الالفيه الثامنة لخلود

[الرومنسى]

شفتو إزاى
عرفتو منين
أصحو يا نايمين
فيه ناس فى الزحمة
بتدور على اللحمة
وخلود فى الوسط بتكتب
سطور من نور تفرحنا
يا جرانى بصو بسرعة
خلود قايمة بدورها
مديرة
فى أكتوبر يا مدينة
عرفتو
لا لسه
الفية جديدة
الفية سعيدة
الفيتها التامنة
ياااااااااااااااه
يا ناس غنو يا ناس قولو
الفية وجاية
وخلود بيها متهنية
يا ابوزيد قول وعيد
خلود الليلة فى عيد
يا تهامى
الغى المواعيد
وأكتب سطر جديد
وأحسب لخلود من جديد
الفية بألف عيد
مبروك يا مديرة
مبروك التاج
ليه الف باب
ردود شغالة
وموضيع فعالة
لأكتوبر
خلود ميالة
ونغنى ليوم جديد
نغنى فى يوم عيد
الفية جديدة
علينا سعيدة
يا خلود يا شديدة
مستنى قصيدة
لألف جديدة
منى تكون شهادة وليدة
لخلود الحبيبة
اختنا
وفى بيتنا نشيطة
اقسامها مديدة
مبروك يا خلود
مبروك
مليون مبروك مبروك

[خلود]

مفاجأه جميله اوى اوى منك يامحمد

ربنا يخليك يارب لاختك خلود وتفرحها دايما بكلامك الجميل ده وشعورك النبيل

بالفعل انا اتميت امبارح الالفيه الثامنه واكيد فرحت بالرقم اللى وصلت له ده ولكن سعادتى بوجودى بينكم وبأحساسكم الجميل ده يفوق اى وصف

يعلم الله انى بالفعل اكاد اصل الى حد العشق للمنتدى ده بكل اقسامه واعضاءه ومواضيعه

وبيبقى الحب اكبر واجمل لما احس بيه من كل الاخوات والاخوه هنا
كانت امى ربنا يديها الصحه تقولى ربنا يحبب فيكى خلقه واعتقد ده حصل بالفعل بينى وبين كل الناس هنا رغم عدم رؤيتنا لبعض
اشكرك يامحمد من كل قلبى بحييك وبقولك انت انسان حساس ومتابع وواخد بالك من كل عضو هنا ومتابع وتستحق العضو المثالى بالمنتدى

[AFIFI MOSTAFA]

يا بنى انت مين علمك الشعر دا انت سنينك ......................
خلاص بقى عهد مدح المدير والرئيس دا انتهى اتريك يا واد بلاقيك العضو المميز و مش عارف ايه ( طيب اصبر هوريك )

طبعا انا بهزر ودا اقل كلام لاختنا ونجمة المنتدى خلود مبروك وعقبال الالفية 30 ونعمل مظاهرة ونخلعك يا خلود

[خلود]

كده ياعفيفى

ربنا يسامحك

وانا اللى فرحت برجوعك لنا تانى

اتاريك جى تخلعنى

انا شكلى كده هنظر فى امرك تانى واذ ربما يعنى اكشر عن انيابى ولو ان ماليش انياب اصلا اصلا

عفيفى ميرسى على كلامك اللى هو يعنى حلو

ههههههههه

وعقبال الفيتك ال15 مش عارفه اشمعنى 15

[AFIFI MOSTAFA]

شكرا يا اجمل مديرة فى الوجود

مش عارف تيجى ازاى دى مديرة على شوية رجالة

[الرومنسى]

انا اسف أولا لانها لم تكن فى المستوى المطلوب ولم ترقى لما كنت أريدة فالشعر بالعامية صعب الى حد ما على كلماتى
ولكن حاولت ان انقش فرحتى على صفحات المنتدى لاختى خلود
وانتظرى يا أميرة عند بلوغك الالفيه الحاديه عشر
استاذ عفيفى شرفتنى ونورتنى يا استاذى
لك منى مليون تحيه
والف مبروك يا خلود

[AFIFI MOSTAFA]

انا اسف أولا لانها لم تكن فى المستوى المطلوب ولم ترقى لما كنت أريدة فالشعر بالعامية صعب الى حد ما على كلماتى
ولكن حاولت ان انقش فرحتى على صفحات المنتدى لاختى خلود
وانتظرى يا أميرة عند بلوغك الالفيه الحاديه عشر
استاذ عفيفى شرفتنى ونورتنى يا استاذى
لك منى مليون تحيه
والف مبروك يا خلود


يا اخى والله انت كلك ذوق وادب وعاطفية ورمانسية ( شكلى مش هتفق معاك )

[فريد]

هايلة جدا يامحمد برافو عليك
رائعة لفتة جميلة منك لاجمل و اروع مديرة
المديرات ورانا ورانا
بتاعة الشغل طلعت معاش

و انتى ياخلود
لا طبعا مش عايزك تطلعى معاش
دنتى رائعة المنتدى
مبرو ك عليكى ياخلود
تواجدك الرائع
و حب الاعضاء لشخصك
و انتى سباقةبصراحة و قبل اى حد
فى كل مايخص الاعضاء
لكى منى اجمل و اروع تحية

[اسامة22]

الف مبروك للاخت العزيزة خلود علي الالفية الثامنة
وع وجودها الفعال ومواضيعها الجميلة وردودها
بالتوفيق ياخلود

[خلود]

فريد

اشكرك على اجمل كلمات لا تنم الا عن شاعر حساس ويمتك من الادوات ما تؤهله لنيل محبه الكل
ومعلشى ياسيدى خلينا جمبكم بلاش ورانا دى هو انتم من غير الست تقدروا تعيشوا اصلا
بس بلاش احقاد وضغائن

اسامه الغالى

وحشتنا ووحشنا تواجدك الجميل وردودك الرائعه خفيفه الدم

ياريت مش تغيب علينا كده بقى

[nogafoda]

والله يا خلود انتي تستحقي اكتر من كده
انتي فعلا مثال للاخت الجميله الي الواحد يتمناها
بغض النظر عن كونك عملالي امتحان وانا مش عارفه اجاوب
هههههههه
ومفيش حد متعاون خالص في المنتدي ده وعايز يغششني ولا سؤال
لكن معلش
الف مبروك يا خلود وعقبال المليون
انا عارفه اول مليون صعب بس الي بعد كده بيجي بسهوله

[قموره]

مبروك الفيتك التامنه ياخلود وانتى تستحقين كل هذا الحب

تسلم ايدك رومانسى على كلماتك الجميله

[الرومنسى]

ما تستحقة خلود هنا
أكثر من ذلك فهى وردة 6 أكتوبر
ودئما ما تنقش مشاركاتها بحروف من نور
تدير صرحا هى ركيزته
تحياتى لمجهودك الرائع