نبيل العربي أمينا عاما للجامعة العربية خلفا لعمرو موسى

[nogafoda]

الدكتور نبيل العربي وزير الخارجية أمينا عاما لجامعة الدول العربية خلفا لعمرو موسى الذي انتهت فترة ولايته اليوم.
وقد تم اختيار الدكتور نبيل العربي بالتوافق بعد أن سحبت قطر مرشحها عبدالرحمن العطية بعد اجتماع تشاوري مصري قطري سبق اجتماع وزراء الخارجية.
كانت مصر قد استبقت الاجتماع بسحب ترشيح الدكتور مصطفى الفقي وطرح الدكتور نبيل العربي بدلا عنه.
ويعتبر قرار وزراء الخارجية العرب اليوم باختيار العربي نافذا ونهائيا بعد أن تلقت الجامعة العربية تفويضات من قبل الرؤساء والقادة والملوك العرب بتفويض وزراء الخارجية للقيام بمهمة اخيار الأمين العام الجديد.

[وردة الايمان]

خبر جميل فعلا نبيل العربى من الشخصيات الممتازة وبرغم اننا هنخسره كوزير خارجية

لكن اعتقد انه فى منصبه الجديد مش هيخدم مصر وبس هيخدم العرب كلهم

[مصطفى مامون]

فعلا ياورده الراجل ده محترم لابعد حد وانشاء الله يكون خير للعرب
شكرا على الخبر

[الرومنسى]

منقرش نلقى الحمل كله على سيادة الامين
لأن دور الجامعة العربية غير مفعل بين العضاء
نقدر نقول ربنا يعينه على العرب

[اسامة22]

عرب اييييييييييييييييييييية
خسرت مصر وزير خارجية من ارقي الناس
كان هيعمل شغل جامدلمصر خارجيا
ياخسارة والف خساااااااااااااااااااااارة
انا فعلا حزين جدا لان الراجل دا كان هيغير سياسة مصر الخارجية
مليوووووووووووووون خسارة

[nogafoda]

فعلا دي خساره كبيره
بعد ما قولنا اننا هنحسن علاقتنا بدول كتير
دلوقتي يا عالم الي هييجي بعده هيعمل ايه
وخصوصا ان موقعه ده مجرد موقع شرفي
ماحنا كنا بنحب عمرو موسي ايام مكان وزير خارجيه
لكن لما بقي امين عام بقي ايه
ولا حاجه
حد لا بيهش ولا بينش

[اسامة22]

صح يانوجا كلامك مليون الصح
للاسف احنا اللي خسرنا راجل زي دا كان هيعمل لمصر شئ جميل
وكان هيحافظ علي كرامة المصريين بالخارج
السفارات والقنصليات في الدول عبارة عن صورة بس
المصريين بيعانوا كتير في الغربة
من تجاهل سفارتنا لضعف القائمين علي خدمة
المغتربين
مليون خسارة فعلا

[اسامة22]

الجامعة العربية اصبح كيان هش لا طمع له ولا رائحة ولا اي تاثير والدول العربية لم تعد تحترم هذا الكيان الصوري وتفرقت الدول العربية الى مجموعات اشي خليجية واشي مغربية وهي تعتبر مقبرة للكفاءات حيث يصبح لا حول لهم ولا قوة في ظل احادية التفكير لكل صاحب دولة لم يعد هناك اي قوة لهذا التجمع ولا قدرة على اتخاذ اى قرار فعال مؤثر فلذلك كان من راي ان يتركوا هذا المنصب لاى واحد حتى ولو كان صرماتي او بياع بليلة