المساعد الشخصي الرقمي

مشاهدة النسخة كاملة : ثورة الجياع


fagrmasr01
18-01-2009, 09:25 PM
ثورة الجياع

الشعب جاع وضاع
وحتى الحلم اتباع
مبقتش احلم ببكرة
وبكرة هو الضياع

راحت امالك يا مصر
باعوها سكان القصر
تركوا مكانها جراح
وديون تفوق الحصر

غنينا اغانى انتصار
ودخلنا كما الاعصار
وبعد اتفاقك يا ديفيد
بدانا فى الانحسار

منعونا نحميكى سينا
او نزرع فوق اراضينا
او نصنع أى صناعة
او حتى سلاح يحمينا

واخوانى فى كل الدنيا
اللى قرابتهـم دنيا
مش هقدر يوم احميهم
لو حتى يهدوا الدنيا

وسفارتك ديفيد فـوق
لو تسكر واللا تفوق
لو حتى ف اهلى تعربد
ولو تشتم او بالذوق

كعبك على راسى عالى
وحمارك عندى الغالى
لو تأمر زرعنا نقلع
ونهد السـد العالى
اميرة حبى انا
18-01-2009, 09:37 PM
http://www.m7shsh.net/images/sa255rmo6z0xkyop5v9.gif
محمود الحمدلله مش هنبقى لوحدنا
فى شاعر عظيم
هيحبسنا كلنا ان شاء الله
متزعلش حضرتك انا بهزر
وربنا يستر
fagrmasr01
18-01-2009, 10:00 PM
بجد .. متشكر جدا على المرور .. وبرضه بجد باتمنى التقييم وتوجيه النقد البناء
هى مجرد خواطر
واكرر شكرى على المرور والتعليق
اميرة حبى انا
18-01-2009, 10:09 PM
مجرد خواطر
ايه التواضع ده
بجد كلام حضرتك ................
مش عارفة اوصف
وبرضو ربنا يستر
fagrmasr01
19-01-2009, 12:58 AM
ربنا يبارك لك ويجبر خاطرك يارب آمين
وربنا يكفينا ويكفيكى شر الــــ...... ولا بلاش نقول تحسن احنا بنتمتع بحرية تعبير عن الراى عالية اوى
مش باتتريق
بس زى ما انا من حقى اعبر عن رأيى
فبرضه من حق الناس التانيين يمسكونى ويعبروا عن رايهم براحتهم اوى
ربنا يكفينا شر حرية تعبيرهم عن رأيهم.. الناس الى بالى بالك
اميرة حبى انا
19-01-2009, 01:47 AM
هههههههههههههههههههههههههههههه
شكلك ناوى على كده
استرهااااااا يارب
fagrmasr01
21-01-2009, 12:39 PM
ربنا يسترها معانا كلنا..
وأكرر لست معارضاً والله العظيم لكنها خواطر تجول فى نفوس اغلبنا وحاولت فقط التعبير
لكن والله انا مش مع الناس التانيين يا حكومة
اميرة حبى انا
21-01-2009, 12:46 PM
لكن والله انا مش مع الناس التانيين يا حكومة
ههههههههههههههههههههههههههه
احنا هنكتب ونجرى ولا ايه
محمود التهامي
21-01-2009, 12:55 PM
ههههههههههههههههههههههههههه



والله الواحد بقا عنده امل وحس انه مش لواحده



لآلآلآلآ لوحده احسن عشان قانون الطواريء

مش كدا برضه
إبراهيم البشبيشي
21-01-2009, 01:01 PM
أنا بأة مع الناس التانيين ورأيي إن كلامك حلو وجامد في المعنى ولكن الصنعة لسه محتاجة شوية كمان وعموما يا عم تسلم ايدك وماتخافش كلنا معاك
محمود التهامي
21-01-2009, 01:05 PM
يا جماعة والله باين علينا كلنا ناس تانيين ومش عارفين

يا إما بقا والله أعلم

هما اللي تانيين واحنا اللي اولانيين

هههههههههههه
fagrmasr01
21-01-2009, 01:08 PM
لا والله .. هى مجرد كلمات اداعبكم بها .. هى كلماتى وانا كتبت اسمى ومن بشتيل كمان
اميرة حبى انا
21-01-2009, 06:12 PM
اهو اعترف يامحمود
انت اجبرته على الاعتراف
حرام عليك
fagrmasr01
22-01-2009, 12:26 AM
والله ايوه باعترف ** انى بحبك يابلد
وانى لحبك محترف ** واضحى بالمال والولد
لو زلزلوا منى الجسد
لو بهدلوا منى الكبد
ها عيش احبك يابلد

لو قطعوا جسمى انتقام
وان ضيعوا حروف الكلام
ولو خلوا كل حلال حرام
برضه بحبك يابلد

انا مش معارض ليك يا باشه
وموافق انك تاكل بغاشه
لكن عظامى م الهشاشة
بتستغيث بالله .. مدد

نفسى يكون ليا سند
وعلاج لعينى من الرمد
وافوق من ذل الى فوق
شكاوينا ملهاش عدد
وبرضه .. بحبك يابلد
معلش انتوا الى بتسحبوا منى الكلام والله بتشجيعكم الحلو وتعليقاتكم الجميلة
اخوكم جمال جابر من بشتيل
fagrmasr01
22-01-2009, 12:29 AM
أستأذنكم احطها ف موضوع لوحديها عشان احاول اكملها لان الخواطر ف الموضوع ده بتيجى لوحديها
أرجو ان ما اكونش عامل ازعاج .. .. اخوكم جمال جابر من قرية بشتيل
اميرة حبى انا
22-01-2009, 01:00 AM
ياباشا حطها مكان ماتحب
واحنا اللى عاملين ازعاج صدقنى
حتى اسأل الباقى كده
محمود التهامي
22-01-2009, 10:24 AM
فجر

اسمحلي اضم صوتي لصوتك واعترف معاك يمكن التهمة تتقسم علينا
محمود التهامي
22-01-2009, 10:24 AM
ياباشا حطها مكان ماتحب
واحنا اللى عاملين ازعاج صدقنى
حتى اسأل الباقى كده


أيوا انا موافق واعترف ان اميرة هي اللي عاملة ازعاج

ههههههههههههههههههههههه
اميرة حبى انا
22-01-2009, 11:00 PM
انا اللى عاملة ازعاج:(
ماقلت اجازة قلتو لأ:confused:
مش نرسى على بر:mad:
fagrmasr01
09-09-2009, 04:07 AM
اتمنى تعجب ناس تانية
ولو انها قديمة من شهر يناير اول ما دخلت المنتدى
ومش هزعل من اللى يقراها ويجرى يستخبى

فقديماً قلت ..
كلماتى .. لا تقبل القسمة الا على واحد
دعاء الكروان
09-09-2009, 11:55 AM
منعونا نحميكى سينا
او نزرع فوق اراضينا
او نصنع أى صناعة
او حتى سلاح يحمينا

واخوانى فى كل الدنيا
اللى قرابتهـم دنيا
مش هقدر يوم احميهم
لو حتى يهدوا الدنيا





http://www.alqaly.com/vb/uploaded/14049_1225498382.gif
fagrmasr01
09-09-2009, 12:06 PM
شكرا للمرور الكريم والرد الاكرم يا دعاء