عايزة اتكلم معاكم

[اميرة حبى انا]

عايزة اتكلم معاكم
الموضوع ولا منقول ولا مكتوب بطريقة منظمة كل الحكاية انى هقول اللى جوايا وياريت كل واحد يقول رايه
الموضوع انى تعبت جدا بجد تعب نفسى فظيع تعب سد نفسى عن الضحك عن الهزار عنى اى حاجة حتى عن الردود اللى بنقصد بيها نضحك مع بعض
تعبت من القتل والدبح والدم اللى غرق الدنيا
تعبت من الاطفال اللى ميعرفوش ربهم مين حتى وماتو من غير ذنب
تعبت من ناس سهرانة بتسكر وبترقص وبتضحك عمال على بطال
وناس عايشة فى نار وخراب ودمار
تعبت من قناة الساعة واللى عملاه سابت كل حاجة وجايبة حاجات محدش بيذيعها جايبة صور لعدد من الاطفال غير اللى شفناه ماتوا
حتى يقولى
حد يرد
ماتو ليه؟
الولد ده راح من امه ليه؟
طب الام دى راحت من ولادها ليه؟
طب العريس ده راح من عروسته ليه؟
طب العروسة دى كان فرحها بعد يومين؟
ليه ؟وليه؟ وليه؟ وليه؟؟؟؟؟؟؟؟؟؟؟؟؟
مليون ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وايه الحل؟
مافيش حل!
عايزة حل عشان ارتاح
هندعى
حاضر هدعى
هنقاطع منتجات
هقاطع كل حاجة
هنزعل
هموت من الزعل
هنبكى
هعيط بدل الدموع دم
بس كفاية كفاية كفاية
مطلوب من الشعوب العربية تتحرك
طب تتحرك تعمل ايه نبعت ولادنا يموتو ونعيش من غير احبابنا وكل واحدة جوزها يسيبها
مافيش فى ايدى حاجة غير
الحل من عندك يارب
افرجها من عندك يارب
حسبى الله ونعم الوكيل
حسبى الله ونعم الوكيل
حسبى الله ونعم الوكيل

[نور]

يالهووووووووى انا مش عارفه ارد عليكي اقولك اية
بس والله كلنا حسين اللى انتي بتقولي عليه بس ياريت كان فايدينا حاجة مكتش حد اتاخر وانتي عارفه

[محمود عبد الله]

لا مفر من الحرب
جاية جاية
و انشاء الله هننتصر

[اميرة حبى انا]

ايوة يعنى مين اللى هيحارب
انت
ابنى
جوزى
اخويا
وبعدين بقى

[محمد المصري]

الحل من عندك يارب
افرجها من عندك يارب
حسبى الله ونعم الوكيل
حسبى الله ونعم الوكيل
حسبى الله ونعم الوكيل

[محمود عبد الله]

هوا ده اللى هيحصل
صحيح حكومات عربية كتييير بتهرب من ده حفاظا على شعبها
لاكن فى الاخر كلنا هنحارب
و بعدين متنسيش ان الدنيا رحلة
و الاخرة انشاء الله الحياه فى النعيم الابدى لينا كلنا يارب
و يارب ياستى تكونى اولنا
اهه دعوة من عندى كادو

[محمود التهامي]

لسة بدري يا اميرة

ارجعو لديننا هتعرفو انه لسه بدري

يمكن احفادنا يكونو في نفس موقفنا دا دلوقتي

لسه فيه سلاح ولسه فيه حكومات ولسه فيه خير اه مش كتير بس فيه

ولسه فيه ناس بتدعي وناس بتصلي الفجر وناس عارفه ربنا وناس بتغض البصر وناس بتسمي قبل ما تاكل


متخافيش على ابنك او اخوكي او جوزك

لاننا ما نتخلص من خوفنا دا هنوصل لحقنا

يوم ما نبطل نقول عندنا عيال عايزين نربيهم هنوصل لحل

جولدا مائير قالت عمرنا ما هنخاف من العرب المسلمين الا لما يكونو كل واحد منهم بيصلي الفجر حاضر

ربنا وعدنا بالنصر عليهم لكن لسة

لسة شوية عليهم

وإن وعد الله لحق

[محمود عبد الله]

قطعت ايدى من التسقيف يا راجل
100/100
100/100

[اميرة حبى انا]

جولدا مائير قالت عمرنا ما هنخاف من العرب المسلمين الا لما يكونو كل واحد منهم بيصلي الفجر حاضر
يبقى عمرهم ماهيخافوا
وعمرنا ماهنرتاح

[fagrmasr01]

نعم .. ان وعد الله حق
وان كنا نريد نتيجة لحياتنا غير الى احنا عايشين فيها
يبقى لازم نغير طريقة تفكيرنا بطريقة غير الى بنفكر بيها
والتغيير باذن الله قادم ولكن .. نقطتين اولهما وجوب ان نتغير وان نعود الى الله عز وجل
وهنا لابد ان نتذكر قول الله سبحانه وتعالى
بسم الله الرحمن الرحيم ((ان الله لا يغير ما بقوم حتى غيروا ما بأنفسهم )) صدق الله العظيم

والنقطة الثانية ، من وجهة نظرى المتواضعة ، هى تتلخص فى قول الله تعالى
بسم الله الرحمن الرحيم ((ومن أعرض عن ذكرى فإن له معيشة ضنكا ... )) صدق الله العظيم
وهذا هو الضنك الذى نحياه من خوف وقلق وفقر لبعدنا عن ربنا
نصر الله قادم بإذن الله
اللهم ثبت قلوب اهلنا المصابين واهالى الشهداء
وعاونهم يارب فى ازالة آثار العدوان
وساعدنا يارب ان نعود اليك .. اللهم ردنا اليك رداً جميلاً
آمين

[اميرة حبى انا]

ساعدنا يارب ان نعود اليك .. اللهم ردنا اليك رداً جميلاً
امين
شكرا يااستاذ جمال