-- يالا يامزة نعمل فسيخ وبالصور كومان

[RSS]

http://www.m5zn.com/uploads/2011/4/21/photo/042111170437o1v0pg944g2k4ghl7.jpg








البدايه
طبعاً في شراء السمك البوري




بداية من شراء السمك ...
كل ما كانت السمكه طازجه و حجمها أكبر كل ما كانت افضل لأنها بتكون سمينه و ده أفضل
للفسيخ




أنا بشتري السمكتين أكتر من كيلو و نصف بشويه .. و لو لاقيت
اكبر بيكون أفضل .. و الحجم ده للموجودين في الكويت غالباً تلاقوه في كارفور أو
جيان



إشتري السمك و أغسلي خياشيمه كويس جدا لمده لا تقل عن خمس إلي ستة
دقائق لكل سمكه تحت الماء إلى أن يصبح لون الخياشيم أبيض تقريباً



http://www.m5zn.com/uploads/2011/4/21/photo/042111170414gmb639b36pc429x.jpg






http://www.m5zn.com/uploads/2011/4/21/photo/042111170423rb3pqxtlhfllfture.jpg




ده
شكل السمك بعد الغسيل و بعدها ندخل مرحلة التجفيف و دي بتاخد مش أقل من أربعه و
عشرين ساعه




لكن لا شمس و لا في البلكونه و لا الكلام ده خالص ...
بنجيب صينيه و نفرشها ورق ابيض علشان يمتص الماء اللي ممكن ينزل من
السمك



و طبعا كل كم ساعه بنغير الورق و نقلب السمك على جمب آخر
بحيث يتعرض من جميع جوانبه للهواء علشان ينشف


ده شكل السمك و هو لسه طازج بعد الغسيل


http://www.m5zn.com/uploads/2011/4/21/photo/0421111704227jswhujxbse2.jpg




و
دي صورته أثناء التنشيف
http://www.m5zn.com/uploads/2011/4/21/photo/04211117040990vg3i8rj2fuhe3w2bd.jpg



في
خطوه لازم نعملها أثناء التنشيف مرتين تلاته بين كل مره و مره عدة
ساعات



هتمسكي السمكه و تحطي في كل خيشوم منديل ورق و تمسكي الرأس
بمنديل تالت و تمسكي السمكه رأسها لأسفل و تضغطي عالرأس بشكل يضمن نزول أي سوائل
منها و طبعا بعد كده بنشيل المنديل من الخياشيم و نسيبه يكمل تنشيف عالصينيه مره
أخرى



المرحله دي زي ما قلت بتاخد يوم كامل او أقل بشويه .. أنا
بشتري السمك بالليل و أغسله و أسيبه يتنشف لتاني يوم .. الليل بيقضيه عالمكتبه قصاد
التكييف و طبعاً متغطي بقماشه خفيفه جداً
http://www.m5zn.com/uploads/2011/4/21/photo/042111170432mliotxl7qejhid2f7af1.jpg






و
الصبح باخده يكمل تنشيف في المطبخ و شباك المطبخ مفتوح للتهويه لكن لام
تحافظي على انه يظل طول الفتره دي متغطي تماماً لضمان النظافه




و لما بينشف تماماً هتعرفيه من ملمسه بيبقى جاف تماماص من بره و
لونه يبيض كله و يبقى جامد مش طري زي ما كان طاج يعني السمكه تمسكيها من
الذيل تظل متماسكه بدون انثناء



و ممكن بالنهار بعد ما يمر
عليه الليل و قبل التمليح توقفي السمك فتره علشان لو فيه سوائل تنزل .. أنا بفتح
زجاجة ماء معدنيه من الأعلى و أضع فيها من أسفلها مناديل ورقيه علشان تمتص اي
قطرات تنزل منه و أضع فيها السمكه واقفه رأسها لأسفل



كده


http://www.m5zn.com/uploads/2011/4/21/photo/04211118040440cro7u7hgtn7bht7ysw.jpg







و دي صورة السمك بيكون شكله كده بعد التنشيف تماماً


http://www.m5zn.com/uploads/2011/4/21/photo/042111180408w9pe54fa1htdvzmr6k.jpg


المرحله
الجايه مرحلة التمليح

قبل التمليح هنمسك السمكه من عند الديل و
نضغط عليها علشان تبقى طريه



هتضغطي عكس طبيعة الذيل .. يعني تضغطي
على الذي بشكل رأسي .. مش في اتجاه الرأس .. كأنك بتفرديه




بعد كده هنجيب الملح الخشن .. و ده برضه هتلاقيه في كارفور
في قسم الخضروات مش عارفه ليه بس هو موجود هناك



الكيس عباره عن
كيلو ملح مجروش أو خشن







بنستعمل
تقريباً ثلاثة ارباع الكيس . أو ثلثينه ... أول خطوه بنملأ الخياشيم تماماً لدرجة
انها تبقى مفتوحه و الملح لا يسمح لها بالإنغلاق



كده

http://www.m5zn.com/uploads/2011/4/21/photo/042111180424q5tm1plko7diwd.jpg



و
نرص السمك رأس جمب ذيل . يعني خلف خلاف السمكه دي رأسها بجانب
ذيل التانيه



ثم نرش باقي الكميه التي سنستخدمها فوق و تحت و بجانب
السمك



كده



http://www.m5zn.com/uploads/2011/4/21/photo/042111180440p1c4ebm4t4n.jpg



http://www.m5zn.com/uploads/2011/4/21/photo/0421111804466hnklzotl6ak7e.jpg



بكده
انتهى التمليح و تقفلي الكيس كويس جداً و كوني حريصه على عدم بقاء الهواء فيه و
لفيه في أكتر من كيس فوق بعض



أنا بلفه في حوالي سبعه او ثمانية
اكياس لضمان الحراره اولاَ و عدم دخول الهواء ثانياً


http://www.m5zn.com/uploads/2011/4/21/photo/0421111804511zq865jhtuwme7knn.jpg

كده انتهت مرحلة التمليح و اللف و بدأت مرحلة الصبر



هتحطي اللفه المحترمه جداً دي في مكان جاف ( أنا بحطه في فرن البوتوجاز ) و تحرصي تماماً ان كل
فتره تقلبي اللفه من جانب لآخر



و ده علشان تضمني توزيع الملح .. و اللفه طبعاً هتحطيها في صينيه أو ما شابه علشان لو نزل منها ميه يبقى مش
تبهدل لك المكان او الفرن او كده



و بتسيبيها تقريباً خمسة ايام و
تفتحيها



أهم ما في الأمر هو تقليبها في اليوم ما لا يقل عن اربع او
خمس مرات .. يعني كل ما تفتكريها تفتحي الفرن و تقلبيها علشان الملح يتوزع
تماماً



المرحله الجايه بقى .. مرحلة البكاء من فرط
اللذه



طبعاً المفاجأه إني عملت فسيخ دي لوحدها كانت بالنسبه لي في
أول مره عملته كانت فوق الوصف


لكن بعد كده الموضوع هيبدأ
يبقى طبيعي و سهل



دي صورة الغدا إنهرضه و إتفضلوا
معانا



الفسيخ قبل ما نفتحه و ده لونه بيكون ابيض و لامع و ده معناه
انه الحمد لله آمن و نظيف
http://www.m5zn.com/uploads/2011/4/21/photo/042111180412xkblkbp.jpg







الصور
دي بقى قبل ما نقضي عليه مباشرة:D


http://www.m5zn.com/uploads/2011/4/21/photo/0421111804340e3feobe.jpg





**********************



http://www.m5zn.com/uploads/2011/4/21/photo/042111180455l3ig6i2oq9uxq4jixv8f.jpg


التجربه مش صعبه أبداً .. هي تخوف في الأول لكن النتائج إن شاء الله مضمونه



يا ريت اللي يجرب يقول لنا أخباره إيه