المساعد الشخصي الرقمي

مشاهدة النسخة كاملة : الكشف عن عبوات لبن مصنعة من أ:ياس الزبالة


lionking
28-09-2009, 11:08 AM
كوثر الرفاعى عضو المجلس المحلى بالإسكندرية:



عبوات لبن مصنعة من أكياس "الزبالة" بالإسكندرية



الأحد، 27 سبتمبر 2009 - 18:13


http://www.youm7.com/images/NewsPics/large/s9200927181250.jpg



كوثر الرفاعى عضو المجلس المحلى بالإسكندرية تمسك بالعبوات الملوثة



الإسكندرية - جاكلين منير



تقدمت كوثر الرفاعى عضو المجلس المحلى بالإسكندرية صباح اليوم برسالة عاجلة للدكتور طارق القيعى رئيس المجلس المحلى لمدينة الإسكندرية عن عبوات لبن ظهرت بالأسواق خلال فترات العيد للبن مبستر لإحدى الشركات الشهيرة مدون عليها تاريخ إنتاج 4/9/2009 أى حديثة الصنع ، بعد أن تم استبدال التغليف الداخلى لها فضى اللون الذى يحافظ على سلامة اللبن من التعرض للهواء الخارجى ويجعله فى حالة طازجة بغلاف آخر أسود اللون مصنوع من المادة التى تصنع منها أكياس القمامة السوداء، مما اعتبرها المجلس غير مطابقة للمواصفات.

وأشارت كوثر الرفاعى فى تصريحات لليوم السابع إلى وجود زجاجات مياه معدنية تخالف المواصفات القياسية، وتساءلت عن دور مديرية الصحة ومديرية التموين وحملات التفتيش وجمعيات حماية المستهلك التى تغافلت فى العيد عن طرح هذه المنتجات التى تؤثر على صحة الإنسان بأمراض خطيرة.

من جانبه أشار طارق القيعى- رئيس المجلس المحلى- فى تصريح خاص لليوم السابع أنه سيتقدم فورا ببلاغ رسمى إلى د. سلامة عبد المنعم وكيل وزارة الصحة بالإسكندرية ولاتخاذ كافة الإجراءات اللازمة وسحب المنتجات أو غلق الشركة المخالفة، كما أكد أن السؤال العاجل سوف يناقش صباح الأربعاء القادم بجلسة المجلس الشهرية بحضور اللواء عادل لبيب محافظ الإسكندرية.
محمود التهامي
28-09-2009, 11:51 AM
بعد أن تم استبدال التغليف الداخلى لها فضى اللون الذى يحافظ على سلامة اللبن من التعرض للهواء الخارجى ويجعله فى حالة طازجة بغلاف آخر أسود اللون مصنوع من المادة التى تصنع منها أكياس القمامة السوداء، مما اعتبرها المجلس غير مطابقة للمواصفات.
ههههههههههههههههههههههههه
والله هموت من الضحك

على حد معلوماتي والله ان اللون الاسود دا لمنع تسريب الضوء واشعة الشمس
وللا هو يعني مكتوب عليه كيس زبالة هههههههههه
وكمان هو كل كيس اسود يبقا كيس زبالة
على كدا بقا لو طبقوا عندنا نظام الفرز وبقا عندنا كيس فضي وبرتقالي وازرق مش هنشتري حاجه خالص

وبالنسبة بقا للمية
سؤال واحد بس نفسي اي حد يرد عليه
هو من امتى كان فيه مياه نظيفة وصالحة للاستخدام في مصر كلها سواء معدنية او غيرها
محمود التهامي
28-09-2009, 11:54 AM
وعشان متزعليش مني يا ليون كلامي مش هجوم على موضوعك لكن الواحد بجد زهق من الناس اللي عماله تهاجم في كل حاجه واي حاجه وكل يوم يطلعولنا بمخالفه ومشكلة يشغلونا بيها وسايبين التقيل وراااا
fagrmasr01
28-09-2009, 01:15 PM
المدير عنده حق
لبن اطفال ايه ومياه شرب نقية ايه بس يا ليون
مش فاضل غير كمان نطلب العدل وانتخابات نزيهة
ههههههههههههههههههههه
ليون.. اكياس الدم الملوثة طلع صاحبها براءة
عاوزاهم يحاسبوا بتوع اكياس اللبن؟
fagrmasr01
28-09-2009, 01:21 PM
مديرنا ... متزعلش
اصل احنا اخرنا نتكلم ع الحاجات دى دلوقتى

لان اللى هايتكلم ع التقل الى ورا .. هايروح .. هايروح بورتو مارينا
lionking
28-09-2009, 01:23 PM
وعشان متزعليش مني يا ليون كلامي مش هجوم على موضوعك لكن الواحد بجد زهق من الناس اللي عماله تهاجم في كل حاجه واي حاجه وكل يوم يطلعولنا بمخالفه ومشكلة يشغلونا بيها وسايبين التقيل وراااا


لالالالالا اطلاقا

مفيش زعل ولا حاجة

وبعدين ده انت المدير ( خلينا ماشيين جنب الحيط )

ههههههههههههههههههههههه

طب يعنى يا محمود انت عايز ايه الناس ميكشفوش على المصايب اللى فى البلد ونعمل زى النعام؟؟ احنا من كتر ما بنقلد النعام ...
قربنا نندفن كلنا مش بس راسنا

وع العموم انت منور الموضوع والله والكشف عن الاكياس الملوثة دى مش حاجة وحشة

المطلوب بس من الشعب انه لو فتح الكيس ولقاه كده بلاش يستعمله

وياريت يبلغ ويحاول يكون ايجابى

وخلى اللى يطلع براءة يطلع

المهم ان احنا نتعلم نرفض استعمال بواقى الزبالة او الحاجات المعاد تصنيعها برده من الزبالة

وربنا يعوض عليه فى ال5 جنيه
lionking
28-09-2009, 01:27 PM
المدير عنده حق
لبن اطفال ايه ومياه شرب نقية ايه بس يا ليون
مش فاضل غير كمان نطلب العدل وانتخابات نزيهة
ههههههههههههههههههههه
ليون.. اكياس الدم الملوثة طلع صاحبها براءة
عاوزاهم يحاسبوا بتوع اكياس اللبن؟





ههههههههههههههههههههههههههه

لا يا عم خلينا فى اللبن والمياه الملوثة ......احسن لو اتكلمنا عن الحاجات اللى بالى بالك دى اخرتها وحشة وهنبقى نوتى..

هو بس الواحد بينقل الخبر ده للعلم بالشىء وزى ما قلت لمحمود مديرنا

عشان الناس اللى مكانتش تعرف يبقى اهى عرفت

وكفى الله المؤمنين شر القتال
fagrmasr01
28-09-2009, 01:29 PM
خمسة جنيه ايه الى المواطن يستعوض ربنا فيها يا ليون ؟
هو المواطن معاه كام خمسة جنيه ؟
وليه الدولة مش تحمى المواطن وتاخد موقف؟
الصح ان البهوات الى بيرفعوا قضايا على اى حد يجيب سيرة البلد .. يورونا الشطارة ويتحركوا لمنع البلاوى دى
احنا مهما قاطعنا .. مفروض الاجهزة ليها دور
واللا نرجع تانى نقول

المواطن الى على حق
ميقولش للبلد ف اى حاجة لأ
محمود التهامي
28-09-2009, 01:36 PM
يا جماعه انتو خلاص خليتوها ملوثه لمجرد انها لونها اسود
lionking
28-09-2009, 01:44 PM
حلو اوى الشعار ده يا جمال



المواطن الى على حق
ميقولش للبلد ف اى حاجة لأ



والله شعار هيريح ناس كتير اوووووووووووووى
fagrmasr01
28-09-2009, 01:45 PM
لان الصح يا استاذنا عبوة من ورق الالمونيوم
مش من البلاستيك الاسود لأنه ممنوع عالميا استخدامه فى الاغذية
محمود التهامي
28-09-2009, 02:03 PM
الاسود الممنوع هو اللي من البلاستيك المعاد تصنيعه لان نسبهة الكربون فيه عاليه لكن مش معنى كدا ان كل حاجه سودة تبقا ملوثه بدليل انه فيه اطقم توزيع طعام سوداء
fagrmasr01
28-09-2009, 02:56 PM
الصح هو الصح يا مدير
هل مسموح باستخدام اكياس البلاستيك السودا فى الاغذية ؟
مهما كان مصدرها؟
محمود التهامي
28-09-2009, 03:08 PM
يا جماعه البلاستيك الاسود الممنوع هو بتاع شنط الزبالة اللي عندنا في مصر لانه مصنوع من بلاستيك معاد تصنيعه ويحتوي على نسبة كربون عاليه لكن مش اي بلاستيك اسود يبقا ممنوع ومضر
أدوات التوزيع دلوقتي فيه منها بلاستيك عشان متجرحش التيفال ومعظمها لونه اسود ودي بقا كمان بتتعرض للحرارة فمن باب اولى تبقا هي اشد خطرا

وعموما ابيض وللا اسود البلاستيك كله مضر
ولو على كدا يبقا نبطل اكل كشري ونشتري فول واي حاجه في اكياس او علب بلاستيك
fagrmasr01
28-09-2009, 03:16 PM
بما انى معرفش ادوات التوزيع انها بلاستيك .. يبئا لازم نبحث فيها قبل ما يكون ردى عاطفى
هو الموضوع المعروف للجميع انه ممنوع على مستو ى العالم حفظ الاغذية فى بلاستيك عموما وخصوا اللون الاسود لانه غير نقى

لكن
اشكرك فى كل الاحوال على معلومة ادوات التوزيع
وياريت لو لقيت حضرتك هى بتتصنع من ايه تدعمنا بالمعلومة كما عودتنا دائما