-- قصه ف كتاب..بقلمى(صابر)

[RSS]

قصه ف كتاب

http://www.afrikastars.com/vb/imgcache/1289.imgcache.gif


بحبك ياوهم..
ياحلم وسراب..
بحبك ياغلطه..
ياقصه ف كتاب..
يافرحى وهمى.. يااطوّل عذاب..


علمتنى من قسوتك ادوس واقوم..
عرفتنى من قصتك معنى الهموم..
عودتنى مااعرفش نوم ..
وجراحى تنزف كل يوم..


منك بقيت زى الحجر..
غيرتنى عن البشر..
حتى المشاعر الرقيقه..
ظهرت فى عمرى كام دقيقه..
ولمّا بانت قسوتك..
ماتت مشاعرى..دى الحقيقه..


قلبى إنكسر جوايا لمّا الحلم ضاع ..
وليل طويل مافيهوش أمل لظهور شعاع..
إحساس يمّوت لمّا تشعر بالضياع..
وتحب جامد بس حد عنيد وباع..


فكرك ح اقابل حب تانى يكون جديد..
فكرك ح يقدر قلبى وانت هناك بعيد..
يلاقى دقه ولا ضحكه ولا آه تنهيد..
كل اللى باقى فيا بعدك كوم حجر وحديد..


وعيون بتسقى خدودى دمعه ع اللى فات..
وكل حته ف جسمى شمعه تدوب آهات..
انا كنت ورده بقيت بغلطه ربيع ومات..


شوف لمّا تحلم حلم ياخدك للسحاب..
وتطّير ترفرف تنسى اهلك والصحاب..
آخرتها تصحى ع الآسيه وع العذاب..
وحبيب بظلمه رماك بقسوه ف الضباب..
وتلاقى حلمك كله وهم وكان سراب..
مابقتش عارف كت حياتى..
ولا دى قصه ف كتاب