مبارك بيهددنا يااميرة و ياخلود مبارك بيهددنا يامحمد و يامحمود

[فريد]

مبارك بيهددنا يااميرة و ياخلود
مبارك بيهددنا يامحمد و يامحمود
بخطاب صريح وكلام واضح فاضح
ان الشعب قال عليه كلام جارح
و اتكلم بس على الفلوس
و مجبش سيرة البشر و النفوس
مقلش حرف عن الشهداء
و لا دموع الامهات و الاباء
بس كان الدرس الاول
قصدى الشريط الاول عن الاخلاق
و اظن يعنى هانعيش فى القصة دى كتير
كل شوية يطلع علينا بشريط و تفسير
و يقولنا اننا غلطنا فى سعادته غلط كبير
وقال مسينا شرف العيلة
ممكن اقولك كلمة تقيلة
صعب عليه اقولها بجد مع انى واحد من الشعب
الشعب الا زليته سنين بشرطة جبانة و قانون صعب
الشعب الا انا متاكد انه كان كان بيحبك من القلب
كان يامبارك كان
زى حكاوى زمان
مبقاش يجيى منه
و خلاص استغنينا عنه
من بعد ماعرفنا انه
انه ايه و ايه و ايه
طلعتوا عصابة يابن الايه
قال و يقولوا البيه البيه
طيب هيه و هيه و هيه
البيه راح البيه جيه
تلاتين سنة مشبعتش ليه
وجبت معاك ووراك طوفان
عملوا جروح و دموع و احزان
خلفوا ارامل يتمى و شهدة
و كل العالم كانت شاهدة
و كل كلامك ملهوش فايدة
لوخليت صوبعك قايدة
ايامك يامبارك مهش عايدة
الا بينا و بينك راح
انت خلاص مبقتش متاح
كان بنا الم بقى بنا جراح
اقعد بقى و استنى مسيرك و مسيرك اهو جه
اما انا معلش هاسيبك و هاقول لا اله الا الله
فريد عنانى

[الرومنسى]

جميل كعادتك فريد
ولكن المعادلة كاملة الاضلاع لو نقص منها عنصر أنهارت جميع العناصر
وكما نذكر دائما
إنما الأمم الأخلاق ما بقيت *** إن هم ذهبت أخلاقهم ذهبو
لكنك مبدع دائما
ولك بعض الحق

[محمد المصري]

جميلة يافريد

كالعادة تبدعنا بكلماتك الجميلة

وفعلا خلاص زى ما قلت اللى بيننا كان الم لكن دلوقت بقت جراج وجراح كبيرة كمان

[مصطفى مامون]

طب يبقى يهدد كده وشوف مين هيسمع او هينفذ
جميله افكارك فريد دائماً ودائماً ما تمتعنا ودائماً ما اوافقك رايك

[قموره]

قصيده رائعه جدا استاذ فريد

وخليه يهدد براحته

هو بقى قليل الحيله ياولداه

واهو بيفرفر قدامنا اهو

اللهم لا شماته

اللى كان عمره ما هيرجع يامبارك وهتشرف جمب اصحابك قريب اوى

[nouran_111]

اولا اهنئك استاذ فريد على سيل الابداع سلم لنا قلمك
لكن مش عارف جوايا احساس مختلف
المهم ربنا يستر

[فريد]

جميل كعادتك فريد
ولكن المعادلة كاملة الاضلاع لو نقص منها عنصر أنهارت جميع العناصر
وكما نذكر دائما
إنما الأمم الأخلاق ما بقيت *** إن هم ذهبت أخلاقهم ذهبو
لكنك مبدع دائما
ولك بعض الحق



على فكرو يارومنسى
انا زهقت منك
و هابلغ عنك انك من فلول النظام
و شوف بقى الجيش هايعمل فيك ايه
و على فكرة اوعى تجيب اسمى انا معرفكش
ههههههههههههههه

[فريد]

جميلة يافريد

كالعادة تبدعنا بكلماتك الجميلة

وفعلا خلاص زى ما قلت اللى بيننا كان الم لكن دلوقت بقت جراج وجراح كبيرة كمان






اشكرك يامحمد
و فينك ياعم من زمان
واحشتنا ردودك
و فعلا بقت جراح كبيرة جدا
و حاجات اكتر من الجراح
ربنا يسامحه بقى

[فريد]

طب يبقى يهدد كده وشوف مين هيسمع او هينفذ
جميله افكارك فريد دائماً ودائماً ما تمتعنا ودائماً ما اوافقك رايك


ههههههههههههه
على رايك يامصطفى مين هايسمع
ربنا يكرمك يادرش
افكارى ليست كافاكارك الرائعة
انا لسه مبتدىء

[فريد]

قصيده رائعه جدا استاذ فريد

وخليه يهدد براحته

هو بقى قليل الحيله ياولداه

واهو بيفرفر قدامنا اهو

اللهم لا شماته

اللى كان عمره ما هيرجع يامبارك وهتشرف جمب اصحابك قريب اوى



فعلا اهم حاجة
اللهم لا شماتة
و ربنا يسامحه
و كفايه عليه
انا هايسجن
هو نجليه
زوجته
و حاشيته
اللهم لا شماته
شكرا على ردك و تواجدك

[فريد]

اولا اهنئك استاذ فريد على سيل الابداع سلم لنا قلمك
لكن مش عارف جوايا احساس مختلف
المهم ربنا يستر

اشكرك يانوران
و نفسى تتخلصى من عقدة الرومنسى دى
ربنا هايستر ان شاء الله
وكل شيء سيكون بفضل الله الى الافضل
المهم
احنا فين ليه لسه عايشين التشاؤم و الوهم
ليه مبتدنيش نعيش الحلم الا اصبح حقيقة

[خائفة من شئ ما]

جميلة يا استاذ فريد
لازم نديلة على قد السنين اللى قعدنا من غير شغل وتعبنا قوى قيها ولازم يتحاكم حتى لو مش هنطول لقمة العيش بعد كدة

[فريد]

جميلة يا استاذ فريد
لازم نديلة على قد السنين اللى قعدنا من غير شغل وتعبنا قوى قيها ولازم يتحاكم حتى لو مش هنطول لقمة العيش بعد كدة



بصى هارد عليكى بردك
بصراحة عجبنى جدا جدا

حتى لو مش هنطول لقمة العيش بعد كدة

لا تعليق
اشكرك على الرد

[AFIFI MOSTAFA]

انت حكاية كبيرة يا فريد ( تسلم الف مرة )

[فريد]

انت حكاية كبيرة يا فريد ( تسلم الف مرة )

ياعم عفيفى لا حكاية كبيرة و لا حاجة
ده نتاج الثورة و تاثيرها
تسلم و اوعى تغيب تانى