طلب الى ادارة المنتدى """ماذا تستطيع ان تفعل لمصر"""

[nouran_111]

اعزائى اعضاء منتدى 6 اكتوبر
اولا اسمحوا لى ان اكتب بلون عزيز وغالى هو لون دمائنا التى نتمنى ان تكون فداءا للوطن
ثانيا ممكن تسمحوا لى ادردش شوية معاكم
انى منذ قيام الثورة وانا الى حد ما امتنع عن التعليق على كل ما يخص الثورة
الا اللهم يعض الردود القليلة
وذلك ليس لانى مع او ضد الثورة ولكن ماراه لا يمت للثورة بصلة
انها كلها توجهات وانتماءات فردية
اين مصر من كل هذا
هناك من ينشاء رابطة وذلك ليس في حب مصر ولكن ليدعم مركزه حتى يستطيع الترشيح في الانتخابات القادمة
وهناك من يرفض الثورة وذلك لوجود احساس بالخوف والشك في نجاح الثورة والخوف من رد الفعل العكس في حالة فشل الثورة
وهناك من يدعى انه عاشق لمصر حتى الثمالة ويرتدى ثوب سرقه من ابطال الثورة
ولم يقكر هؤلاء قي مصير امتنا
اعترف ان الثورة غيرت كثيرا من المفاهيم فكثيرا ممن كانوا يدعون النزاهة والعدالة والحكمة قد ظهرت وجوههم الاخرى
وقد زرعت فينا الثورة الشك فكل من حولنا
اسمحوا لى بفكرى المتواضع ان اقترح اقتراح صغير
الا وهو
ان ننشأء موضوع باسم
ماذا تستطيع ان تفعل لمصر
وفيه يأتى كل عضوة باقتراح يساهم في غدا مشرق لمصرنا الحبيبة
بداية من البيت ثم الشارع ثم المدينة حتى نشمل كل ارجاء المحروسة
في كل شيء من
تعليم الى تجارة الى صناعة الى تموين الى ضرائب الى رقابة ادارية
الى خدمات صحية
الى تربية جيل جديد لديه من الوعى كى يدرك المعنى الحقيقي للقومية العربية
اتمنى ان يحظى اقتراحى بقبول لديكم

[محمود التهامي]

كلام منطقي جدا يا نوران
لكنه لا يحتاج لتدخل الادارة

ايه رأيك نبتدي بيكي ونسألك
تقدري عملي ايه عشان مصر
وكل حد يدخل بعد كدا يرد على نفس السؤال
مستني ردك على ما افكر ممكن اعمل ايه لمصر

[خلود]

ممكن نعمل ايه لمصر

هما كانوا مخلينا مش بنسال السؤال ده وكانوا محسسنا انهم بيعملوا هما كل حاجه ولكن للاسف هما طلعوا بيعملوا لنفسهم هما وبس

اما انا نفسى اعمل كتير لبلدى ويمكن احاول فى مجال شغلى ومع اولادى ووسط جيرانى ولو كل واحد ابتدى بالمجموعه اللى بتحيط بيه اكيد ده هيبقى فى الاخر خير لبلدنا

موضوعك حلو اوى يانوران وفيه كلام كتير اوى وبجد لازم كلنا نعمل حاجه للبلد دى ونشارك بعض الافكار والمقترحات

تحياتى نوران

[الرومنسى]

جميلة الفكرة نوران
والاجمل التحول للفعل الصحيح وهو ترتيب البيت من الداخل ودعوة للجميع بفتح النوافذ المغلقة بدلا من السجن فى معتقل الماضى ومعنى ذلك عم ذكرة أو الاهتمام والتعامل معه بالحكمة والحقوق للجميع ولكن أن نبدأ فى بناء مصر جديدة لها روح وعقل يزيد ويلهب حماس أولادها فى التقدم
شكرا نوران

[اميرة حبى انا]

معتقدش حد هيقدر يعمل حاجة مؤثرة وتظهر للناس كلها
بس بقول يعنى كل واحد يقوم بدوره فى الحياة بما يرضى الله

[الرومنسى]

على فكرة يا أميرة
لو حصل دة يبقى أكبر حاجة اتعملت
وتبقى هى الثورة الحقيقة
فهذا ما ينقص مصر
أن يؤدى كلا منا ما عليه

[nouran_111]

اول حاجة هعملها هو خلع ثوب السلبية في كل شيء الذى اكتشفت انه انتقل بالعدوى الى اولادى
والان قد بدأت اتحدث مع اولادى كيف يكون لهم راى وفكر وهدف مهما كان صغيرا
والا يهمش الاشياء وحتى كل شيء حقه بحاول الان ان اجعلهم يفكروا قبل فعل اى شيء
حتى قبل ان يتحدثوا ان يكون من كل كلمة غاية وفائدة تعودا عليهم وعلى من حولهم
ثانيا
شغلنى جدا الكتاب المدرسي والفراغ الذى فيه من المادة العلمية والمناقشة والتجارب العملية
انى بحكم عملى فانى اطلع على كل انواع الكتب الخارجية
ولدى سؤال الى وزير التعليم لماذا لا تكون كتب الوزارة بنفس كفاءة الكتب الخارجي
ماذا ينقص الوزارة هل هى الكودار ام الموارد
وكمان عملت حاجة عجبانى انا شخصيا اقنعت مجموعة من سيدات العيلة ان ندرس في معهد اعداد الدعاة
وهذا لمعرفة ما علينا من حقوق وواجبات في الشريعة والعقيدة والعبادات
واكيد ده هغير في ثقافاتنا واخلاقنا ان شاء الله الى الاحسن
ولم اسعى الى كل هذا الا بعد ما رايت من ان كثيرا منا لديه امية دينية ودنيوية
فكيف تستحق ان تأخذ ما لك وانت لا تعلم ما عليك

[nogafoda]

والله يانوران عندك حق في كل الي بتقوليه
بس احنا من كتر ماخدنا علي السلبيه بقي عندنا تبلد
بننقض الغير ولا نري عيوبنا
انا شخصيا قررت ابدء بنفسي واحاول اصلح الاخطاء الكتير الي عندي
وبعد كده اشوف اخطاء الاخرين

[اميرة حبى انا]

ياجماعة انتوا بتتكلموا فى ايه بس
السلبية دى جزء من حياتنا
هههههههههههههههه
تعود
ادمااااان

[الفارس]

كل مره بدخل فيها بالقى نظره سريعه على المواضيع واخرج
لكن المره دى ماقدرتش اخرج قبل ماارسل تحيه خاصه لنوران
على موضوعها وكمان ردها

[nouran_111]

اشكرك استاذ فارس
وفى انتظار مقترحاتك

[nouran_111]

يا اميرة ايهم اهم الثورة على حكام فاسدين ولا الثورة
على سلبيات افسدتنا وافسدت حكامنا

[وردة الايمان]

موضوع للمناقشة جميل يا نوران

وانا شايفه اننا نقدر نعمل كتير علشان احوال بلدنا تتصلح

السلبيه اللى كنا فيها خلاص انتهت

والشعب المصرى عرف ان كلمته ممكن يكون ليها تأثير كبير على حياته وعلى وطنه

لأنه دلوقتى عرف ان وطنه اصبح ملكه هو مش ملك حد تانى

وانا واثقه ان هيكون فيه محاربة للفساد فى كل مكان

لأننا مش هنقبل تانى باى فساد فى وطنا اللى احنا بنمتلكه


شكرا نوران على موضوعك الجميل

[nouran_111]

اشكرك على مرورك يا وردة
ونفسي اشوف مقترحات واراء اكتر كلنا نستفيد منها

[اسامة22]

لقد أرتكبنا خطأ فادحاً عندما تركنا الأمور تسير فى إتجاة مخالف لمفهوم الثورة
محاكم الثورات ليست كمثل هذة المهازل

تركنا أنفسنا للثورة المضادة
ولجهل أصحاب شعار عايز أختى كاميليا وعبير
وإنزلقنا فى مستنقع الفتنة الطائفية
والمطالب الفئوية
والنتيجة دم الشهداء راح هدر
منكم لله يامن أفسدتم علينا فرحتنا بالثورة