المساعد الشخصي الرقمي

مشاهدة النسخة كاملة : المصرى الى على حق



fagrmasr01
15-09-2009, 05:25 PM
كل سنة وانتم طيبين
أكيد ناس كتير مننا شافوا الحملة الاعلانية الخاصة بالمحافظة على القطارات
الحملة اللى شعارها

المصرى الى على حق
يقول للغلط لأ

هى طبعا حملة هدفها خير البلد وتحفيز المواطنين

نفسى اشوف رأيكم بصراحة

هل لو شاهدت واحد بيقطع الكرسى بمطواة .. هاتتصدى له وتقول له لأ
او لو واحد معاه شاكوش وبيكسر .. هل هاتتصدى له؟

هو مجرد سؤال
اتمنى انى بجد أعرف رأيكم

وأتمنى المشاركة من خلال الرد على الاسئلة التالية :
* ما هى الايجابيات فى الحملة من وجهة نظرك ؟
* ما هى السلبيات فى الحملة من وجهة نظرك ؟
* هل تتصدى حالياً لمن يخرب المال العام ؟
* هل تأثرت بالاعلان وقررت تغيير موقفك والمشاركة فى حماية المال العام مهما كان الشخص المخرب ؟

اشكركم مقدماً على المشاركة فى موضوعى

وكل عام وانتم طيبين
كل عام ومصر كلها بخير وسلام

lionking
15-09-2009, 10:32 PM
موضوع قيم جدا وقوى جدا يا جمال

وانا سعيدة انى اول المشاركين فيه

بس قبل ما اجاوب عندى سؤال

هو المصرى اللى بيقطع بالمطواة واللى بيخبط بالشاكوش ياترى بيعملوا كده ليه؟؟
:1 (11):
هما معندهومش انتماء ولا ايه؟؟؟
:1 (11):
مش بيحبوا البلد ؟؟؟ ميعرفش يعنى ايه وطن ؟؟ ولا مش فاهم كلمة مواطنة ؟؟؟ ولا مايعرفش حقوقه وواجباته تجاه البلد اللى عايش فيها؟؟
:1 (11):

معلش شوية اسئلة بايخة بس هجاوب على اسئلتك لما تقولى دول بيعملوا كده ليه؟؟

يعـــــــنى

لــــــــــــــى عودة ان كان فى العمر بقية
وكل سنة وانت واهلنا ومصر كلها بخير

:36_3_12[1]: :36_3_12[1]: :36_3_12[1]:

fagrmasr01
16-09-2009, 01:19 AM
ههههههههههه
لا طبعا معندهمش اى انتماء
ويمكن السبب هو الجهل او قلة الوعى والتعليم
اللى بيحب بلده وعنده انتماء ووعى بيحافظ عليها

ممكن بئه اسمع رأيك
ورأى الأعضاء الكرام فى الحملة الاعلانية
انتظر رأيك ورأى الجميع

lionking
16-09-2009, 01:31 AM
وأتمنى المشاركة من خلال الرد على الاسئلة التالية :
* ما هى الايجابيات فى الحملة من وجهة نظرك ؟
انا شخصيا مش شايفالها غير ايجابية واحدة
وهى ان الشعب مش عاجب اصحاب الحملة الاعلانية
* ما هى السلبيات فى الحملة من وجهة نظرك ؟
يعنى لو فى حد نفسيا غير سوى او عنده داء العبل والبلاهة المنتشرة اليومين دول هههههههههه يبقى هيقلد اللى شافه
* هل تتصدى حالياً لمن يخرب المال العام ؟
لا طبعا لانى لو حاولت اتعامل مع انسان بالاخلاقيات دى اكيد هسمع من المنقى ...............
* هل تأثرت بالاعلان وقررت تغيير موقفك والمشاركة فى حماية المال العام مهما كان الشخص المخرب ؟

ممكن اشارك بس باى اسلوب غير انى اتكلم وجها لوجه مع عقليات بالمستوى ده


بس على فكرة عجبنى رايك اوى

آل طبعا معندهومش انتماء

دى ناس وحشة

هما ايه مشربوش من النيل ولا ايه

:50 (13): :50 (13): :50 (13):

اميرة حبى انا
16-09-2009, 01:31 AM
* ما هى الايجابيات فى الحملة من وجهة نظرك ؟
الايجابيات انها نبهت الناس يتصرفوا تجاه المواقف دى بايجابية
* ما هى السلبيات فى الحملة من وجهة نظرك ؟
الحملة لها هدف كويس مش عارفة ان كنتوا شايفين ان ليها سلبيات ولا ايه
* هل تتصدى حالياً لمن يخرب المال العام ؟
لسه مش صادفت حد بيعمل كده
* هل تأثرت بالاعلان وقررت تغيير موقفك والمشاركة فى حماية المال العام مهما كان الشخص المخرب ؟
اكيد اذا شفت حد بيعمل كده هحاول انصحه عشان يمتنع
شكرا على موضوعك فجر مصر

fagrmasr01
16-09-2009, 01:50 AM
شكراً يا ليون على مشاركتك التى تعطى للموضوع حيوية

شكراً أميرة على مشاركتك القوية

أنتظر رأى باقى الأعضاء الكرام

وأسئلتى ليست فى صف الحملة وليست ضدها
انما العالم كله بيعمل حاجات زى كده بيسموها استقصاء للبحث فى الايجابيات لتدعيمها وفى السلبيات لتلافيها

انتظر واتمنى مشاركة الجميع بالتقييم
:36_3_12[1]:

خلود
16-09-2009, 01:53 AM
حاضر استاذ جمال هقول رأيى

ما هى الايجابيات فى الحملة من وجهة نظرك ؟
الايجابيات انها عرفت الناس ممكن يتصرفوا ازاى تجاه ناس بتتصرف بالشكل اللى شفناه كلنا
* ما هى السلبيات فى الحملة من وجهة نظرك ؟
الحملة لها هدف كويس وهو توعيه الناس يبقى ازاى فيه سلبيه ومظنش حد هيقلد تصرف زى اللى شفناه ده ابدا
* هل تتصدى حالياً لمن يخرب المال العام ؟
لا لسه مصادفتش حد بيعمل كده
ولو حصل اكيد هحاول
* هل تأثرت بالاعلان وقررت تغيير موقفك والمشاركة فى حماية المال العام مهما كان الشخص المخرب ؟
طبعا تأثرت ولو صادفت اللى بيعمل كده هحاول وياه

شكرا على الموضوع فجر مصر

fagrmasr01
16-09-2009, 02:19 AM
حاضر استاذ جمال هقول رأيى

شكرا جزيلا على المشاركة بالرأى يا خلود
وجميل جدا ان تكون موجودة القناعات الايجابية دى
وكلنا نتمنى انتشار هذه القناعات فينا جميعاً
أكرر شكرى وكل عام وانتى بخير يا خلود

:36_3_12[1]:

fagrmasr01
16-09-2009, 02:37 PM
اتمنى مشاركة عدد اكبر من الأعضاء بالرأى
سواء مدعم للفكرة بكاملها وبالطريقة التى تمت بها
أو مدعم لها بصورة جزئية ( جزء أو أجزاء )
او حتى لو رافضها بالكامل

اتمنى رأيكم ومشاركتكم
جمال

محمود التهامي
16-09-2009, 04:12 PM
أولا بس قانون الطوارق هههههههههههههههه قصدي الطواريء قلل حكاية شيل المطاوي دي
ثانيا مين الأهبل اللي هيطلع القطار بشاكوش


* ما هى الايجابيات فى الحملة من وجهة نظرك ؟
انهي حملة توعيه كانت عملتها الحكومة وكان ليها ايجابيات ؟؟؟؟؟

* ما هى السلبيات فى الحملة من وجهة نظرك ؟
الناس دي بتشتغلنا الموضوع كله هتلاقيه شرط من شروط المنحه الياباني بتاعه الجرارات الجديدة

* هل تتصدى حالياً لمن يخرب المال العام ؟
أي حد في الشارع هيقولك وهو يعني كان مال أبويا
طول ماحنا مش حاسين ان البد دي بلدنا عمرنا ما هنفكر ولا نهتم باي حاجه تخصها

* هل تأثرت بالاعلان وقررت تغيير موقفك والمشاركة فى حماية المال العام مهما كان الشخص المخرب ؟
وهل تأثر أي حد فيكم بحماية المال العام ليه ؟؟؟
لو حد خد منك فلوسك بالعافية وقالك ضرائب وانت اديتهاله مضطر وحد خربهاله .. هتدافعله عنها ؟؟؟؟؟
لو حد قال اه يبقا هغنيله
يبقا انت اكيد اكيد مش في مصر

fagrmasr01
16-09-2009, 04:24 PM
يبقا انت اكيد اكيد مش في مصر
هههههههههههههههه
والله العظيم أنا فعلا ضحكت جدا من اجاباتك .. أظرف اجابات فعلا والميزة ... انك يا مدير ... صريح وواضح فى رأيك

على فكرة ...
انا ماقلتش لسا رأيى انى موافقك والا مش موافقك

لأن احنا لسه فى مرحلة الاستماع وتجميع الآراء

استاذ محمود.. شكرا جزيلا على مشاركتك القيمة

:36_3_12[1]::50 (31)::36_3_12[1]:

اميرة حبى انا
16-09-2009, 09:18 PM
استاذ محمود
مش عارفة ليه كل ما اقرا اجابات ليك على مواضيع زى كده
اضحك واحس ان دمك خفيف جدا
وكمان بحس اننا رايحين فى داهية جدا جدا
ههههههههههههههههه
شكرا يا مدير

محمود التهامي
16-09-2009, 09:34 PM
رايحين فى داهية جدا جدا

هههههههههههههههه
الحمد لله قالت رايحين
يعني هلاقي حد يونسني

خلود
17-09-2009, 02:28 AM
[quote=محمود التهامي;34986]

هههههههههههههههه
الحمد لله قالت رايحين
يعني هلاقي حد يونسني


على فكره انا بس حبيت اقول لكم متعملوش حسابى معاكم فى المشوار ده

ماليش مزاج اروحه ربنا معاكم انتم بقى

fagrmasr01
01-10-2009, 09:36 AM
مستوى المشاركة العالى جدا وبرغم وجود الاختلاف حتى الان يدل على نضج الحوار فى منتدانا الجميل.. وأتمنى استمراره على نفس الوتيرة لمناقشة الموضوع باستفاضة.


الملخص حتى الان
خلود وأميرة عاجباهم الحملة الاعلانية لدرجة وصفها بالايجابية من وجهة نظرهم


ليون والمدير عبروا عن وجهة نظرهم فى وجود بعض السلبيات الموجودة فى الحملة


اشكر ليون وأميرة وخلود ومحمود على اهتمامهم بالمشاركة وتفعيل الموضوع


وسوف احاول تلخيص الموضوع بعد عرض وجهة نظرى


فهل من مشاركين بالرأى مع اى من الفريقين او حتى فى اتجاه ثالث
:36_3_12[1]:

fagrmasr01
12-10-2009, 04:25 PM
وجهة نظرى الشخصية
ان الاعلان خسارة فى خسارة وبيضيعوا فلوس السكة الحديد فيما لا يفيد
كلنا شايفين بيعوننا ان السكة الحديد تطورت تطور بسرعة السلحفاة وهذا لا يخفى على احد برغم المليارات التى قالوا انهم انفقوها على تطويرها
وكنت اتمنى ان فلوس الاعلان يصرفوها على تحسين فعلى مش تحسين للتصوير ينتهى بمجرد اذاعة الاعلان
محطات السكة الحديد فى منتهى القذارة .. وهى شكوى عامة تنشرها الجرائد القومية قبل صحف المعارضة
شبابيك التذاكر مغلقة فى اغلب المحطات .. واتحدى ان يدعى مدعى ان محطات الارياف مفتوحة لبيع التذاكر
حالة قطارات الريف تصعب على الكافر ولسا مش صعبانة ع الوزير ولا على رئيس السكة الحديد

ومحطة مصر للسكك الحديدية الرئيسية رمسيس هى خير شاهد لمن يريد ان يعترض .. ولست وحدى المنتقد فهناك كتاب قوميين كثيرين اعترضوا ومنهم احد مصممى الحملة الاعلانية طلع فى قناة الجزيرة وقال انهم متفقين يذيعوا الاعلان بعد تصليح احوال السكة الحديد وانهم كدا ضحكوا عليع وخدعوه
والصحفى الذى رفع قضية على الحملة هو من جريدة الجمهورية ( قومية )

اما الاعلان ... فهو تزييف متواضع المستوى .. لا توجد لدينا هذه القطارات التى يقولون لنا دافعوا عنها

ويبقى الحل .. المقترح .. بفلوس الاعلان دعموا السكة الحديد وشرطة السكة الحديد .. وامنحوهم صلاحيات ومرتبات تجعلهم يمارسون دورهم الرقابى فى الوقاية والحماية .. وقتها الشعب كله هايشارك

رأي شخصى

الباشا تلميذ
12-10-2009, 10:58 PM
من المفروض اننا شعب عنده مبادء وقيم
وغيور على بلده وعلى قيمه ومتمسك بالمبادء
بمعنى المفروض اننا بنحافظ على بلدنا وممتلكاتنا وحضارتنا
مش منتظرين ظهور اعلان علشان يعلمنا كيفية المحافظه على بلدنا
لكن مع الاسف والالم ان الناس اصبحت عندها لا مبالاه بشكل خطير
يعنى لوحد ماشى وشاف شوية بلطجيه مستفرضين بفريسه هيعمل نفسه مش واخد باله وهيقول يعم وانا مالى خلينى اروح لعيالى سليم
ولا مجموعة شباب بتطارد بنت كل اللى هيعمله هيقف يقول لاحول ولا قوة الا
بالله (ربنا ينجيها)
ما أكثر النماذج السيئه التى يراها الانسان منا فى يومه ولكن للاسف
اصبح البرود واللامبالاه هى السمه والصفه السائده اليومين دول إلا من رحم ربى
لا بد من العوده الى قيمنا ومبادئنا الضائعين والمتجاهلين
لابد من عوده النخوه عند كل شخص
لابد من العوده إلى الاسلام مره اخرى
حتى نجد الحب والالفه والاخلاص عادوا إلى حياتنا مره اخرى

شكرا على موضوعك الرائع فجر
وادعوا الله عز وجل ان يردنا إلى دينه مردا جميلا
آمييييييييييييين

fagrmasr01
13-10-2009, 09:18 PM
جزاك الله خير الجزاء يا باشا
مرورك أضاف قيمة حقيقية للموضوع
البعد الدينى
وضرورة خروج الناس من حالاة اللامبالاة والخنوع التى يعيشونها بسبب بعدنا عن الدين وعن التمسك بالقيم والمبادئ
جزاك الله خير الجزاء
آمين

اميرة حبى انا
14-10-2009, 01:52 AM
انا اسفة انى شفت الاعلان ايجابى
اصل انا عمرى ما روحت محطة سكة حديد
دى حقيقة على فكرة
يعنى عمرى ما ركبت قطر
يمكن اكون صدقت الاعلان
يمكن بحاول اصدق ان كل شئ تحت السيطرة
يمكن بحاول وعايزة اصدق ان فى حاجة حلوة وايام افضل جاية
لكن للأسف لما بشوف واقرأكلامكم
بفتكر كل السلبيات والقرف اللى احنا فيه
مش خنوع ولا خضوع زى ماقعدتو تكتبو وتتريئو على اللى كتبناه انا وغيرى
ان الشعب سلم امره لله
لا
ليه مش فكرتو اننا عايشين كل ده فى الواقع
عايشين الغلا والكدب والتزوير والمحسوبية والرشوة والفساد والغش
عايشاه فى الواقع
وكمان داخلة نت عشان الاقيه معمول مواضيع وبيتكب فيها كل اللى بنشوفه
كفاية عليا الواقع
مش هشوفه هنا كمان
مش خضوع ولا خنوع
بس فرصة اعيش من غير كل الحاجات دى الساعة اللى هقعدها على المنتدى
مش انزل اشترى حاجة الاقيها
مش اقرأ الجرائد الاقيها
مش وانا ماشية فى الشارع واسمع الناس واشوف احوالها والاقيها
وكمان على المنتدى الاقيه
للاسف فهمتوا الايجابية اللى بتكلم عليها غلط
فهمتوه خضوع وخنوع وبلاقى ردود بسخرية على رأيى وبسكت
لانى مش هغيره
مش هغيره عشان كفاية البيت
والشارع
والناس
والجرنال
والتليفزيون
والدش
والاكل البايظ المسرطن والفراخ العيانة والخنازير
ومترو الانفاق والاتوبيسات والتاكسيات والميكروباصات
والمدارس والمدرسين
والعيش
والعيشة
واللى عايشينها
انا داخلة المنتدى افيد ولو بحرف واتعلم واستفيد ولو حرف
مش داخلة افتكر كل ده ولا يجيلى اكتئاب كل ما اقرأ السلبيات دى كلها
معلش طولت عليكم
ولم احدد بكلامى اى شخص معين
وسوف امتنع تماما عن دخول اى موضوع سياسى او به ذكر لسلبيات بلدى ينكد عليا
(ده رأيى وانا حرة فيه)

fagrmasr01
14-10-2009, 09:52 AM
أميرة
فعلا رأيك وله كل احترام وتقدير
وبكل صدق رأيك هو وجهة نظر لها قيمة حقيقية ولا اختلف معكى فيها
اشكرك على مداخلاتك التى تزيد من قيمة اى موضوع تدخليه يا أميرة
احترم وجهة نظرك وأحييكى ( بقناعة حقيقية )
تحية تقدير واعتزاز بيكى وبرأيك ..
وتحيتى اليكى ليست الأولى وباذن الله لن تكون الاخيرة

lionking
28-10-2009, 05:30 PM
ههههههههههههههههههههههههههه

المصرى اللى على حق

هو اللى ما يبصش لحاجة الحكومة ولا يلمسها لكن الحكومة تبص وتاخد كل حاجته

زكريا عزمى سال منصور بعد حادثة العياط الاخيرة سؤال وجيه اووووى


عايز اعرف فلوس الحملة راحت فين وكمان اضاف اننا شعب لصوص


اظن كده يبقى المصرى اللى حق هو اللى يطاطى ويقول آمين


شكرااااا

fagrmasr01
28-10-2009, 05:44 PM
ههههههههههههههههههههههههههه



المصرى اللى على حق


هو اللى ما يبصش لحاجة الحكومة ولا يلمسها لكن الحكومة تبص وتاخد كل حاجته

اظن كده يبقى المصرى اللى حق هو اللى يطاطى ويقول آمين
شكرااااا




معاكى كل الحق
هو دا هدف الحملة الاعلانية
والدليل ان محصلش اى تطوير ف السكك الحديد
وبيحاولوا يخلونا أسرى الجمايل الى معملوهاش فينا ويحسسونا ان احنا الى شعب حرامى ومقصرين ولا نستحق الخير اللى احنا فيه بوجودهم

واننا لازم نتشكر لهم صباحا ومساء ونحمد ربنا انهم راضيين يحكموا شعب عبيط واهبل زينا

fagrmasr01
28-10-2009, 05:47 PM
وقبل ان يتبرع المتبرعون للرد والدفاع عن الحكومة السنية حكومة الكوارث
لقد اعترف الوزير بالتقصير واستقال
بعد ان ذهبت المليارات اللى كانت مرصودة لتصليح السكة الحديد.. ذهبت كلها ادراج الرياح
عليه العوض ومنه العوض