الحل فين ومين وازاى وامتى؟؟؟؟؟؟

[اميرة حبى انا]

السلام عليكم ورحمة الله وبركاته
ازيكم
عاملين ايه
ورمضان كريم
وكل سنة وانتو طيبين
ممكن اسأل ليه؟؟؟؟؟
بس حد يرد
والحل؟؟؟؟؟
حد عنده حل؟؟؟؟
انفلونزا طيور
http://www.krtoon.com/upfiles/kTp17302.gif
وبتقولوا زادت فى مصر عشان الحكومة معرفتش تلم الموضوع
طب انا لما فكرت شوية لقيت مينفعش الحكومة تدخل كل البيوت اللى مصر عشان تشوف الناس اللى مربية الطيور ومخبياها تحت السرير
ونايمة معاها فى نفس الاوضة
وسايبة ولادها بتلاعبها وتمسكها وشفت عيال بتبوسها على فكرة
هنقول لازم الحكومة تعمل حاجة توعى بيها الناس
عملت اعلانات فى التليفزيون
وعملت خط ساخن للابلاغ عن اى حاجة او اى مكان فيه طيور وانا نفسى اتصلت بيهم مرة بلغت
يبقى مين الغلطان ومين السبب فى الانتشار الفظيع لانفلونزا الطيور فى مصر
اسأل تانى ليه؟؟؟
وايه الحل؟؟؟
انفلونزا الخنازير
http://www.krtoon.com/upfiles/u4517302.jpg
حاجة كده من الهوا
مرض وصاب الدنيا ياعينى
بس علاجه سهل
والوقاية سهلة
بس انتشر
ليه؟؟؟؟
الحكومة برضوا
طيب
الحكومة هى اللى قالت لما تلاقى المترو مافيش فيه مكان اوعى تستنى اللى بعده
http://www.krtoon.com/upfiles/XED17302.jpg
لأ
اتحشر فى وسط الناس والنفس والخنقة
والاتوبيس
http://www.krtoon.com/upfiles/RSU17302.jpg
والله فى ناس بتقف فى الميكروباص كمان
http://www.krtoon.com/upfiles/yv317302.jpg
دكتور قالى لو لابسة كمامة او حاطة منديل على الفم والانف عمرك ماتتعدى
طيب مافيش عندنا مخ ما نشتريها ولا مستنين الحكومة تقولنا روحوا اشتروا الكمامة لحسن تتعدوا
فى اعتراض على المدارس اصل مدارسنا وحشة مش مستعدة للكارثة دى
ماهو يا سادة مكنش فى انفلونزا خنازير هتستعد ليه بقى
شفت وزير الصحة بنفسى وهو بيقول انهم خايفين ان التلاتة انفلونزا يتحدوا مع بعض فى الشتا ويعملوا حاجة رابعة ملهاش حل
طبعا قصدى الانفلونزا بتاعة البشر والطيور والخنازير
كل الكلام ده فضفضة
حاجة جوايا وحبيت اقولها
شايفة الناس زعلانة من الحكومة اوى وانها معرفتش تلم المواضيع
لما نبطل نربى فراخ ونخليها تنام جنبنا ونبوسها
(والله البياعة فى السوق ماسكة الفرخة قالتلى دى حبيبتى وباستها)
لما نبطل ندخل فى وسط الزحمة ومنعملش من نفسنا اى حاجة نحمى بيها نفسنا من انفلونزا الخنازير
لما نفكر بعقلنا شوية ونبطل التواكل اللى احنا فيه
يبقى ربنا يحلها من عنده
ما هو المرض ابتلاء
وفى فرق بين التوكل والتواكل
لما نعمل اللى علينا من غير مانستنى الحكومة
(ماهى مش هتطهر الجو وتشيل منه انفلونزا الخنازير مثلا)

يبقى ساعتها نرفع ايدينا وندعى ونقول
اللهم ارفع عناالبلاء
اللهم ارحمنا برحمتك
اللهم ارفع غضبك عنا
http://www.krtoon.com/upfiles/HFY17905.gif
ياريت الموضوع ده ميعملش خناقة عشان انا معنديش دماغ ولا وقت للخناق
مش
منقول

[خلود]

والله يااميره انتى عندك حق فى كل اللى قلتيه


وبالنسبه لى انا معنديش اى اعتراض على سياسيه بلدنا فى اداره الازمه


وهى تعتبر ازمه على مستوى العالم مش بس بلدنا بس الفرق ان الناس بره عندهم وعى لما يقولوا ابعدوا عن اللى يجيب لكم الامراض بيبعدوا اما احنا فى بلدنا بنحضن الفراخ وننيمهم جمبنا كمان


محبه بقى عشره متعرفيش ايه السبب


اللى انا شايفاه ومن خلال متابعتى لموضوع الانفلونزا ان الحكومه بتحاول وباجتهاد تحتوى الازمه


بس واضح اننا مش بيعجبنا العجب ولا الصيام فى رجب


انا برضو مش عايزه خناق انا برد على كلامك وبس


موضوعك مهم جدا وفيه كلام كتير
شكرا اميره

[fagrmasr01]

فعلا
لازم نفكر بعقلنا شوية ونبطل التواكل اللى احنا فيه

وندعى ربنا ان يلطف بينا فيما جرت به المقادير

موضوع ممتاز
تسلم ايدك يا أميرة
:36_3_12[1]:

[اسامة22]

موضوعك قيم الي ابعد الحدود
جزاكي الله عنا كل خير
ولكن انا معترض معاكي شوية
وفيها اية لما الواحد ياخد الفرخة في حضنة ويبوسها وتنام معاة مش يمكن الواحد بيحميها من الانفلونزا
مفيش فتوي من الفتواي الكتير بتحرم بوووووووس الفراخ
وربنا يجعلة عامر

[lionking]

موضوع جميل جدا يا اميرة

وان شاء الله محدش يتخانق ولا يتقمص من حد

بس انا بقول ان المشكلة متبادلة بين الحكومة والشعب

الحكومة هيا اللى علمت الشعب العادات السيئة والسخيفة دى

علمته انك لما تتخرج تستنى تعيين الحكومة علمته انه يعمل عبيط ويكبر دماغه والحكومة هيا اللى هتحل المشاكل

اصبح شعب متواكل وكسول

ده حتى مش بيحاول يشغل مخه شوية

ولا بيحاول يغير تفكيره وثقافته

والله مرة بسال مراة البواب اللى عند ماما وآخرة تربيتك للبط ده ايه؟؟

تقولى ايه

بطيبة وحلاوة الفلاح المصرى

البط ده عينا وعبادتنا احنا منغيره نموت

طب الناس دى مش هينفع معاها ولا حكومة ولا حتى معجزة

نيجى بئه للكمامات والحلاوة بتاعتها وكل دكتور براى وكل شركة براى

وفجاة يظهر مسئول حكومى ( اللى هو بابا بتاع الشعب) مدام فى الحكومة يبقى بابا

قووووووم لما يظهر فى البرامج يقول ان الشركات استغلت الموضوع واخدت موضوع الكمامات ده تجارة

وطبعا بما اننا شعب ابوى ولازم يكون فى حد بيقكر لنا يبقى هنسمع كلام عمو اللى بيلف على القنوات وطبعا مش هنشترى كمامة

وفضلوا يقولوا الموضوع تحت السيطرة تحت السيطرة لحد ما اتفقسوا خلاص

ومش عارفين يتصرفوا فى المدارس

طب ايه لازمة اللف والدوران من الاول

ونقع فى حيص بيص

باختصار

عشان نحمى نفسنا من انفلوانزا الخنازير

كل واحد مع نفسه ومع ولاده

النظافة اهم حاجة

عدم البوس والتواجد فى اماكن مكتظة زى المترو والاتوبيسات

لبس كمامة


وبعدين احلى حاجة فينا كمسلمين بلاش كمصريين عشان محدش يزعل
اننا متواكلين

نقول ايه

خليــــها عـــلى اللــه

شــكــرااااااا

وياريت فعلا محدش يتخانق مع حد

[اميرة حبى انا]

شكرا على ارائكم

[mohamedbook]

معاكي حق
اغلب الشعب المصري معندهوش ثقافة- والجهل والتخلف والامية متفحشه فية- انتي بتتعملي مع عقليات اغلبها معندهوش اي ثقافة
اذا هيستقبل التوعية مش بعقلة ولا تفكيرة هيستقبلها بودنة بس
المحصلة من التوعية والارشاد هتكون صفر
:50 (13)::50 (13)::50 (13):

[اميرة حبى انا]

شكرا على مشاركتك فى الموضوع يا استاذ محمد

[محمود التهامي]

مفيش فتوي من الفتواي الكتير بتحرم بوووووووس الفراخ

والله الموضوع كويس وزي الفل وتسلمي عليه يا غالية
بس ليا استفسار واحد

هو مش احنا برضه الشعب المصري ؟؟؟؟
مش احنا برضه الشعب المصري دا اللي بتقولو عليه
وللا الشعب المصري دا نوع جديد متحول متحور من فيروس جديد متخصص فينا احنا بس
عارفين امتى كل المشاكل دي هتتحل
هتتحل لما نبطل نقول ماهو هو دا الشعب المصري
عارفين ليه
لانه ساعتها مش هيكون عندنا شعب نرمي عليه عدم مبالاتنا واهمالنا في حقوقنا وانسانياتنا
ليه تركب ميكروباص زحمة وليه تتشعلق في اوتوبيس
هتقولو عشان الشغل والتأخير والخصم
طيب لو الكل اتاخر مين اللي هيخصم لمين ؟؟؟ فكروا كدا شوية... ما نصحا بدري شوية بدل البهدلة دي
كلنا في نفس المشكلة الغفير والسفير والموظف والمدير
طبعا السفير مش هيتأخر في زحمة المواصلات لكنه برضه هيستنا لما يجهزوله الموكب واهو كله في الاخر تأخير
المهم
نرجع لموضوع الشعب المصري
ماله بقا الشعب المصري
الشعب المصري مصمم يبقا مصري
مش بس مصمم يبقا مصري لأ هو مصمم وخلاص
مصمم يشوف الفرخة وهي بتدبح قدامه يمكن عشان ينتقم منها ويمكن سادي وبيحب يشوف الدم ويمكن خايف الفرارجي ياخد منها حته
المهم انه مصمم وخلاص
مصمم يتمسك بعاداته وتقاليده بشرط
بشرط واحد صريح مريح
انها تكون عادات مملة مرهقة مكروهه
وبرضه مصر على ترك عاداته وتقاليده ليساور ويواكب التطور الحضاري
لكن برضه بشرط انهه يسايره في العادات المقندلة اياها بتاعه الكارينا مثلا وتسقيط البنطلون وخلافه

طيب والحل؟؟؟؟
الحل فينا
ابتدي بنفسك وانت تبقا قدوة حسنة لاولادك واحفادهم وجيرانك واصحابك
متركبش عربية زحمة
ومتركبش العربيات البوكس اللي مالية المدينة دي ومتركبش اوتوبيس تنزل منه كاره حياتك
ارفض مرة تمشي ورا القطيع او نخليها مهذبه شوية ونقول بطل تقف في الطابور وانت مش عارف هو طابور ايه
وبطل فراخ صاحية
والله المدبوحة ارخص وأحلى وأنضف
واهم حاجه متخفش من الانوفلونزا اللي بيقولو عليها دي
مصر فيها اكتر من 800 حالة دلوقتي مات منهم 2 يعني النسبة ربع في المية
حد بقا يقوللي نسبة وفيات مرضي الكبد والقلب والسرطان والكلى أد ايه ؟؟؟؟؟
بلاش كل دا
الانفلونزا بقالها اد ايه وموتت اتنين ... طيب من ساعتها كام واحد ماتوا في حادثة
بلاش الحوادث والأمراض
بس بزمتكم ايه أولى اننا نلبسله كمامة
انفلونزا بتخف بمضاد حيوي وللا سجاير بتجيب سرطانات

اسف لإني طولت عليكم وصدعتكم
بس انتي اللي نكشتيني بقا يا أميرة

[اميرة حبى انا]

بس انتي اللي نكشتيني بقا يا أميرة
والله يا محمود انت بتلكك ومنكوش لوحدك
مش بسببى يعنى
طيب المهم انا كنت خايفة من ردك انت
اهو طلع لازم نفكر ويبقى فى وعى برضو
ولا انا فهمتك غلط ولا ايه

[محمود التهامي]

غلط أو صح مش مهم
المهم نفهم
وعشان نفهم لازم نفكر
هنا بقا المشكلة

وعلى رأي أستاذ مكرم

تفكروا وللا ماتفكروش