المساعد الشخصي الرقمي

مشاهدة النسخة كاملة : هل لبس الزوج "مريلة" المطبخ يتناقض مع رجولته؟]



ام الاء
07-10-2009, 06:37 PM
هل لبس الزوج "مريلة" المطبخ يتناقض مع رجولته؟]


كارثة... رجل فى المطبخ" هذا عنوان لموضوع إجتماعى نشر على أحد المنتديات يتحدث عن شعور الرجل بالحرج من مساعدة زوجته فى أعمال المنزل وخاصة المطبخ.
حيث أن شريحة كبيرة من المجتمع تنظر لهذا الأمر بحساسية شديدة وتعتبر أن قيام الرجل ببعض الأعمال في منزله يعد انتقاصا في رجولته، وخدشا لهيبته أمام زوجته، وهذه النظرة القاصرة منتشرة لدى أهل الشرق بصورة أكبر.
وكتبت إحدى زائرات المنتدى تقول أن عدم مشاركة الزوج لزوجته فى الاعمال المنزلية واعتبار ذلك انتقاصا من رجولته يرجع إلى درجة الثقافة للزوج، وتكمل: لأننا إذا نظرنا إلى الأمر بطريقة موضوعية فإننا نجد أن الزواج هو شراكة بين الزوجين والتعاون بينهما في كل شئ حتى في أبسط الأمور يضفي على حياتهما البهجة ويمنحهما الإستقرار النفسي ويحقق لهما معاني المودة والرحمة والألفة، بل مجرد دخول الرجل على زوجته وهي تحضر الطعام ليسألها عن أحوالها ومدى احتياجها لمساعدته يرفع من معنوياتها ويجعلها أكثر نشاطا واقبالا على العمل المطبخي بنفسية مفتوحة، فما بالك بمشاركته الفعلية لها في إعداد إحدى الوجبات؟ انتهى كلامها.
الناظر لسيرة خير البشرية محمد صلى الله عليه وسلم يجد انه كان فى خدمة اهله وهذه كلمة عامة أى انه يساعدهم فى كل شى وأظن ايضا انه – رغم أعبائه الكثيرة – كان يساعد زوجاته فى الأعمال المنزلية، فقد سئلت عائشة ما كان النبي (صلى الله عليه وسلم ) يصنع في بيته؟ قالت: كان يكون في مهنة أهله (أي خدمة أهله) (رواه البخاري)، وفي حادثة أخرى أن عائشة سئلت عما كان رسول الله (صلى الله عليه وسلم ) يعمل في بيته؟قالت: "كان يخيط ثوبه ويخصف نعله ويعمل ما يعمل الرجال في بيوتهم" .
وأكدت بعض الدراسات الحديثة أن مساعدة الرجل لزوجته في أعمال المنزل يقوي الروابط الزوجية ويزيد أواصر المحبة، وقد ذكر سكوت كولتران ، عالم الاجتماع في جامعة ريفرسايد في كاليفورنيا وأحد معدي الدراسة التي أجريت حول هذا الموضوع أنه كلما شارك الرجل أكثر في الأعمال المنزلية ، كانت الزوجة أكثر سعادة.
إلا أن البعض رفضوا هذه المساعدة متعللين بأن الرجل يتعب كثيرا فى عمله وأن البيت مكان يستريح فيه وليس مكان عمل وتعب، وبعضهم اعتبرها إهانة ونقص منه أن يلبس مريلة المطبخ أو يقطع بصل أو غيرها من الاعمال.
وأنت كزوج ما رأيك فى هذا الموضوع ؟ هل يمكن أن تساعد زوجتك فى الاعمال المنزلية؟ وهل تقبل "نفسيتك" أن تلبس مريلة المطبخ؟ وما رأيك فيمن رفضوا هذا بشدة واعتبروها إهانة؟.
وأنتِ كزوجة ما شعورك عندما تجدين زوجك يزاحمك فى المطبخ ويتفنن فى مساعدتك، وخاصة إذا كان "نفسه حلو فى الأكل"؟ وهل هذا فعلا يقوى الأواصر الزوجية بينكما؟.

mohamedbook
07-10-2009, 10:01 PM
مش الفكرة بس الراجل مكانة مش في المطبخ
المفروض ان طالع عنية وعنين الي جبوة عشان يجيب متطلبات البيت من برة
امتة يقف في المطبخ الا اذا كان متستت وقاعد في البيت
وبعدين هو لازم البس مريلة عشان اعمل حاجة في المطبخ
الغسلات موجودة والحمد لله ومفيش دعك وبرش وعصر بلايد زي زمان
يعني انتم كستات عيشين عيشة 100% كل شيء في خدمتكم ومش عجبكم كمان الا ان الزوج يلبس مريلة ويطبخ هو دة المرح بالنسبلكم
الله يهديكم

ام الاء
18-10-2009, 09:11 PM
الراجل مكانة مش في المطبخ
المفروض ان طالع عنية وعنين الي جبوة عشان يجيب متطلبات البيت من برة
امتة يقف في المطبخ الا اذا كان متستت وقاعد في البيت
النهاردة الست برضه طالع عينها فى البيت وبره البيت يعنى مش الراجل لوحده اللى تعبان و المفروض ان الحياه مشاركة بين الطرفين داخل
وخارج البيت وفين الست اللى متستته النهاردة

sharabasy
28-10-2009, 03:31 PM
واما بنعمة ربك فحدث ,رغم اني قاعدة في البيت الا ان زوجي بيساعدني في المطبخ وفي البيت وانا كمان قلبي بيدعيله قبل لساني ربنا يبارك لنا فيه وفي صحته وزوج اختي كذلك وزوج ابنة خالتي ايضا بالاضافة لمذاكرة الاولاد لان اولادها اكبر من اولادنا
ام اياد

lionking
28-10-2009, 05:42 PM
واما بنعمة ربك فحدث ,رغم اني قاعدة في البيت الا ان زوجي بيساعدني في المطبخ وفي البيت وانا كمان قلبي بيدعيله قبل لساني ربنا يبارك لنا فيه وفي صحته وزوج اختي كذلك وزوج ابنة خالتي ايضا بالاضافة لمذاكرة الاولاد لان اولادها اكبر من اولادنا
ام اياد



وانا كمان بدعي لزوجك والله ادامه الله عليك واعزه

بس يا ستى دارى على شمعتك

حد يقول كده

ع العموم احنا مش بنحسد ولا حاجة ربنا يخليكوا لبعض ويسعدك

lionking
28-10-2009, 05:50 PM
يا ام الاء


احنا بس الاول عايزينهم يشرفونا فى المطبخ وان شاء الله سيجدوا ما يسرهم

مش عارفة بجد هما ليه متعقدين من المطبخ ومن المساعدة فى البيت

هو الاكيد اسلوب التربية اللى اتربوا بيه هو يا عينى اللى عملهم العقد دى

بس معلش ممكن الزوجة ( باسلوبها الحلو وشكلها اللى مايقطعش الخميرة من البيت ) تخلى زوجها يدخل المطبخ مش عشان يغسل مواعين لالالالالا يدخل معاها ويتكلموا سوا اعتقد دى مفيهاش حاجة واحنا ممكن نعتبرها خطوة ع الطريق

النهاردة بنتكلم بكرة بيجهز السفرة بعده بيشيل الاطباق وبعده يغسل الاطباق

واحدة واحدة يا بنات

معلش احنا بنحاول نفك عقد متراكمة

الموضوع محتاج صبرررررررررررررررر

الفارس
28-10-2009, 06:09 PM
واما بنعمة ربك فحدث ,رغم اني قاعدة في البيت الا ان زوجي بيساعدني في المطبخ وفي البيت وانا كمان قلبي بيدعيله قبل لساني ربنا يبارك لنا فيه وفي صحته وزوج اختي كذلك وزوج ابنة خالتي ايضا بالاضافة لمذاكرة الاولاد لان اولادها اكبر من اولادنا
ام اياد


طبعا ربنا يخليه ليكم أم اياد ويباركلكم فيه ويباركله فيكم
طبعا نادر اوى الى بيعترف بالى بيعمله جوزك من الستات مع انك قولتى فيه كمان زوج اختك وزوج ابنه خالتك
وفيه كتير من الرجاله المميزين بيعملو كدا لكن مين يعترف بدا ومين يعجبهم المتمردين الى بيقولو غير كدا
وبعدين الست فى ايدها تعمل كل حاجه وبأيدها تخليه بره البيت 24 ساعه مش بره المطبخ بس
تحياتى ليكى ولكل ست تعترف بالى بيعمله جوزها مش الى بتنكره

ام العيال
28-10-2009, 09:12 PM
الموضوع ده شائك بجد
بس لازم يتناقش بهدوء ومن غير تعصب
لن ننكر معاناة الرجل بعمله وسعيه لتوفير حياه مستقره لاسرته
ولكن لو مره مثلا دخل المطبخ وعمل الشاى ليه هو وزوجته فى المغربيه يبقى
فضل ونعمه
عن نفسى
لا احب ان ارى زوجى بالمطبخ اطلاقا
لان الخسائر بتكون فادحه
هههههههههههههههههههه
لكن ده
ميمنعش انى اغسل خضار السلطه واحطه قدامه
وياسلام لو تدوقنا احلى سلطه من ايديك النهارده
يعنى اولا واخيرا
الكلمه الحلوه
لانها بتمشى فى الجبل طريق
وكمان دعوتين حلوتين

مش بالخناق والتكشيره
وانا طالع عينى ومعرفش ايه
وبالاخر تقوم خناقه

الحياه الزوجيه لازم تكون بتفاهم ومشاركه ونعيشها بسعاده مش جر شكل ونقار

وربنا يسعد الجميع

ام الاء
31-10-2009, 04:22 PM
واما بنعمة ربك فحدث ,رغم اني قاعدة في البيت الا ان زوجي بيساعدني في المطبخ وفي البيت وانا كمان قلبي بيدعيله قبل لساني ربنا يبارك لنا فيه وفي صحته وزوج اختي كذلك وزوج ابنة خالتي ايضا بالاضافة لمذاكرة الاولاد لان اولادها اكبر من اولادنا
ام اياد

نمسك الخشب ونقولك ربنا يخليه لكم
شكرا لمرورك الكريم

ام الاء
31-10-2009, 04:27 PM
هو الاكيد اسلوب التربية اللى اتربوا بيه هو يا عينى اللى عملهم العقد دى
فعلا فى دى عندك حق ده يرجع لاسلوب التربيةمن الصغر
تسلم ايدكى يا ليون

ام الاء
31-10-2009, 04:30 PM
الحياه الزوجيه لازم تكون بتفاهم ومشاركه ونعيشها بسعاده مش جر شكل ونقار

بارك الله فيك يا ام العيال
الفارس جزاك الله خيرا لمرورك الكريم