اجمل ما قيل عن الرجال

[نور]

عظماء الرجال هم عظماء في حبهم….. وأقوياء الرجال هم أقوياء في عواطفهم


O المنافسة ضريبة تثقل كاهل المتنافس إذا اعتدلت ولدا خيرا وإذا شطت جرت شرا


O لابد من اجتناب الرجل الشرير حتى لو كان مزينا بالعلم لان الحية لاتكون اقل سما عندما تكون لابسه جوهره ثمينة على رأسها


O الرجال ثلاثة : سابق ولاحق وماحق


O فالسابق الذي سبق بفضله


O اللاحق الذي لحق بابيه في شرفه


O والماحق الذي سحق شرف آبائه وأجداده




تسعة أعشار الحكمه أن يكون المرء حكيما في الوقت نفسه


ان الرجل الذي لا يهاب شيئاً لهو مقتدر وقوي كالذي يهابه كل إنسان


الولد اصحيح يا آبت إن الرجل لا يعرف قيمة السعادة إلا بعد أن
يتزوج ، الوالد : نعم يابني لان الشيء لا تعرف قيمته إلا بعد فقده


ليس هناك رجل يمكن أن يصبح زعيما عظيما إلا إذا أحس بالسعادة تملأ صدره وهو يرى هؤلاء الذين يعملون يحققون بدورهم نجاحا كبير


عندما يشعر المرء بالأمان في بيته يتمني لو انه قام بمغامرة وعندما يقوم بمغامرة يتمني لو انه عاد ألي بيته ليعيش في أمان


ٍاندر أنواع الشجاعة هي الشجاعة الفكرية


كل رجل يصبح شاعرا إذا مسه الحب

[محمود التهامي]

شكرا يا نور

[محمود التهامي]

كل رجل يصبح شاعرا إذا مسه الحب

اعتقد ان العكس أصح
وذلك استنادا إلى مقولة

"إن أجمل الشعر أكذبه"

[محمود عبد الله]

اعترض على الاتى
الولد اصحيح يا آبت إن الرجل لا يعرف قيمة السعادة إلا بعد أن
يتزوج ، الوالد : نعم يابني لان الشيء لا تعرف قيمته إلا بعد فقده

يقول الحق سبحانه و تعالى

بسم الله الرحمن الرحيم

وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ (21)

صدق الله العظيم


ياريت نركز قبل مننقل حاجة فى مضمونها مخالفة للعقيدة

[محمود التهامي]

وفين الخلاف دلوقتي يا استاذ محمود

مفيش علاقة ابدا بين اللي حضرتك بتقوله وبين الموضوع دا أولا

ثانيا بقا

ليس معنى الآية الكريمة ان الزواج أساسي بدليل انه ليس فرضا بل في بعض الأحيان يكون مكروها بنص السنة النبوية المؤكدة

واذا عدنا للموضوع فالمعنى هنا هو فقد الحرية التي تكون حقا للرجل ويفقده بزواجه لارتباطاته الأسرية والعائلية

ولك الحق ان تختار بين تلك وهذه فلو رغبت في الزواج كان بها وان لم ترغب فلا يستطيع أحد أن تلومك طالما كنت قادرا على تحصين نفسك

فالزواج للرجل هو حاجه بيولوجية بحته - مثبته علميا - لذا شرع الله لنا الزواج ولذا قال رسولنا الكريم " ومن لم يستطع فعليه بالصيام"

إذن فالزواج ليس فريضة و عدم الزواج ليس كفرا أو إلحادا ولك الحق في هذا أو ذاك حسب احتياجاتك الجسدية والنفسية

[محمود التهامي]

وثالثا عند نقل آيات كريمة من القرآن رجاء التحقق من كتابتها صحيحة

[محمود عبد الله]

اعترض على الاتى
الولد اصحيح يا آبت إن الرجل لا يعرف قيمة السعادة إلا بعد أن
يتزوج ، الوالد : نعم يابني لان الشيء لا تعرف قيمته إلا بعد فقده

انتو بتقولو السعادة . السعادة . السعادة

صحيح الانسان بيفقد جزء من الحرية بعد الزواج لاكن السعادة لا لا لا
اكيييد هيكون سعيد

[محمود التهامي]

يا عم محمووووووووووووووووود

هو فيه سعادة من غير سبب دي حتى تبقا قلة أدب هههههههههههه زي الضحك كدا بالظبط

السعادة دي مصدرها او سببها يعني الحرية والانطلاق وقلتها طبعا وحشة بدليل ان حبس الحرية هو عقاب المجرمين مش منعهم من الجواز مع ان الحبس دا برضه بيشمله منع من الجواز بس القصد ان حبس الحرية اشد من اي حاجه

جرب كدا متخرجش من البيت اسبوع وشوف ايه هتبقا حالتك وشوف بقا هتبقا سعيد وللا حزين

هتعرف بقا ساعتها معنى السعادة اللي هتفقدها لما تتجوز

يارب تكون وصلت

[محمود عبد الله]

عندك حق ان الحرية احد مصادر السعادة لاكن مش هيا كل المصادر
و انا فعلا اتحبست فى البيت بسبب ظروف صحية
و عارف معنى الحرية

لاكن الجواز لو اخد حتة من الحرية فطبعا هياخد حتة من السعادة
بس بيعوضها بحتة تانية كبيييييييرة فتبقا انت الكسبان

زى مثلا واحد اتسرقت عربيتو ال28 المعفنة و فجئة بئا عنده مرسيدس
يفرح بالمرسيدس ولا يزعل على ال28 ؟؟؟؟؟؟؟

[محمود التهامي]

ههههههههههههههههههههههههههههه

على اعتبار ان الجواز مرسيدس يعني

طيب والله لادعي عليك تتجوز عشان تشوف المرسيدس اللي نفسك فيها دي

ساعتها هتقول كان مالها الـ 127 حتى

[محمود التهامي]

وعلى فكرة الحكاية كلها نسبية بحته

يعني بطريقة تانية انت بتقول ان الجواز هياخد حتة صغيرة من السعادة

الحته الصغيرة دي بقا اد ايه دا غير انها ممكن تكون صغيرة لواحد وكبيرة قوي لواحد

وللا انت فاكر بيقولو انه زي البطيحة ليه يعني

وبرضه التعويض الكبير اللي بتقول عليه دا كمان

ياترى فعلا هيكون كبير

هيكون فيه طيب تعويض أصلا

والله لو انت دخلت في علم الغيب وعرفت انك هتتعوض ماشي لكن غير كدا يبقا لأ طبعا

مش كدا برضه ؟؟؟؟؟؟؟؟؟؟؟؟؟؟؟

[محمود عبد الله]

ربنا يستر و ميطلعش فيهل بزر كتيير

[محمود التهامي]

ههههههههههههههههههههههههه

بس ياريتها تيجي على اد البذر

هههههههههههههههههههههههههههههههههههههههههههههههههه ههههههههه

[الباشا تلميذ]

كل رجل يصبح شاعرا إذا مسه الحب [/QUOTE]


إن الحب له مفعول السحر

[الباشا تلميذ]

جرب كدا متخرجش من البيت اسبوع وشوف ايه هتبقا حالتك وشوف بقا هتبقا سعيد وللا حزين



والله لو كان عدم الخروج من البيت الفتره دى على سبيل التجربه يبقى لايمكن هيكمل التجربه إذا كانت القعده فى البيت مش هتخليه سعيد

[خلود]

مش كل شويه نقول العبوا مع بعض متتخانقوش

الخلاف فى الراى لا يفسد للود قضيه

ثم الجواز كله سعاده كفايه كلمه بابا وماما

[نور]

كل النقاش ده على الموضوع
طيب انا هحطلكم موضيع كتير عشان تتنقشوا ونستفاد من نقشتكم
بس يارب الموضوع يكون عجبكم
واكيد لازم يكون في اختلاف حتي لو الاراء كلها في حالص الموضوع
اشكركم على ردكم

[اميرة حبى انا]

يابنتى انتى كاتبلهم موضوع
لقوا من خلاله حاجة
يغنو ويردو على بعض
طب قولى لواحد ميتجوزش كده
ولا متحبش
وشوفى رده ايه
وبعدين ايه الحرية اللى هتفقدوها
وفين دى ومين اللى فقدها
حرية ايه بالظبط
معرفة كل يوم واحدة مثلا
ولا ايه بس عشان نفهم ونعرف نرد

[محمود التهامي]

لا يا اميرة احنا بنقول الحرية مش الفجر

الحرية المقصودة ان الواحد مش هيعرف ياكل حاجه بيحبها لانه الطرف التاني مش هيكون بيحبها

مش هيعرف يخرج مع اصحابه لانه المفروض يخرج معاها هي

والمقصود بالخروج مع الصحاب كل حاجه من سينيما لتمشية في وسط البلد لقعاد على قهوة حتى ولعب دومينو او شطرنج

مش لازم الحرية يعني تكون انحراف ومش لازم الشلة تكون شلة أنس

ومحدش قال ان الراجل بس هو اللي بيفتقد الحرية دي

والدليل ان اي بنت اتخرجت من الجامعه او اشتغلت بتلاقي صعوبة كبيرة قوي في التأقلم بعد الجواز

محدش سأل نفسه ليه

لانها اتعودت على حرية وطريقة حياة صعب عليها تغيرها

تخيلو بقا الشاب اللي بيكون بحكم العادات منطلق اكتر منها وفجأة يبقا المفروض ميعملش اي حاجه غير معاها

الحب حلو اه محدش قال حاجه لكن زي ما بيقولو الشيء ان زاد عن حده اتقلب لضده او يعني

بمعنى ادق الراجل بيحب يتملك مراته لكن في نفس الوقت ميقدرش يكون ملك حد

ولازم يحس بحريته وانطلاقه يا إما هيطفش ويشوف واحده تانية

طبعا كله هيهاجمني دلوقتي لكن صدقوني دي طبيعة بشرية فينا والدليل على كدا ان ربنا سبحانه وتعالى شرع للرجل الزواج من اربع سيدات لكن المرأة رجل واحد فقط

لان الرجل لن يتحمل ان تكون امراته ملك لاخر ولكن المرأة خلق الله فيها هذا

بدليل ان لو واحده شافت جوزها مع واحده هتزعل وتضايق اه لكن مش هتعمل حاجه

لكن الراجل لو شاف مراته بس بتضحك مع واحد هتبقا ليلة وممكن تروح فيها رقاب زي ما بيقولو

من الاخر يعني طبيبعة الراجل غير الست ومحتاج لحرية اكتر بكتيييير

[اميرة حبى انا]

انا مقلتش فجر
بس محدش قال متخرجش مع اصحابك
محدش قال الخروج معاها هى بس
ومحدش قال كل اللى انت قلته ده
اخرج واتكلم والعب
بس فى حدود
محدش هيضربك يعنى لو خرجت مع اصحابك
ومحدش هيمنعك اصلا

[محمود التهامي]

واسيبها لوحدها يعني

ماهي كمان عايزة تخرج وللا ملهاش نفس يعني

لكن طبعا لما يكون فيه يبقا هي مينفعش تخرج وطبعا انا هفضل قاعد معاها

وللا نسيبه في البيت بقا ونخرج احنا الاتنين كل واحد مع اصحابه

ولو افترضا حتى اننا هنعمل كدا تضمني منين ان احنا الاتنين يكون لينا اصحاب من نفس المكان

يعني مثلا واحد من الاسكندرية متجوز واحده من القاهرة

يسكنو فين ويشوفو اصحابهم ازاي

هو بحكم الظروف والشغل هيبقالو اصحاب في المكان اللي هيعيش فيها لكن هي لما تتنقل معاه تجيب اصحاب منين وللا تسافر بقا عشان تخرج مع اصحابها يعني

[نور]

انتي متفئله جدااااااااااااااااا

[الباشا تلميذ]

عندما يشعر المرء بالأمان في بيته يتمني لو انه قام بمغامرة وعندما يقوم بمغامرة يتمني لو انه عاد ألي بيته ليعيش في أمان
ٍاندر أنواع الشجاعة هي الشجاعة الفكرية
كل رجل يصبح شاعرا إذا مسه الحب

كلام جميل وكلام معقول مقدرش اقول حاجه عنه
تسلم ايدك يانور

[قمر]

كلام جميل جدا
شكرا نور

[fagrmasr01]

الولد : أصحيح يا آبت إن الرجل لا يعرف قيمة السعادة إلا بعد أن
يتزوج ،
الوالد : نعم يابني لان الشيء لا تعرف قيمته إلا بعد فقده

ههههههههههههههههه
فعلا حلوة جدا
تسلم ايدك
اتمنى من نور العودة الى المشاركة لانى مش باشوف الاسم الطيب دا الى فى المشاركات اللى من فترة

[ahmed love]

تسلم ايدك يا نور

[دعاء الكروان]

http://abeermahmoud.jeeran.com/page%205/378-Thanks.gif

سلمت يداكى نور