RSS
11-05-2011, 10:01 AM
عارف لما استاذ بيصحح ورق امتحان تلميذ فاشلعندة
ويتفاجىء ان خطه حلو الصفحة منظمة ومسطرة وانة حل الامتحان كلة صح قوى بتبقى مفاجاة غريبة وساعتها من انبهار الاستاذ ممكن يطنش كلمة غلط ولا رقم مش مظبوط او حتى لو نسي يكتب حاجة بس من كتر ما هو اتفاجىء بيديلو الدرجة النهائية
مصر خدت يوم السبت 19 مارس الدرجة النهائية في سنة اولى ديمقراطية
عمر ما كان حد يتوقع ان مصر تحل صح كدة في الامتحان فعلا شعب مصر كان عايز صورة على راي الشاعر الكبير صلاح جاهين ( كلنا كدة عايزين صورة )
اول ما حس الشعب ان صوتة مهم و هيفرق وان دي مصلحة بلدة بدات الطوابير من 8 الصبح لحد 9 بالليل والناس متعبتش وكانو مبسوطين وبيقولو كلة يهون عشان خاطر مصر لما شوفت الست الكبيرة اللي بعكاز والراجل العاجز اللي واحد واخدة على كرسي بعجل والابكم اللي نطق وقال مصر وشوفت في الطابور شاب شيك بنظارة وكوب كافية وراجل غلبان واقف وراة بقميص وبنطلون عادي مش غاليين كلة واقف مفيش فرق كلة متجمع في حب مصر. لما شوفت عمرو دياب واحمد حسن وعمرو موسى واقفين في الطابور. لما شوفت البلد وكوبرى اكتوبر فاضيين وكل الناس واقفة من الصبح في مقار اللجان . كنت في الكافية وشوفت ست شيك قوي نازلة من عربية باسات وقالت لاصحابها هاي عملتو اية وبتشاور باصبعها اللي فية الحبر الفسفوري وبتقول اديت صوتي اي نعم وقفت 3 ساعات بس شاركت في الاخر .لما شوفت كل دة عرفت حجم الوعي والحب والاصرار اللي في الشعب المصري مش بس الفقير اللى نفسة حال البلد يتصلح ولا السياسي اللى بيفهم وبيشارك لآ حتى الغنى المرفة كمان وقف واتلطع في الشمس وشارك مكسلش لانة متعود ع التكييف او لانة مش فارقة معاة هو كدة كدة مستريح كل دة يخلة مصر تاخد الدرجة النهائية فعلا في سنة اولى ديقراطية وعن جدارة واستحقاق
وعشان هو سنة اولى كبرت دماغي من ان ناس ضربت البرادعي او من واحدة قالت اوف الدنيا حر وزحمة او من ناس قليلة اختلفو واشتبكو بسب الخلاف على نعم ولا او من ناس طنشت اصلا زي بتاع العيش لما سالتو وقالى يعنى هو صوتي اللي هيفرق خليني في اكل عيشى
انا من الناس اللي قالت لآ بس زي غيري معنديش مشكلة في نعم لان الخلاف بينا مش على الهدف ولكن على الاجراء الهدف تغيير الدستور وسيتحقق بنعم ام لا وطالما الهدف واحد وكلنا بنحب مصر انشاء الله هنوصل للاحسن وللخير بس برضا الجميع واكيد لو فئة او حزب احنا شوفنا ان هيكون بيفكر في مصلحة شخصية اكيد مش هنتفرج عليهم ...
عشان نفضل واخدين الدرجة النهائية لازم نفضل نقرا ونفهم ونعرف في اية ومصلحتنا فين لسة جاية انتخابات كتير لوكنت زمان متابعتش عشان صوتك مش هيفرق دلوقتي لازم تتابع وتقرا وتفهم عشان دلوقتي هيفرق وليك قبل اي حد تاني
اعرف دستورك شوفة بيحميك وفية مصلحتك ولا لآ اعرف حواليك في اية عشان لما تختار تختار صح
عشرة من عشرة يا مصر
Amer ela7zan
ويتفاجىء ان خطه حلو الصفحة منظمة ومسطرة وانة حل الامتحان كلة صح قوى بتبقى مفاجاة غريبة وساعتها من انبهار الاستاذ ممكن يطنش كلمة غلط ولا رقم مش مظبوط او حتى لو نسي يكتب حاجة بس من كتر ما هو اتفاجىء بيديلو الدرجة النهائية
مصر خدت يوم السبت 19 مارس الدرجة النهائية في سنة اولى ديمقراطية
عمر ما كان حد يتوقع ان مصر تحل صح كدة في الامتحان فعلا شعب مصر كان عايز صورة على راي الشاعر الكبير صلاح جاهين ( كلنا كدة عايزين صورة )
اول ما حس الشعب ان صوتة مهم و هيفرق وان دي مصلحة بلدة بدات الطوابير من 8 الصبح لحد 9 بالليل والناس متعبتش وكانو مبسوطين وبيقولو كلة يهون عشان خاطر مصر لما شوفت الست الكبيرة اللي بعكاز والراجل العاجز اللي واحد واخدة على كرسي بعجل والابكم اللي نطق وقال مصر وشوفت في الطابور شاب شيك بنظارة وكوب كافية وراجل غلبان واقف وراة بقميص وبنطلون عادي مش غاليين كلة واقف مفيش فرق كلة متجمع في حب مصر. لما شوفت عمرو دياب واحمد حسن وعمرو موسى واقفين في الطابور. لما شوفت البلد وكوبرى اكتوبر فاضيين وكل الناس واقفة من الصبح في مقار اللجان . كنت في الكافية وشوفت ست شيك قوي نازلة من عربية باسات وقالت لاصحابها هاي عملتو اية وبتشاور باصبعها اللي فية الحبر الفسفوري وبتقول اديت صوتي اي نعم وقفت 3 ساعات بس شاركت في الاخر .لما شوفت كل دة عرفت حجم الوعي والحب والاصرار اللي في الشعب المصري مش بس الفقير اللى نفسة حال البلد يتصلح ولا السياسي اللى بيفهم وبيشارك لآ حتى الغنى المرفة كمان وقف واتلطع في الشمس وشارك مكسلش لانة متعود ع التكييف او لانة مش فارقة معاة هو كدة كدة مستريح كل دة يخلة مصر تاخد الدرجة النهائية فعلا في سنة اولى ديقراطية وعن جدارة واستحقاق
وعشان هو سنة اولى كبرت دماغي من ان ناس ضربت البرادعي او من واحدة قالت اوف الدنيا حر وزحمة او من ناس قليلة اختلفو واشتبكو بسب الخلاف على نعم ولا او من ناس طنشت اصلا زي بتاع العيش لما سالتو وقالى يعنى هو صوتي اللي هيفرق خليني في اكل عيشى
انا من الناس اللي قالت لآ بس زي غيري معنديش مشكلة في نعم لان الخلاف بينا مش على الهدف ولكن على الاجراء الهدف تغيير الدستور وسيتحقق بنعم ام لا وطالما الهدف واحد وكلنا بنحب مصر انشاء الله هنوصل للاحسن وللخير بس برضا الجميع واكيد لو فئة او حزب احنا شوفنا ان هيكون بيفكر في مصلحة شخصية اكيد مش هنتفرج عليهم ...
عشان نفضل واخدين الدرجة النهائية لازم نفضل نقرا ونفهم ونعرف في اية ومصلحتنا فين لسة جاية انتخابات كتير لوكنت زمان متابعتش عشان صوتك مش هيفرق دلوقتي لازم تتابع وتقرا وتفهم عشان دلوقتي هيفرق وليك قبل اي حد تاني
اعرف دستورك شوفة بيحميك وفية مصلحتك ولا لآ اعرف حواليك في اية عشان لما تختار تختار صح
عشرة من عشرة يا مصر
Amer ela7zan