شكل جديد

[الرومنسى]

موضوعى انهاردة بشكل جديد
مش هكتب ولا أقول كلام
ولا نقل أخبار
ولا ههاجم حد
ولا حد يهاجمنى
وانا موجود ف ى قلب الثورة هنا
مش هدخل النقاشات
ولا قلم الأعضاء
حد يجاوبنى
ما معنى الثورة من وجهه نظرك الشخصية ؟
مش عاوز من الكل غير رد السؤال دة وسؤال صغير كمان
وما الداعى لها وما المراد منها وما تتمناه من ثورة 25 يناير ؟

[nouran_111]

انا شخصيا يا رومانسي
برغم من تواجدى على الفيس بوك
مع جماعة 6 ابريل
وكلنا خالد سعيد
وهم اكثر من نادوا وخططوا للثورة الا انى لم اشارك فيها
وبرغم ان الحماس اخذنى احيانا وكنت ارغب في النزول
ويمكن بالفعل نزلت ميدان التحرير ولكنى لم اشاراك من قريب او بعيد
لانى على يقين ان الله لا يغير ما بقوم حتى يغيروا ما بأنفسهم
ولان الثورة حققت ما تريده ولكنها سلبت من الشعب اهم شيء وهو عامل الامان

[الرومنسى]

لست معك للنهاية نوران
ما تحقق للثورة مجرد خلع النظام وليس ما تريدة
ولو كانت فكرة الثورة هى القضاء على النظام دون الاصلاح فهو خراب
من بينها عامل الامان
ولكن ما نحاول إدراكه الان تجاوز السلبيات الكثيرة
من فعل ومن نفذ وكم الاضرار نعيها ولكن بعد الاصلاح
العمل الذى ينجز أوفر وأكسب من شئ متاح بسهولة ولا يكتمل

[nogafoda]

والله يا رومانسي انا تعبت من كتر مسالت السوال ده
وكل مره بلاقي هجوم كبير جدا
انتي ازاي تقولي كده كان عجبك الزل الي كنا عايشين فيه
بقالك كام سنه متخرجه من الجامعه ومش لاقيه شغل
ولما عاملتي الحادثه وملقتيش مستشفي يعالجك
ولما بتمشي في طرق كلها مطبات وحفر
وبتاكلي اكل مسرطن
ودخلي ولادك مدارس خاصه نظرا لسوء التعليم العام
وووووووووووووووووووووووووووووووووو
يارب تكون الثوره هتغير الحاجات دي كلها
مش هيمشو شويه حرميه شبعو علشان يجي حرميه جداد يبدءو سرقه من الاول

[الرومنسى]

دا اللى بنتمناه يا نوجا
فيه حاجة اساسية
أن الثورة أنقلاب جوهرى فى حياة الفرد والمجموعة تنهى نظام كان يسودة الفساد لتأسس نظام جديد يكون أساسة العدل والفكر والتطور وضحد كل المساوئ السابقة من هنا نجد أن الثورة وعى بمجتمع وظروف كاملة تحول الأفراد من إنهزاميين ومستسلمين الى جماعة منتجة متطلعة لمستقبل يسودة الديمقراطية والحرية
لذا
فإن الثورة هنا كطريق تعبر عليه الشعوب الى الأستقلال وليست مجرد إنقلاب على نظام دون تأسيس نظام جديد كان هو الهدف من البدايه
وهنا تغير الثورة أفكار الشعوب والفراد ليخرجو من الفكر الانهزامى الى فكر جديد يعى ويدرك أن المستقبل أهم من النوم فى حقبة سابقة
بمعنى
أن النظر لتحسين الحالة الأجتماعية للأفراد والشعوب أساس صحى يؤدى الى نجاح مستمر
أما مجرد وقوفنا عند كلمة ثورة وننتظر بعدها للسباب والشتائم والنزاع فى حكم بائن فهو فهشل للعقول قبل فشل الثورة فالثورة جامعة فى حالة ترتيبها وقاصرة فى فوضويتها
شكرا نوجا على تواجدك الكريم