المساعد الشخصي الرقمي

مشاهدة النسخة كاملة : يوميات كداب مشتاق العصر5



مصطفى مامون
10-05-2011, 11:56 PM
http://www.vb.6ocity.net/imgcache/21354.imgcache.gif
النهارده حصللى موقف غريب وعجيب **كنت مريح ساعه العصارى بعد اكله دسمه ورحت سارح فى بالى شفت حاجه غريبه جدا شفت حلم جميل كان فيه انسان لابس لبس ملاك ابيض ف ابيض
وماشى على ارض خضرا بيجرى فيها والملاك بقوا10ملايكه ووراهم راجل بيرقيهم ويحرسهم ويبخرهم وبيجروا بيجروا فى ارض خضراكلها اخضر ف اخضر وعلى جنبها خط ابيض والملايكه قاعدين يرئصوا مع بعض لكن وئفهم راجل لابس اسود ف اسود ومشاهم بره الارض الخضرا وفضل واحد يصرخ عليهم وعلى الراجل اللى لابس اسود ف اسود انت بتمشيهم ليه سيبهم ياظالم
رد الراجل اللى لابس اسود ف اسود هم اللى ظلموا نفسهم قال الراجل اللى بره الارض هم فيه ملايكه بيظلموا نفسهم رد الراجل اللى لابس اسود اه لما ينكروا نعمه ربنا قالوا طب هى ايه نعمه ربنا رد الراجل وقالوا بص فوق وانت تعرف ***وهم بيتكلموا لقيت قطر جاى بسرعه البرق جوه الارض الخضرا وصوت عالى من جوه القطر بيقول سيبوا الارض الخضرا دى ملكى انا بتاعتى انا خافت البشر اللى لابسه ابيض وجريت من ادام القطر وراح القطر ركن جوه الارض ونزلوا ركابه بيهيصوا ويجروا ورا بعض ومعاهم الراجل اللى لابس اسود وخرج الناس اللى لابسين ابيض من الارض الخضرا ومعاهم الراجل اللى كان واقف بره الارض وبنوا خيمه بره الارض وقعدوا فيها بيبصوا على الناس اصحاب الارض الخضرا وهم بيتحسروا
قمت من نومى وقعدت اقول استر يارب استر يارب حكيت لكل اللى فى البيت تفسير الحلم محدش قدر يفسره وقعدت حزين جالى ضيف راجل وقور حكيت له الحلم
قالى يابنى البشر اللى لابسين لبس الملايكه هم لعيبه الزمالك الخايبه واللى لابس اسود ف اسود هو الحكم والارض الخضرا هى الملعب والخط الابيض دى اللى بتحدد الارض قلتله طب وكرشهم ليه بره الارض قاللى عشان دى بتاعه القطر اللى جاى من بعيد وهو الاهلى والجماهير بتاعته اللى راكبه القطر وهم اصحاب الملعب والبطوله والقمه قلتلله طب وهم قعدوا ليه لعيبه الزمالك بره الملعب وقعدوا فى خيمه قاللى عشان دا مكانهم الطبيعى ان الاهلى فى القمه وهم بره قلتلله طب مين الراجل اللى واقف يحرسهم ويبخرهم قاللى دا عبد الواحد السيد
قلتلله طب مين الراجل اللى بيزعق للراجل اللى لابس اسود قاللى دا المخفى حسام حسن
قلتله ياراجل بلاش كلام فارغ بره ايه وجوه ايه
فى اللحظه دى دخل عليا المفعوص عمر ابنى وهو بيرقص
الحق الحق يابابا ****قمت مفزوع وانا بجرى وسبت الضيف ايه ياعمر فيه ايه **رد عليا الولد وقال **الجونه كسبت الزمالك 1/2
رُحت على طول اعتذر للراجل اللى فسرللى الحلم

http://www.vb.6ocity.net/imgcache/22007.imgcache.gif

خلود
11-05-2011, 12:07 AM
متعملش فى نفسك كده يامصطفى

بكره الزمالك يعوض خسارته ويكسب ان شاء الله

لكل جواد كبوه والزمالك من الفرق الجامده

ولو انى حاسه ان الحلم بيتكلم عن حاجه تانيه خالص

مصطفى مامون
11-05-2011, 12:13 AM
مشيها على الماتش ياخلود خليها تعدى وربنا يستر واللى عايز يتخيل ويفسر الحلم يفسروا على هواه لكن هيفضل معناه معايا بس والاسقاط اللى معمول لينا الحق كلنا اننا نتخيل يمكن نوصل لحقيقه الحلم فخليها الماتش دلوقتى

الرومنسى
11-05-2011, 12:40 AM
لو هنتكلم عن الماتش يا درش يبقى الزمالك بطل الدورى
حتى وهو فى المركز الأخير
هو مقتنع بكدا
مبدع دائما
انتظر جديدك

خلود
11-05-2011, 12:42 AM
ليه كل اليأس ده فى كلامك يامصطفى

متعودناش نشوفك حزين كده

فين مصطفى الى بيغنى لنا على الدردشه وبيضحكنا بسخريته الجميله

اميرة حبى انا
11-05-2011, 01:10 AM
ايوة فعلا المرة دى اليوميات حزينة
زعلان عشان الزمالك كده
معلش
تتعوض ان شاء الله
تم التثبيت

مصطفى مامون
12-05-2011, 11:45 PM
شكرا ليكى اميره وشكرا ليك رومانسى على المتابعه الجميله ومروركم العظيم

الباشا تلميذ
13-05-2011, 11:31 AM
معلش يا مصطفى
خيرها فى غيرها
وامرك لله

مصطفى مامون
13-05-2011, 01:50 PM
ميعادنا فى الاخر ياباشا وشكلها لا لينا ولا ليكوا الاسماعيلى ناولها