المساعد الشخصي الرقمي

مشاهدة النسخة كاملة : مطلوب مساعده


rosha
13-09-2009, 06:01 PM
اخوانى انا بدور على شقه اديلى فتره كبيره جدا وكان نفسى اسكن فى اكتوبر لكن عرف ان الاسعار عاليه جدا هناك علشان كده مازلت ادور ولم اجد فمن يساعدنى فى ايجاد طلبى اكون شاكره ليه جدا

وطلبى شقه 100م على الاقل وليس اقل من ذلك وليس احياء بعيده من بعد السادس لا اقبل

ادفع مقدم وقسط مرتاح وياريت لو مفيش دفعه تعاقد واستلام لان ده اللى مخلينيش اشترى حتى الان ومقدرتى ان ادفع 50000 مقدم
والقسط من 900الى 1000 ج شهريا

فهل اجد هذه المواصفات فى اكتوبر
محمود التهامي
13-09-2009, 11:02 PM
السلام عليكم
والله مش عارف حضرتك تقصدي بالسادس الدور وللا الحي
لان اكتوبر مافيهاش دور بعد السادس وكمان مفيش 100 متر في الحي السادس
المساحة اللي حضرتك طلبتيها اعتقد هتبدأ من 175000
لكن فكرة التقسيط دي محتاجه تمويل عقاري تقدري تسألي في أي بنك تمويل عقاري وتعرفي الشروط
محمود التهامي
13-09-2009, 11:04 PM
ينقل لقسم عقارات مدينة 6 أكتوبر
rosha
19-09-2009, 01:02 AM
اشكرك على الرد
لكن اعرف ان البنوك بتاخد فوائد جامده جدا على التمويل ده وكمان مفيش تسجيل غير بعد ما تخلص الاقساط كلها

اذا فى مساعده م ن الموجودين ياريت لانى اديلى 7 سنين نفسى اخد شقه ملكى مش عارفه

اما بالنسبه لسادس كنت اقصد الحى وليس الدور

وعايز استفسر عن الاراضى وشروط الحجز بها او ان كان شراء ما المطلوب والاستفسار عنه واعرف اذاى ان الارض كويسه اوصدق كلام مالكها الى هيبعها

ارجو المساعده لعدم الوقوع فى النصب
محمود التهامي
19-09-2009, 01:35 AM
أولا بالنسبة لموضوع الحي السادس فالحي السادس مافيهوش 100 متر وأكبر مساحه به هي في المجاورة الثالثة ومساحتها 80 متر وسعرها دلوقتي يعمل حوالي 75 : 85 ألف وقسطها أقل من 100 جنيه بس معرفش كام تحديدا

بالنسبة للتقسيط والفوائد
طيب ماهي كل الشقق التقسيط بنفس نظام التقسيط والفوائد
وكل شقق الحي السادس مباعه وشبه مستحيل تلاقي فيه شقه الا لو كانت مسحوبة من حد مكملش اقساطها
في الحالة دي بتدفعي كل اللي دفعه + شوية رسوم وتكملي بقا الأقساط

وبالنسبة لموضوع التسجيل فلو مشترية الشقه حتى من جهاز المدينة مش هتستلمي العقد الا بعد انتهاء مدة التقسيط
يعني محدش ابدا هيسجلك الشقة ولا يديكي عقدها الا بعد اكمال الأقساط
وبالنسبة للتمويل العقاري فهو مش بعبع زي الناس ماهي فكرة المشكلة بس انه واضح والناس مبتحبش تشوف الحقيقه لكن مثلا سنة 90 لما قالو هتدفعي 1000 جنيه وتقسطي باقي تمن الشقه على 25 سنة بقسط 50 جنيه الناس فرحت جدا جدا لكن بحسبة بسيطة تعرفي ان سعر الشقه بالنظام دا وصل لـ 600 جنيه سنوي في 25 سنة يعني 15000 ألف جنيه + الألف اللي اتدفعت الأول يعني الشقه اللي سعرها 6 بقا سعرها 16 ألف
ودا نظام بنك الاتعمير والاسكان سنة 1990 لبما جينا اكتوبر

دلوقتي بقا البنوك بتاخد فائدة مركبة 12% وأقصى حد للتقسيط بيكون 10 سنين وأكبر نسبة تمويل بتكون 75%
يعني بتدفعي ربع تمن الشقه أو اكتر زي ما تحبي والباقي أقساط لمدة لا تزيد عن 120 شهر والاجراءات بتخلص في خلال 3 ايام
بس خدي بالك الشقة بتكون مرهونة للبنك يعني مينفعش اي تأخير في السداد



الأراضي بقا
بالنسبة للمبلغ اللي مع حضرتك والقسط اللي عايزة تدفعيه فأعتقد فكرة البنا دي مش هتناسبك أبدا
اراضي ابني بيتك مثلا بتتكلف بناء وتشطيب حوالي 100:120 ألف للدور الأول ومساحته اقل من 70 متر واللي بيقولو 60 و 80 دول بيتكلمو على تشطيب الجهاز يعني من جوة طوب واعمدة نم غير حيطان كمان
دا غير تمن الأرض يعني حضرتك عشان تبني الـ 100 متر اللي محتاجاها فهتحتاجي حوالي 250 متر أرض لن يقل سعر المتر بها عن 450 جنيه + حوالي 180 : 200 ألف لبناء الدور الأرضي

يمكن الكلام يكون محبط لكن بجد الأسعار زادت جدا عن ما ناس كتير قوي كانت فاكرة



أتمنى أكون أفيدك ولو بالقليل وأهلا بيكي معانا
rosha
19-09-2009, 03:34 AM
اشكرك يا استاذ محمود كفيت ووفيت بالشرح وساراجع موضوع البنك مره اخرى لعل يكون فيه خير وعلى قد مقدرتى

وربنا يسهلها للجميع
محمود التهامي
19-09-2009, 03:57 AM
بالتوفيق إن شاء الله
sherif afifi
26-10-2009, 12:55 PM
بصى انا كمان عندى نفس المشكله وخصوصا ان شغلى فى اكتوبر انا عايز تمويل عقارى ومعايا مبلغ كويس ممكن ادفعه بس بصراحه زهقت من التدوير وبعدين عندى ارضابنى بيتك فى المنطقه السابعه صحيح انا لسه ما استلمتش فعليا انا بس استلمت على الورق ، عطلان والسلام... مستنى اعرف الارض هتيجى فى انهو مكان علشان اشوف ها ابنى ولا ابيع ولا اعمل ايه بالظبط ، عموما خلينا نستنى ونشوف اللى هايجرى ولو عندك اى اقتراحات كلمينى
سلام