-- حد يفهمنى عشان مفهمتش :O

[RSS]

دلوقتى عندى سؤال؟!

هى الثوره قامت ليه؟!

:biggrin23::biggrin23:

مش عشان ناخد حقنا ويبقى فى حريه ؟!!!!!!!

:11y:

طيب دلوقتى وانا فى الجامعه ..

كنت واقفه انا وزمايلى قدام باب المدرج مستنين البيه الدكتور لحد مايشرف ..

كنا واقفين تسعه بالظبط .. انا و5 بنات و3 ولاد

بنراجع المحاضرات سوا وبتاع ..

انا و3 بنات مسلمات وولد مسلم .. وبنتين واحد مسيحيه مصريه وبنت مسيحيه صينيه وولدين مسيحين ..

هما دول اصحابى .. :sad: .. اها اصحابى وبفتخر بيهم جدا وبتوحدنا من 3 سنين واحنا مثال فى الجامعه للوحده وعمر ماحد فينا سأل التانى ديانتك ايه..بل بالعكس مره مسمعناش اذان الظهر مارتينا هى اللى فكرتنا وقالت الظهر اذن يا شباب قوموا صلوا :sad:
:sad::sad:

طبعا البنات كلنا محجبات ولبسنا محترم جدا الحمد لله وبنصلى ..
البنات والولاد الاقباط لابسين صلبان ودا العادى ..

لكن عمرنا مابصينا على كدا ..

لكن اتفأجنا ببنت منتقبه " مع احترامى لكل المنتقبات " وولد ..

قربوا لينا وفضلوا يبصولنا كأننا جراثيم :shocking:

وفجأه قربت البنت وحطت ورقه فى ايدى بتاع الدعوه لمؤتمر سلفى تقريبا او حاجه زى كدا فى الجامعه .. انا قولتلها شكرا وحطيت الورقه فى الشنطه..

بصتلى كدا قوى وقالتلى كفره ومردتين شوهتوا صورة الاسلام :shocking:

انا عملت كدا بالظبط :shocking:

قومت ندهلتلها تانى قولتلها تعالى ياحلوه بتقولى لمين كدا ..

قالتلى انتوا .. قولتلها اها وانتى مين بقى؟!

قالتلى انا " فلانه " احنا السلفيين ماشين على هدى النبى " صلى الله عليه وسلم " ياللى متعرفوش عن دينكم حاجه :sad:

قولتلها يابنتى انت هبله؟! عموما ياستى الله يسامحك ..

قامت قالتلى انتوا كفره وواقفين مع كفره زيكم ..

قولتلها تانى الله يكرم اصلك ياستى .. بس عموما اعرفى اخلاق المسلم وتعالى اتكلمى ..

دا كان الصبح .. الضهر بقى واحنا مروحين كنت انا وصاحبتى " مسلمه " وكرولوس ..

بنت تانيه برضو مسكتنا طول الطريق كلام وتهزيق وانتوا مردتين ولعنكم الله وبتاع واحنا منفضين ومش بنرد .. وفى الاخر بقول لزميلى انت شايل العربى ليه مش انت حليت فيه كويس..قالى عشان فى سؤالين كانوا بأيات قرأنيه وانا معرفتش احفظها .. قولتله اها .. طيب ..
وسكتنا .. وبعدين عمو كدا قاعد جنبينا راح سأل كرولوس قاله انت مسيحى يابنى قاله اه .. قال واصحابك مسلمين .. ما شاء الله ربنا يحميكوا لمصر .. راح رد عليه قاله كلنا الهنا واحد وموسى نبى وعيسى نبى ومحمد نبى وكل من له نبى يصلى عليه ..

فقولت عليه افضل الصلاة والسلام .. قامت البنت قالتلى وانتى اصلا تعرفى يعنى ايه اسلام عشان تقولى كدا :sad::sad:

مع التأكيد تانى انى محجبه ولبسى واسع وطويل ..صحيح لا نقاب ولا اسدال .. بس حجابى شرعى جداا دون اى خروج عن الخطوط الحمرا .. ومع العلم بردو انى دايما فى ايدى مصحف عشان بخاف جدا لما ببقى على طريق سفر ..

يعنى شكلى مش ملحد ولا حاجه ..

مع العلم برضو ان من يومين شاب مسيحى قال لكرولوس نفس الكلام وقاله انت مش مسيحى وبهدله جامد عشان بيكلمنا :sad::sad:


هو بقى عيب يا ناس اننا نود بعض .. ولا نسينا اننا اول واخر كلنا مصريين ؟!!!

ليه التعصب والتزمت وشد الحيل على بعض بدل ما نفكر فى مستقبل البلد

حد يفهمنى فى ايه ..

:cry_1: