المساعد الشخصي الرقمي

مشاهدة النسخة كاملة : أرجوا الإفادة بخصوص مدارس أكتوبر اللغات 2011


Desire
27-03-2011, 04:54 PM
السلام عليكم ورحمة الله وبركاته

يسعدني الإنضمام لهذا المنتدى الذي يجمع أهالي أكتوبر الكرام آملة أن نكون خير معين لبعضنا البعض بعد الله سبحانه وتعالى لأن الغالبية العظمى منا انتقلت لأكتوبر نظرا لظروف العمل أو غيره
ان شاء الله سوف ننتقل للمعيشة في مدينة السادس من أكتوبر في خلال شهور بعد انتهاء هذا النصف من العام الدراسي وبالطبع أبحث عن مدرسة مناسبة لأطفالي فهم في مدرسة لغات في بورسعيد وهي مدرسة الفيروز الحديثة للغات وهي قسمين (لغات - ناشيونال) وهم يدرسون لغة أولى اللغة الإنجليزية واللغة الثانية اللغة الفرنسية أما عن منهج اللغة الانجليزية فهو ماكميلان Jump Aboard وطبعا أبحث عن مدرسة تدرس هذا المنهج لأن ابنتي تدرسه من أربع سنوات(الصف الرابع) فمن الصعب التغيير بعد هذه الفترة ... أما عن مكان الاقامة في أكتوبر فهو في الحي السابع المجاورة الرابعة

ولكم جميعا اخواتي واخواني جزيل الشكر والتقدير......
ميادة المصرى
02-04-2011, 03:26 AM
اختى الكريمة انا لية نفس ظروفك
فانا بدور لبنتى على مدرسة علشان اقدم لها kg1 لاننا هننقل اكتوبر الشهر دة خلاص
عموما من مجال خبرتى البسيطة من خلال التليفون اقولك انى لقيت مدرستين بتدى نفس المنهج ماك ميلون ...
مدرسة الهدى الازهرية ... ودى سعرها 7500 غير الباص وممكن تدخلى على موقعها وتشوفي صورها
ومدرسة المدينة الخاصة للغات ودى معرفش سعرها
واكيد فية مدارس تانية بتدى المنهج دة بس دول اللى انا اتصلت بيهم مؤقتا لحد ما انقل لانى مشغولة بالموضوع دة دلوقتى .
مش هوصيكى طبعا
لو وصلتى لمعلومات عن مدارس مستواها كويس تفيدنى معاكى
Desire
04-04-2011, 08:05 PM
السلام عليكم ميادة
أهلا وسهلا بيكي يا عزيزتي
ان شاء الله تنتقلي بالسلامة وان شاء الله نلاقي اللي بندور عليه قبل نهاية هذا العام الدراسي
شوفي يا ستي انا لقيت مدرسة الرائد المصري ودي في الحي السابع المجاورة الثالثة بس لسه معملتش اتصال معاهم
ومدرسة رياض الصالحين
ومدرسة الروضة الحديثة
في موقع اسمه Egypt School فيه كل مدارس مصر ادخلي على الجيزة >> مدينة 6 أكتوبر وهتلاقي كل المدارس موجودة
ولو وصلتي لمدرسة بتدي Jump Aboard ابقي سيبي لي اسمها
ونورتي الموضوع ويارب نتقابل في الخير ان شاء الله
navy
19-04-2011, 03:58 AM
السلام عليكم و رحمه الله و بركاته ..
من فضلكم ياجماعه حد يدينى رائيه فى مدرسه النصر التجريبيه الى فى المتميز ..انا هنتقل للسكن فى مدينه 6 اكتوبر بعد نهايه العام الدراسى و عايزه احول لاولادى فى المرحله الاعداديه و الثانويه فى مدرسه تجريبيه او لغات بس ماتكنش غاليه لانى سألت على المصاريف فى مدرسه رويال و طبعا اتصدمت من المبلغ الى اتقلى .. ياريت حد يفيدنى و يقلى على المدارس الكويسه لانى ماعنديش اى فكره عن اى حاجه فى اكتوبر.
ميادة المصرى
31-05-2011, 11:22 PM
اشكرك اختى desire انا خلاص استقريت على مدرسة سيتى .. سمعت عنها انها كويسة جدا بس ان شاء الله السنة الجاية بتمنى انى انقلها الخليل ...
بصراحة كان نفسى ادخلها مدرسة اسمها سوبر جلوبل بس عرفت ان مصروفاتها غالية جدا .. فقلت خلينا في المعقول
مدرسة الخليل هى بتهتم شوية بالناحية الاسلامية رغم انهم مش بيحبوا يقولوا على نفسهم مدرسة اسلامية مش عارفة لية
عموما بالنسبة لمدرسة سيتى فرع اكتوبر ناشيونال بس ... ومصروفاتها 8800 غر الباص طبعا
ادعيلى انقلها السنة الجاية على الخليل.
اما اختى نافى ... اية رينج المدرسة اللى بتسالى عنة ؟
انا بصراحة لفيت تقريبا على اغلب مدارس اللغات والدولى .... لكن التجريبي بصراحة مرحتوش ... لو تحبى تسالى عن حاجة معينة اتمنى انى اقدر افيدك فيها
وربنا معانا كلنا
ميادة المصرى
31-05-2011, 11:25 PM
اشكرك اختى desire انا خلاص استقريت على مدرسة سيتى .. سمعت عنها انها كويسة جدا بس ان شاء الله السنة الجاية بتمنى انى انقلها الخليل ...
بصراحة كان نفسى ادخلها مدرسة اسمها سوبر جلوبل بس عرفت ان مصروفاتها غالية جدا .. فقلت خلينا في المعقول
مدرسة الخليل هى بتهتم شوية بالناحية الاسلامية رغم انهم مش بيحبوا يقولوا على نفسهم مدرسة اسلامية مش عارفة لية
عموما بالنسبة لمدرسة سيتى فرع اكتوبر ناشيونال بس ... ومصروفاتها 8800 غر الباص طبعا
ادعيلى انقلها السنة الجاية على الخليل.
اما اختى نافى ... اية رينج المدرسة اللى بتسالى عنة ؟
انا بصراحة لفيت تقريبا على اغلب مدارس اللغات والدولى .... لكن التجريبي بصراحة مرحتوش ... لو تحبى تسالى عن حاجة معينة اتمنى انى اقدر افيدك فيها
وربنا معانا كلنا
navy
06-06-2011, 06:50 AM
مرسى اوى عزيزتى desire على الرد بس انا عملت جوله على النت على مدارس اكتوبر وقرات العديد من تعليقات اولياء الامور ولاحظت ان المعظم متفق على راى واحد وهو ان احنا فى جميع الحالات هندى دروس خصوصيه فالاحسن ان الواحد يقدم فى مدرسه تجريبى ويدى دروس لان برده لو قدمنا فى لغات هندى برده دروس ..وكان بعض الناس بيشكر فى مدرسه النصر التجريبيه الى فى المتميز ..فلو تعرفى او اى حد عنده خلفيه عن مستوى المدرسه دى يفدنى لان التحويلات هتكون خلال الشهر ده .. ارجوكم سعدونى لانى ماعرفش اى حاجه فى اكتوبر ربنا يكرمكم ..وشكرا على الاهتمام و الرد .