متخافيش

[fagrmasr01]

لو فى يوم قابلتى قلبى .. امشى عادى ومتخافيش

مش هتحسى فيه بحبى .. ياللا افرحى ومتبعديش


قلبى بعدك .. قلب راحت نبضته

قلب ناسى كل حاجة حتى دقته

امشى عادى مرى جنبه بضحكتك وافرحى ومتحزنيش



انا قلبى مش فاكر كلامك

ولا ابتسامتك ولا سلامك

ولا حتى لمحة من ابتسامك وكمان نسى ازاى يعيش



واوعى تقولى دا قلب قاسى

انتى الى رفضتى احساسى

اتطمنى مش قلب مؤذى .. خلاص نسيكى متهربيش



حتى اشعاره الى كانت منه ليكى

واللى ياما وصفت للعالم عينيكى

ماتت .. حروفها بتحتضر .. ومن بعدك أشعار مفيش



واوعى تقولى فى اى يوم

انك ظالمانى انا مش مظلوم

انا راضى انى اعيش محروم .. بس انتى ماتزعليش


واحسن ختام .. يافرحة الايام

لو فى يوم قابلتى قلبى .. امشى عادى ومتخافيش
مش هتحسى فيه بحبى .. ياللا افرحى ومتبعديش

[خلود]

واحسن ختام .. يافرحة الايام

لو فى يوم قابلتى قلبى .. امشى عادى ومتخافيش
مش هتحسى فيه بحبى .. ياللا افرحى ومتبعديش



الله ياجمال

قمه التضحيه من اجل الحبيب

انه يفضل يعيش محروم من حبها

جميله يامبدع وكلها احاسيس بجد

[afifi mustafa]

مبدع وبتكتب اللى نفسك فيه ومفيش عند حواجز .

عفيفى

[وردة الايمان]

[قلبى بعدك .. قلب راحت نبضته

قلب ناسى كل حاجة حتى دقته

امشى عادى مرى جنبه بضحكتك وافرحى ومتحزنيش




الكلمات صادقة بدرجة عالية ...
والتعبير عن إحساسك قوى ومؤثر,,
انا قلبى مش فاكر كلامك

ولا ابتسامتك ولا سلامك

ولا حتى لمحة من ابتسامك وكمان نسى ازاى يعيش




أ. جمال
أريد أن أعلق على شىء محدد وهذا بالطبع مجرد تعليق وليس نقد ,,
وسأضيف تعليقى بعد هذه الفقرة ,,
واوعى تقولى دا قلب قاسى

انتى الى رفضتى احساسى

اتطمنى مش قلب مؤذى .. خلاص نسيكى متهربيش




أ . جمال
بعد قرائتى للشعر وجدت فية بعض الاحاسيس المختلفة بعض الشىء,,
فمثلا فى إحدى الفقرات كان هناك إحساس التضحية واضح بشكل كبير وفى فقرة أخرى إنقلب هذا الإحساس إلى ظلم كبير وفى فقرة أخرى كان إحساس الإستسلام بل والرضا بهذا الفراق ,,,
كما قلت سابقا هذا ليس نقدا ((فمن أنا حتى أنقد الفنان الكبير))
وفى النهايه ...أشكر الشاعر الكبير على هذا الشعر المتميز ,,,
***وردة الايمان***

[دعاء الكروان]

لو فى يوم قابلتى قلبى .. امشى عادى ومتخافيش

مش هتحسى فيه بحبى .. ياللا افرحى ومتبعديش


قلبى بعدك .. قلب راحت نبضته

قلب ناسى كل حاجة حتى دقته

امشى عادى مرى جنبه بضحكتك وافرحى ومتحزنيش


كلماتهاجميلةجدا سلمت يداك

http://m002.maktoob.com/alfrasha/ups/u/27517/31924/398868.gif

[fagrmasr01]

الله ياجمال
قمه التضحيه من اجل الحبيب
انه يفضل يعيش محروم من حبها

جميله يامبدع وكلها احاسيس بجد



سعادة الشاعر هنا من انه فقط يريد محبوبته ان تطمئن وتهدأ ولا تخاف ... وذلك حتى تتواجد ولو مجرد التواجد ... وان تمر ولو فقط مجرد المرور امامه ليراها
لانه بيحبها حب اقوى حتى من حب انه يمتلكها
ويريد ان يطمئن عليها ولو بمجرد المرور

شكرا خلود للمرورك وتعليقك الجميل
ربنا يبارك لك
آمين

[fagrmasr01]

مبدع وبتكتب اللى نفسك فيه ومفيش عند حواجز .
عفيفى


شكرا عفيفى على المجاملة الحلوة دى
ربنا يخليك يا صديقى الشاعر

[khaled118]

لو فى يوم قابلتى قلبى .. امشى عادى ومتخافيش
مش هتحسى فيه بحبى .. ياللا افرحى ومتبعديش



الكلام جميل ولكن يوجع القلب ده لو فى يوم قابلتى قلبى ... أمشى عليه وماتخفيش

[fagrmasr01]

[
أريد أن أعلق على شىء محدد وهذا بالطبع مجرد تعليق وليس نقد
,,
بعد قرائتى للشعر وجدت فية بعض الاحاسيس المختلفة بعض الشىء,,


فمثلا فى إحدى الفقرات كان هناك إحساس التضحية واضح بشكل كبير وفى فقرة أخرى إنقلب هذا الإحساس إلى ظلم كبير وفى فقرة أخرى كان إحساس الإستسلام بل والرضا بهذا الفراق ,,,
كما قلت سابقا هذا ليس نقدا ((فمن أنا حتى أنقد الفنان الكبير))
وفى النهايه ...أشكر الشاعر الكبير على هذا الشعر المتميز ,,,

***وردة الايمان***



وردة الايمان
فى البداية اشكرك جزيل الشكر على مجاملتك الرقيقة لشخصى البسيط - فعلا وليس تواضعا -

أما التسلسل الذى أوردته هنا فقد كان تصاعيداً بدأ من محاولة الشاعر بابلاغ محبوبته ان تتطمئن ولا تخاف منه
وهذا بسبب شدة الحب حتى اننى اطمع فقط فى ان اراها تمر ولو مجرد المرور والتواجد
ثم يؤكد لها ان قلبه - الذى فقد بفراقها حتى نبضاته - يؤكد نسانه لصوتها وضحكتها وحتى ابتسامتها .. وطبعا تكرار هنا للتأكيد على ان القلب لم ينسى ولن ينسى
ثم يحاول المحب ان يؤكد استسلامه وقبوله للأمر الواقع حتى تتطمئن لكى يقنع محبوبته ان تمر حتى لو من غير ما تتكلم معاه


ومن شدة حب المحب لمحبوبته يذكر لها انه حتى مش حاسس انها ظالماه وذلك حتى يريحها من أى تأنيب للضمير حتى لا تكون عودتها اليه من باب الشفقة

وردة الايمان.. أسعدتنى مداخلتك
واشكرك جزيل الشكر على اتاحة الفرصة لى لشرح ما يقولون عنه احيانا .. ان المعنى فى ضمير الشاعر

ربنا يبارك لك
آمين

[fagrmasr01]

دعاء
الف شكر على اهتمامك
والف شكر على تشجيعك لما اكتب
ربنا يبارك لك
آمين

[fagrmasr01]

الكلام جميل ولكن يوجع القلب ده لو فى يوم قابلتى قلبى ... أمشى عليه وماتخفيش


خالد
متشكر جدا لمرورك وتقديرك انه كلام جنيل
وبرغم انه فعلا يعبر عن وجع القلب
لكن هو محاولة للتعبير عن ما بداخل القلب من الوجع الذى لم تستطع حتى ان تعبر عنه الكلمات

[lionking]

طبعا قمة الروعة والجمال والابداع

بس انا مش فاهمة

ايه بئه

الشاعر هنا بيضحى لاجل حبيبه ام انه ظالم لهذا الحبيب ام ان الحبيب هو الظالم ؟؟

طبعا اعتذر عن هذا الراى لكن بسماحة ورجاحة عقلك الكبير اكيد ممكن تفهمنا
وفى النهاية لا املك الا ان اقول

انها رائعة من روائع جمال شاعر المنتدى

[fagrmasr01]

طبعا قمة الروعة والجمال والابداع
بس انا مش فاهمة
ايه بئه
الشاعر هنا بيضحى لاجل حبيبه ام انه ظالم لهذا الحبيب ام ان الحبيب هو الظالم ؟؟
طبعا اعتذر عن هذا الراى لكن بسماحة ورجاحة عقلك الكبير اكيد ممكن تفهمنا
وفى النهاية لا املك الا ان اقول
انها رائعة من روائع جمال شاعر المنتدى

متشكر مرتين يا ليون
الاولى لمرورك ومجاملتك لكلماتى ولشخصى الضعيف
والتانية لطرح السؤال

اما الشاعر ( اللى من المفترض انه هو انا هنا ) فهو من شدة حبه بيحاول يخللى محبوبته تمر من جنبه ولو مرور لانها بتوحشه جدا
وعلشان يقنعها بيقول لها ان قلبه مات وبطل يدق ، عشان تتطمن وتمر .. لانها لما تمر هاينول سعادة انه يشوف مرورها ويرتاح
والشاعر هنا من قوة وعمق وصدق حبه راضى بالمقسوم وبالقليل ، وبيتمنى ولو انه بس يشوفها وهى بتمر من جنبه
وبيقول لها انه مش حاسس انه مظلوم منها .. وانها مش ظالمة ولا حاجة .. عشان خايف عليها حتى منن انها تحس انها ظلمته .. لانه مش عايزها تتضايق ولا حتى عشانه

اتمنى اكون فسرت

على فكرة انا سعيد جدا ومن زمان كنت نفسى نفتح ركن للشرح والنقد فى كل الشعر الابداع والمنقول والقصة والنثر
لان المناقشات والحوار بيفتح آفاق ثقافية رائعة عندما ندخل الى داخل عقل ولب الشاعر ونحاول ان نكتشف مصادر الالهام فى كلماته

اشكرك جزيل الشكر
ربنا يبارك لك
آمين
:36_3_12[1]: