-- كان ياما كان..بقلمى(صابر)

[RSS]

كان ياما كان
http://www.afrikastars.com/vb/imgcache/1289.imgcache.gif
آه مش أنا..
وانت مش انت كمان..
ولا دا حب زمان..
كنا..وكان ياما كان..


قصدك تقول إنى اتغيّرت..
ماتقولش ليه إن انت قدرت..
فضلت سنين انا..
وانا لسه هنا..
لكن انت كنت.. خلاص وكبرت..
وإن كنت شايفنى بقيت تانيه..
انا بقى شايفاك.. بقيت انت كتير..
ولو اتغيرت معاك ثانيه..
انت مليت نفسك بالتغيير..
وإن كنت حاسس بتحمل..
حساك بقيت مش حتكمل..
وإن بان علي شعورى التغيير..
انا حاسه إنك بعت كتير..


انت شايفنى بعين انانيه..وانا شيفاك بعيون حنيه..
وان كان شىء اتغيّر فيا.. دامن تأثير البعد عليا ..
لكن اوعى تجور وتلوم..انا تغييرى له كام يوم..
لكن انت.. شوف من إمتى.. كل مافيك مابقاش مفهوم..
وبقينا زى الاغراب..
لو تنكر حتكون كداب..
ليه مستغرب من تغييرى..
الاغرب الاقيك مع غيرى..
انت ماغبتش عن تفكيرى.. وبقولهالك وارضى ضميرى..
بس كرامتى.. وعزة نفسى.. كانت من اسباب تأثيرى..


لا انت بقيت فيك نفس الروح..ولا خليت الباب مفتوح..
اتغيرت وسيبت جروح..تفضل توجع فين مابروح..
لا انت بقيت.. ولا خليت..ليه مستكتر إنى نسيت..
اتغيرت ومن تغييرك..
بس ماكنتش يوم مع غيرك..
بعد سنه..لازم اكون أنا مش أنا..
انت نسيت..خلاص وبقيت.. انت مش انت..
ولا دا زمان.. ولافى حنان.. اتغيرنا..
انت وانا..آه مش أنا..
وانت مش انت كمان..
ولا دا حب زمان..