف المواعيد بتاعت التسليم؟
طيب فكرتوا هاتعملوا ايه يا جماعه وللا محتارين؟
ممكن نتعاون ونتشارك الاراء بدل ما نفكر لوحدنا
انا خلاص فضيت ومستعد اساعد ان شاء الله

سلطان

30-10-2009, 11:06 PM

انا مصطفى قطعة 322

abotaha555

31-10-2009, 12:05 PM

بسم الله الرحمن الرحيم
ارجوا من الجميع في القطاع ن التواصل حتي نجعله من احسن القطاعات ان شاء الله

محمود ابراهيم

memamo123

01-11-2009, 02:11 AM

السلام عليكم ورحمة الله
انا كمان من المنطقه ن
وعندي لكم اخبار بعد ان اتصلت بجهاز المدينة قالوا لي ان احضر في يوم التسليم ومعي ضامن ومعنا صور بطاقاتنا
اما الشيء الاخر فهو هذا الاعلان الذي قراته يقدم خصومات لابني بيتك بسم الله الرحمن الرحيم
الى جميع الاخوة الاعزاء فى مشروع ابن بيتك - السلام عليكم ورحمة الله وبركاته
الف مبروك لكم جميعا وفقنا الله لما يحبه ويرضاه والله نسأل العون فى اتمام البناء
ويسعدنى ان اتعرف عليكم جميعا وخصوصا المنطقة السابعة قطاع (ع) حيث إنه والحمد لله قد وجدت اسمى فى المرحلة الثامنة قطعة 386 ع المنطقة السابعة وكما قال اخى م / معاذ مجدى نتكاتف جميعا للوصول الى افضل الاسعار واحسن طرق التنفيذ .
وعلى فكرة انا اعمل مدير مكتب رئيس مجلس الادارة لشركة ليدر للكيماويات الحديثة والمقاولات وهذه الشركة تعمل فى انتاج جميع انواع مواد العزل وكذلك جميع انواع الدهانات و الايبوكسيات وهناك خصم 10% لحائزى مشروع ابنى بيتك.
اخوكم محمد رزق الجبالى
0105668543

gangana

04-11-2009, 07:08 PM

هو احنا بس اللي بلغونا بالاستلام يا جماعه
طيب حد فيكم راح الموقع وشاف الارض متحدده وللا ما فيش طريق ليها اصلا؟

k_fdl

06-11-2009, 08:05 AM

الف مبروك بعد طول انتظار ويارب يوصلوا لينا المرافق بسرعة وتبقى دى هى المكافاة لصبرنا فى اخر مرحلة هل متوافر خرائط للمنطة والا لسه وفين بالظبط قطاع ن من المدافن وهل هى على الطريق الرئيسى ام بالداخل برجاء من الاخوة الافاضل التوضيح ان امكن ذلك وان شاء الله نكون احسن وافضل صحبة وتجمع
خالد فضل قطعة 566

gangana

07-11-2009, 01:08 AM

يا جماعه المنطقه ممكن تدخلوها من الشارع بتاع الجبانت ثم شمال بس للاسف الرمل عالي لازم يكون معاك 4*4 عشان تقدر تكمل بس هي المنطقه القابعه خلف التل او الجبل الصغير امام الجامعه وعلي يسار الجبانات والارقام موجوده اللي يحب يشوف القطعه

alaasamir

07-11-2009, 04:31 PM

صور للمنطقة السابعة

http://www.filefactory.com/file/a2d74bb/n/_rar

sharabasy

10-11-2009, 12:05 AM

والله ياجماعة ابن خالة زوجي مهندس وان شاء الله هواللي حيتابع معانا البناءوالحفروكل حاجة بنظام الزيارة مرة او مرتين اسبوعيا وزوجي هو اللي حيجيبله مستلزمات البناء والاتفاق مع العمال لاننا مش حنعتمدعلي مقاوليين
وياريت الناس اللى فى القطع بين 773--793 لو موافقين الراي ممكن نساعد بعض ومعلش اختيار هذه القطع لاننا قطعة 783 وحتي تكون قريبين في المنطقة وفي معاد تسليم واحد حيث ان زوجي ان شاء الله ناوي ان شاء الله يبدا البناء بعد الاستلام مباشرة.
ام اياد

السعدوني

10-11-2009, 02:17 PM

السلام عليكم
ممكن اتعرف على أصحاب القطعة 704 ، 706 لأنهم جيراني وممكن نتعاون مع بعض ق 705

sharabasy

10-11-2009, 02:46 PM

والله يا اخواني الواحد سعيد بروح التعاون هذه وربنا بيدي كل واحد علي حسب نيته ومادام كلنا نيتنا نساعدبعض ونتعاون ان شاء الله ربنا حيكرمنا جميعا لان يد الله مع الجماعة
ام اياد

abotaha555

14-11-2009, 10:45 AM

بسم الله الرحمن الرحيم

ياريت كل واحد فى قطاع ن يدخل ويشارك معنا فى الموضوع ويجب ان نتواصل حتى نجد مقاول كويس
وندفع لمهندس ليشرف عليه وذلك لن يحدث الا بتواصلنا
وانا بصراحه كلما اجد احد من قطاع ن مشارك بكون سعيد لان الشاركه ستجعلنا ان شاءالله نبني مجتمع جديد وسط الرمال

محمود محمد ابراهيم
0107886470

sharabasy

15-11-2009, 10:23 AM

رجاء
ياريت ياجماعة ان شاء الله لما تستلموا وتبدئوا تبنوا ,وتوصلوا ان شاء الله لمرحلة التشطيب,طبعااللون الجهازهو اللي حيختار اللون ,لكن مش حيحدد الدرجة فياريت ياجماعة تختاروا درجةاللون كويسة بلاش الالوان البلدي الفاقعة الملعلعة,لان زوجي راح شاف المنطقة السادسة استجار من درجات الالوان اللي الناس عملنهااصفر ملعلع...بمبي ملعلع...لبني فاتح.....ياريت نغمق الدرجات شوية لدرجة ان زوجي قال الالوان صعبة قوي ,لكن نتمني قطاع ن يكون في شكله اجمل المناطق بأكتوبر ولكم منا جزيل الشكر
ام اياد

k_fdl

15-11-2009, 11:09 AM

السلام عليكم ورحمة الله وبركاته ربنا يديم روح التعاون ونفضل كده على طول ان شاء الله متعاونيين بس كنت عاوز اعرف اين تقع المنطقة السابعة وقطاع ن بالتحديد وياريت لو حد يقدر يحدد الموقع على ارث جول بالارقام نكون كلنا شاكرين له حتى نعرف موقعنا على النت ونقدر نذهب ان شاء الله نعاين المكان ونكون شاكرين لكم تعاونكم معنا
خال فضل
556

sharabasy

15-11-2009, 12:04 PM

والله يا اخي زوجي قال انه شاف المنطقةالسابعة وهناك المهندسين اللي تبع الجهاز قالوا انه بيتم تنفيذ طريق الي قطاعنا ن علشان ما ندخلش للمنطقة السابعة من ناحية المقابر وقالوا ان التسليم الفعلي للمرحلة الثامنة بعد العيد
ام اياد عن ابو اياد قطاع ن قطعة783

adham62

15-11-2009, 12:24 PM

والله ياخلتى ام اياد انا انصحك تشتغلى مراسله فى اى قناه فضائيه وتلك النصيحه لما لمسته من موهبه فزه لحضرتك
بس رجائى اما تستلمى تلك الوظيفه ابعدى عن الفلاحين علشان زعلانين منك اوى
وعلى فكره انزلى قرى الفلاحين سوف تجدى بنايات من فلل وعمارات على اعلى مستوى لم تجدى مثيلاتها فى حواريكم بالقاهره وعلى فكره اذا ارتى ان تجدى الذوق الراقى والاحساس العالى فلتجديه هنا بقرى مصر
وشكرا
ابو فؤاد من سكان قطاع ن

sharabasy

15-11-2009, 12:51 PM

اولا ولله الحمد اني عمري ما سكنت في حواري ولافي بيت ماما
ولا في بيت زوجي الحمد لله دايما ربنا رزقنا دايما بالسكن المتسع سواء العقار او المكان اللي موجود به العقار فنحن نعيش في مدينة من اجمل المدن الجديدة وهي العبور
وانا لا اقصد بهذا المصطلح اساءة لاحد ولكنه مجرد مصطلح عام يوصف ذوق معين اختلف مع هذا الذوق وهذا الاختلاف طبعا طبقا لطبيعة الشخصيةوالبيءة والنشأة
لكن الاختلاف في الرأي لايفسد للود قضية
ولكن مع احترامي لحضرتك بلاش سوء النية
فالهدف في النهاية لينا كلنا
هو جعل هذا المكان جميل
وشكرا جزيلا لك لان بكلامك ده وضحتلي ان في ناس كتير حتفهم قصدي غلط وانا بكدة وضحت وجهةنظري
ام اياد

sharabasy

15-11-2009, 01:07 PM

وبعدين احنا عرفنا المصطلحات ديه منين ؟من المجتمع اللي العايشين فيه

ام اياد

sharabasy

15-11-2009, 01:16 PM

adham62

15-11-2009, 02:12 PM

يااخت ام اياد لتانى مره تستعلى على طبيعة معيشة المصريين ان كنت قصدت حواريكم فأنا منها ولى الشرف وايضا من احدى مدن محافظة القليوبيه وتلك الحاره التى تتعالى عليها واعتبرتيها اهانه فكل عمالقة مصر منها وعلى سبيل المثال اديبنا رحمة الله عليه نجيب محفوظ والذى ابهر العالم بطبيعة الحاره المصريه
ان كنت نقدت اسلوبك فى اشارتك بأن مبانى الفلاحين تفتقد للذوق وانا الالوان ( ياى - يع ) فأن لااقصد الاهانه لحضرتك لاكن كان ممكن اسلوبك يوجه دون الاساءة لأى طبقه من المجتمع وبعدين الاختلاف فى الرأى لايفسد للود قضيه كماقلتى وخليكى رياضيه
وان كنتى زعلتى من اسلوبى فأنا اعتذر وارجو ان تتقبلى منى اعتذارى اذا كان هناك خروج عن النص
وبعدين احنا جيران لابد ان تتحمل والنبى وصى على سابع جار
ابو فؤاد قطعة 250 قطاع ن

sharabasy

15-11-2009, 02:27 PM

انا مش زعلانة ربنا يسامحني لو كلامي عن غير قصد زعل حد مني احنا كلنا هدفنا واحد.
وربنا يصلح حالنا جميعا ويقدرنا ونساعد بعض.
ام اياد

sharabasy

17-11-2009, 08:13 PM

أحسن قطعة هى المنطقة السابعة من الواقع وعلى الطبيعة
خصوصا قطاع ن , م

ياريت ايدينا في ايدبعض نخليه( قطاع ن ) احسن المناطق مش بس في الموقع لأ كمان في النظافة والمنظر الجميل

ام اياد

النهرواني

18-11-2009, 10:39 PM

أنا من قطاع ص قطعة 618 أحييكم على الروح الطيبة
وأنصحكم بكتابة التليفونات ليسهل الاتصال بينكم كما فعل أصحاب قطاع ر

the loored

20-11-2009, 07:45 PM

بسم الله الرحمن الرحيم

السلاموا عليكم ورحمه الله وبركاته اخواتي وجيراني الاعزاء لقد تم عمل

جروب مخصص فقط للمنطقه السابعه في 6 اكتوبر وذلك من اجل التعاون و الاتفاق و التعارف والتخصص اكثر في المنطقه السابعه اكثر واكثر والخصوصيه وحل مشاكلها مع بعضنا اكثر واكثر والاستفاده من معلومات بعضنا البعض في منطقه اصغر وخصوصيه اكثر مما يجعلنا ننقل معلوماتنا علي ارض الواقع من تعارف وتقارب بما اننا في نفس المنطقه السابعه وانشاء الله يكون لنا بعد البناء في معرفه اماكن المطاعم الجديده ومدي جودتها والصيدليات ومعرفه اماكنها ويكون لنا دليل في كل شيء في المنطقه بعد البناء والسكن انشاء الله

Group name: seventh_stage_ on6October Group home page: http://groups. yahoo.com/ group/seventh_ stage_on6October (http://groups.yahoo.com/group/seventh_stage_on6October) Group email: seventh_stage_ on6October@ yahoogroups. com ([email protected])

مهندس اتصالات
وليد بدوي
0127434447

mohamedmm82

25-11-2009, 11:32 AM

جزاكم الله خيرا

yasser elkahly

25-11-2009, 04:11 PM

ان شاء الله هيكون احسن قطاع هو قطاع ن انا رقم قطعتى 51
ياسر الكحلى

tamer fadi

25-11-2009, 07:18 PM

السلام عليكم

yasser elkahly

26-11-2009, 01:19 PM

ان شاء الله قطاع ن هو احسن القطاعات وبينا انشاء الله هيكون من احسن القطاعات انا رقم قطعتى 51
ياسر الكحلى

ام ميريام

28-11-2009, 08:58 PM

لو فيه احد فى المنطقة السابعة قطاع ق يقولى ايه اخباره

sharabeel

28-11-2009, 09:56 PM

السلام عليكم اخواتى
هل يمكن لاعضاء قطاع م ان يشتركوا فى هذة الرابطة
مع الشكر

سيف الله 1

30-11-2009, 02:17 AM

السلام عليكم ورحمة الله وبركاته .. الف مبروك لكل اللي ربنا كرمهم في المشروع وانا اخوكم خالد القطعة 866 ن

سيف الله 1

30-11-2009, 02:34 AM

على فكرة القطعة باسم المدام ورقم تليفوني للتواصل 0106540681

a_dahy

01-12-2009, 04:14 AM

انا احمد صاحب القطعة 724 قطاع ن ممكن حد يقولي اي الاحوال هناك

sharabasy

01-12-2009, 01:54 PM

قطعه 143 ن

احمد صلاح الدين قطعة 783 ن

مصطفى فؤاد 250 قطاع ن

إبراهيم السعدوني المحامي ----- قطعة 705

عادل سعيد 755

مصطفى قطعة 322

خالد فضل قطعة 566

ياسر الكحلى 51 ن

خالد القطعة 866 ن

724a_dahy قطاع ن

sharabasy

01-12-2009, 02:02 PM

ياريت اللي يعرف حد قطاع ن يقوله يشارك معانا علشان نتعرف عليه

khaled_moustafa

01-12-2009, 10:53 PM

ياجماعه حد عند خريطه تفصيليه للمنطقه السابعه (ن)

adham62

02-12-2009, 03:59 PM

قطاع ن يتميز و يطل على اربع اتجاهات الجهه الاولى صحراء والجهة الثانيه جرداء
والجهه الثالثه ليس فيها كلء ولا ماء
ام الجهه الرابعه انتظرونى فى الحلقه التاليه

ام منه

13-12-2009, 08:00 PM

قطاع ن للاسف قريب جدا من محطات كهربا ضغط عالي و التي تظهر من خلال خريطة جوجل نظرا لانها محطات عملاقه جدا فهل ياتري لها مضار علي الصحه نرجو افادتنا لو يعرف احد و لا عادي بتعمل زنه و بس

محى سليم

24-03-2010, 11:04 PM

السلام عليكم ورحمة الله وبركاته
انا مشترك جديد فى الرابطة ويارب نتعاون على الخير والبر والتقوى
انا قطعتى رقم 377 واسمى بهاء سليم
وان شاء الله سوف ابدأ فى البناء بتاريخ 27/03/2010 واتفقت مع مقاول جيد جدا واسعار ه مريحة جدا غير انه مضمون وفى غاية الامانة ولا يوجد اى غش
وللتواصل ايميل [email protected] ([email protected])
تليفون رقم : 0103094374

gangana

25-03-2010, 08:15 PM

هو فين الناس بتعاه القطاع
انا عايز ابدا ان شاء الله المهله خلاصت ومش شايف حد تعاون ولا جاب اسعار هو احنا مشغولين للدرجه دي اوي كده
هانبقي جيران ازاي ونهتم بالمكان اللي هانعيش فيه ان شاء الله لازم نساعد بعض عشان نعمله شكله كمان كويس مش بس المضمون لان كلنا هانأثر علي بعض
في انتظاركم
0166679591
حازم
قطاع ن

صبرى على

02-04-2010, 09:49 PM

ارجوا من الساده الجيران الانتباه عند تسلمكم المون من حديد او اسمنت ان تراجعوا عليهم و اليكم نصيحه كنت سأقع فيها عند مراجعتى لحديد التسليح كنت متفق على حديد عز و فوجئت انه حديد تركى وعدد الاسياخ ناقص امتار وبالتالى ناقص وزن المفروض ان الحديد مقاس 12 ميللى السيخ يكون طوله 12 متر ووزنه 11 كيلو ومقاس 16 ميللى طول السيخ 12 متر ووزنه 19.5 كيلو واسمنت بنى سويف غير اسمنت جنوب الوادىِ بنى سويف بنى سويف الافضل فى الصلابه مع مراعاه عد عدد الشكاير عند الاستلام والله الموفق ووووووووووو