مرايه الحــــــــــــــــب عورة ولا عاميه؟؟

[اميرة حبى انا]

"مراية الحب عامية "
مثل قديم وسمعناه كتير ..... وحديثا ثبت علميا صحة هذا المثل فى دراسة لباحثين بريطانيين في "بونيفرستي كولرج" في لندن والذين أكدوا في بحث لهم أنه بالفعل توجد مناطق في المخ تتوقف عن العمل عند التطلع إلي المحبوب موضحين أن هذه المناطق مسئولة عن التقديرات السلبية.. وقال الباحثون في دراساتهم انه باجراء مسح بالأشعة لمخ امهات شابات تبين أنها تنشط عندما يتطلعن لاطفالهن الرضع بنفس طريق نشاطها
"القرد فى عين امه غزال"


والسؤال الآن هل فعلا مراية الحب عامية وصعب انها تعكس لنا عيوب من نحبهم ايا كانوا
وخصوصا لو كنا نحب ونفكر بقلوبنا فقط ام هى"عورة" بس


وشكرا ، انتظر آرائكم وردودكم

[محمود التهامي]

لأ
مش عورة

ولا عامية






دي عورة وعامية وحولة وطارشة ومكسحة وايه كمان

هههههههههههههههههههههههههههههههههههههههههههههههههه ههههههههه

[اميرة حبى انا]

ههههههههههههههههههههههههههههه
ماشى ياعم الحبيب

[الفارس]

بصراحه مرايه الحب هى كل الانواع الى قولتيها


ودلوقت عرفت ليه


الحاجات الى بتقف عن العمل فى المخ


بس هى بتفضل واقفه على طول ولا بتشتغل تانى


اكيد بتشتغل بعد ما الواحد يدبس فيها


صح كدا


شكرا اميره

[مارو]

المراية إنكسرت
وفي الأخر بيصلحها على حسابه
وهو وحظه بأه

[خلود]

ايوه يااميره مرايه الحب عاميه

اللى بيحب مش بيشوف عيوب حبيبه خالص

وبيتمنى الناس كلها تشوف حبيبه زى ماهو شايفه

مش بيقولوا ( خدوا عيونى شوفوه بيها )

[اميرة حبى انا]

http://www.krtoon.com/upfiles/MEI00533.gif
اشكركم على ارائكم

[هاوي]

مراية الحب مبصرة ان كان الحب غاية .. وعمياء ان كان الحب وسيلة

[هاوي]

حدد الجزء المختفي كي تقرأه

[هاوي]

ولا يصح ان نضع في سياق الحب الصادق اي شئ منقوص ... فلا عمي ولا طرش

[اميرة حبى انا]

بص يا هاوى
المقصود هنا مش عيب فى الحب
لان الحب هو الحب فى كل زمان ومكان
العيب يا هاوى فى اللى بيحب
هل بيحب؟
طيب بيعرف اصلا يحب؟
طب مخلص للحب؟
طب مخلص للى بيحبه؟
طب يستاهل حب اللى بيحبه؟
من هنا يأتى العمى والطرش
ازاى
ان يكون واحد من اللى ميعرفش يعنى ايه حب
وبيلعب بالحب
ويضحك ويمثل على انسانة او انسان ان كان العكس
باسم الحب
والحب برئ من ده ودى
ده المقصود يا هاوى
الانسان او الانسانة
مش الحب
زى مثلا ماحد يقولك الدنيا وحشة اوى او غدارة
لازم ترد عليه تقوله
ربنا مخلقش حاجة وحشة
دى الناس
البشر
اللى عملو فيها كده
وخلو شكلها وحش
انا بشكرك على مشاركتك فى الموضوع

[fagrmasr01]

ربنا مخلقش حاجة وحشة
دى الناس .. البشر
اللى عملو فيها كده
وخلو شكلها وحش

اؤيدك واحييكى وأشكرك يا أميرة
على هذه الكلمات الصادقة

نعيب زماننا والعيب فينا * وما لزماننا عيبٌ سوانا

الله يفتح عليكى ويجازيكى عنا خير

[اميرة حبى انا]

شكرا يا استاذ جمال على الرد
والف شكر على الدعوة الجميلة دى