المساعد الشخصي الرقمي

مشاهدة النسخة كاملة : ارجع يا ريس.. مش لاقيين اسم لمحطه رمسيس في المترو


خلود
07-04-2011, 01:48 PM
أجمل نكات الفيس بوك تطالب بعودة مبارك

مصر

أنشأ مجموعة من الشباب عدد من الصفحات علي الفيس بوك بعنوان إرجع يا ريس علشان‏ تطالب بعودة الرئيس السابق حسني مبارك مرة أخري إلي الحكم‏، والتي اشتملت علي العديد من الاسباب التي لا تخلو من الحس الفكاهي المصري وكانت الأسباب التي ذكرت بحسب التقارير الاخبارية كالآتي‏:‏
ارجع ..كنت حامينا من وجع الدماغ و قولة اة و لأ
ارجع .. انا اكتشفت ان ليه صوت
ارجع ..جوزي هتجري في ايدة الفلوس و ممكن يتجوز عليا
ارجع يا ريس.. قبل العيد عشان نعرف نقول عيد مبارك
ارجع يا ريس.. مش لاقيين اسم لمحطه رمسيس في المترو
ارجع يا ريس‏...‏ تقريبا نسيت نور الصالون في القصر مفتوح
ارجع ..لحسن شكلك هيبقي وحش قدام السادات و ناصر لما يسألوك مشيت ازاي؟
ارجع يا ريس‏..‏ وحشنا ابنك جمال
ارجع ..عشان ننزل التحرير تاني وناكل كنتاكي
ارجع‏..‏ بقوا يطبخوا ع الفحم في اسرائيل
طب ارجع يا ريس.. واللي اتفرم يتصلح
ارجع يا ريس‏...‏ شارع صلاح سالم بقالو كتير مابيوقفش
ارجع يا ريس دكاترة الضغط والسكر والقلب مش لاقيين شغل
طب ارجع عشان تامر حسني‏..‏ أو تامر أمين‏..‏
ارجع يا ريس انا بقيت بتكلم في السياسة براحتي
ارحمنا وارجع بقي‏...‏مين اللي هيغير اسم‏ 620 الف مشروع ومدرسة باسم سعادتك؟
ارجع يا ريس ..شكلنا هنبقي من الدول المتقدمة
ارجع بقي.. ده حتي هالة سرحان رجعت‏، يرضيك كده يعني؟؟
يا ريس ارجع.. انا خايف رغيف العيش يكبر وأنا ناوي اعمل دايت
ارجع بجد‏ دلوقتي لما مبيعجبناش وزير بيتغير‏، المسئولون اتبهدلوا من بعدك‏!‏
ارجع يا ريس‏، الإخوان بقوا بيطلعوا في التليفزيون الحكومي
طب بص‏..‏ بلاش انت ترجع‏..‏ بس جمال وعلاء ضروري يرجعوا قبل رمضان‏..‏ هنعمل الدورة الرمضانية ازاي من غيرهم؟
الرومنسى
07-04-2011, 02:48 PM
افهم يرجع ازاى
لما يسبها يبقى يرجع
ممكن نبطل احلام وردية
فريد
07-04-2011, 03:04 PM
ههههههههههههههههه
لذيذة النكت ياخلود
ارجع ياريس بقينا نكتب اسمنا فى النت
ارجع ياريس العيال فى البيت عاملين مظاهرة لتغيير الاباء
ارجع ياريس مراتى بتفتش المحفظة فى الفجر بدل امن الدولة
ههههههههههههههههههههه
و سلامى للحاجة سوزان فى كل شارع و حارة و مدرسه
و ميدان
خلود
07-04-2011, 06:30 PM
ارجع ياريس مش مصدقه ان حوافزى زادت

ارجع ياريس فيه شقق بتتوزع على الناس

ارجع ياريس مش خايفين نكلم فى التليفونات وننم عليك

هههههههههههه

خايفه نخد على العز ده

يوووووه برده بنقول عز

مش بقول مش واخدين
فريد
07-04-2011, 06:52 PM
يلى كنت مريحنا و مهنينا
و لا بنفكر فى اى فلوس تجينا
و بامن الدولة تبلينا
و مجوعنا و مشفينا
ايه مشفينا دى
خلود
07-04-2011, 07:23 PM
مشفينا دى جايه من اللحمه اللى بتتشفى

شكلك لسه مش اتغديت يافريد وجعان

ههههههههههه
الرومنسى
08-04-2011, 12:58 PM
جميلة يا خلود
خفة دم المصرى مش هتسيبو
بس احنا كنا بنطلع نكت زمان على حسنى والسادات
واللى نستو عم عثمان
nouran_111
08-04-2011, 04:40 PM
ان شر البالية ما يضحك
رحل حسنى وكليو الطماطم بــ 2 جنيه دلوقتى بقت بـــ 9 جنيه
نجلاء
10-04-2011, 12:21 AM
موضوع جميل جدا زيك ياخلود

هههههههههههههه

بس تصدقى كله صح وفى المظبوط