وزير التعليم يتحدي الثوره

[nogafoda]

فجر الدكتور أحمد جمال الدين موسى، وزير التربية والتعليم، مفاجأة من العيار اليقيل ربما تضعه فى قائمة اعداء ثورة 25 يناير بتاكيده على ان اسم مبارك باقٍ فى كتب التاريخ فقط كرئيس سابق".


ويبدو ان موسى الذى ينتمى الى تيار الاخوان المسلمين ، قرر ان ينضم لاعداء ثورة 25 يناير دون ان يدري ، وربما يواجه خلال الايام القادمة بسيل من الدعاوى القضائية التى تطالب بشطب اسم مبارك نهائيا من الكتب الدراسية ، او المطالبة باقالة الوزير .


واعترف الوزير خلال حواره لصحيفة (الجمهورية) اليوم بضرورة إصلاح الأوضاع فى المدارس، خاصة بعد أن وصلت كثافة بعض الفصول إلى 100 تلميذ فى بعض المدارس، ووعد بتنقية مناهج التاريخ، وإضافة جزء خاص عن ثورة 25 يناير.


وقال موسى : "نظام الثانوية العامة "عتيق" وغير كفء ويشجع الدروس الخصوصية، وربع مدارسنا بلا أى كمبيوتر، والمطلوب 700 ألف جنيه لحل المشكلة

[الرومنسى]

طيب والله كويس
نحط بكار فى 31 سنة فى حكم مصر
ونزلة فى كتاب التاريخ
علشان يعجب المعترضين
والله مهزلة

[اميرة حبى انا]

طيب ماهو كرئيس سابق
عادى انه يكون فى كتاب التاريخ
يعنى هما كل اللى فى التاريخ كانوا ملائكة

[الرومنسى]

لازم يتنحى من التاريخ كمان
وممكن نكتب الفترة دى
زمن معدوم
حلوة والله

[اسامة22]

طب ممكن تقولي لي هيكتب اسمة في التاريخ لييييييييييييية من اصلة
وضع اسمة للانجازات ولا الفساد اللي الناس شافتة في عصرة
لو وضعنا اسمة في التاريخ يبقي هنقول دا قدوة ورجل عمل وعمل وعمل من الانجازات كتير
بعد اللي سمعنا عنة تعتقدوا ان لة انجازات
طب لو قولنا علية في التاريخ انة كان فاسد ماهي الفائدة نعلم ولادنا طرق واساليب الفساد
مش عارف بجد شئ محير

[nogafoda]

طب ممكن تقولي لي هيكتب اسمة في التاريخ لييييييييييييية من اصلة
وضع اسمة للانجازات ولا الفساد اللي الناس شافتة في عصرة
لو وضعنا اسمة في التاريخ يبقي هنقول دا قدوة ورجل عمل وعمل وعمل من الانجازات كتير
بعد اللي سمعنا عنة تعتقدوا ان لة انجازات
طب لو قولنا علية في التاريخ انة كان فاسد ماهي الفائدة نعلم ولادنا طرق واساليب الفساد
مش عارف بجد شئ محير]
بص بقي يا استاذ اسامه
هواحنا لازم نعرف ولادنا تاريخ بلادهم وايه الي كان بيحصل فيها
يعني مثلا الفراعنه مكنوش ملايكه
ولا ايام الرسول صلي الله عليه وسلم مكنش فيه ناس بتعزبه
ومع ذلك احنا بنحكي قصص الانبياء للولاد علشان يعرفو الرسل تعبت اد ايه علشان يخلونا مسلمين
(مع الفارق طبعا)
وبالتالي مينفعش نشيل 30 سنه من تاريخهم من غير منقولهم حاجه عنهم

[الرومنسى]

مقنعة يا يولاد
ايه الاقناع دة
على فكرة يا نوجا
مناقشاتك جميلة جدا ولها مفعول فى التعامل مع الاخرين
أرجو منكى المناقشة قدر المستطيع فى ردودك
سيكسب الجميع عقل واع له آراءه وأفكارة
شكرا لك

[خلود]

ايوه انا رأيى زى نوجا لازم اولادنا يعرفوا كل حاجه مرت بمصر حتى لو كانت فساد وخراب ذمم

[abo trieka elking]

يعنى هى جت عليه
هههههههههههههههه
الكتاب مليان
اكيد هيعملوله فرع لوحده
اصل الكتاب على آخره
:50 (8):

[محمد المصري]

صح جدا و اعتقد ان التاريخ مش عبارة عن حواديت قبل النوم لأ التاريخ بيتكتب لأخذ العبرة و تعلم الدروس منه للاستفادة و عدم تكرار الاخطاء فى المستقبل .

[اسامة22]

التاريخ كلمة لها مدلول كبير
التاريخ معناه عظمة امة وشموخ لرجال ضحوا
التاريخ تفخر بة الامة لما لة من انجازات
هكتب في التاريخ عصابة نهبت الامة وشردت شعبها جوعا وفقرا ومرضا
اي تاريخ ياسادة بالعكس توجد مقولة تقول الي مزبلة التاريخ لكل طاغية او مستبد يعني لاوجود لة
ودمتم بخير وسلملي علي التاريخ
ولا مجال ابدا لوجهه مقارنة بين عصر الرسول وعصر الطاغية مبارك في العصر الحديث باعتراف الاخت العزيزة
ومع ذلك محترم جدا ارائكم
وربنا يجعلة عاااااااااااااااااااااااااااااااااامر

[الرومنسى]

إلى كل أخوتى
إلى كل من قرأ تلك الحروف
مع كل رأى من هذه الأراء عظة وكل له فكرة وبين 85 مليون لابد لكل رأى من هنا له طائفة ترعاة او تسير على نفس النهج كل الاراء واحدة ولكن الفرق فيها الطريقة نحن نتحدث عن التاريج لاننا لا نستطيع فى جرة قلم محو ثلاثون عاما من عمر العالم ومن الزمن الذى خلقة الله له ما له وعليه ما عليه ولكن الصفحات تكتب عند الجليل عز وجل قبل أن تنقش على الارض
شكرا إخوانى وإخوتى جميعا