برفض حبك بالإصرار

[ابو اسامه]

أيوه رفضت الجنة معاك
وبرفض حبك بالإصرار
هنسى وهقسى
وهعمل شط لقلبي ومـــرسى
وخلى سفينة الحب ياروحى
ترسى وتاجي لبر أمان
منا في البحر غريب مش عارف
أبحر وأمشى في أي مكان
توهتينى وعذبتينى .. قلبك
حتى ملوش عنــــــــــوان
لازم أحاول حتى ولو ضد التيار
لازم أرسى لبر أمان
بحرك غدا ر.. موجك عالي
رافض ضمه بشوق وحنان
كنت بحس بقلبك عادى
وبحرك هادى
وأنتي سفينة وأ نا القبطان
كنت مليش غير دنيتك أ نتي
حضنك أ نتي
وأنتي الدم وأنا الشريان
كنتى القمر اللي ينورلى
اللي يسهرني اللي يخليني
ها يم بيكى في كل مكان
جنتك أنتي كلها نار
كلها عوم ضد التيار
كلها ذل ومر وحيره
كلها عيشه دمار في دمار
ليه سبتينى أغرق فيكى
وأشتاق ليكى
الله يسامحك
خليتي عيشتي مرار في مرار
توبت يا ست الكل يطاهرة
توبت خلاص وكرهت النار
لكن جنتك أ نا برفضها
وبرفض حبك بالإصرار
برفض حبك بالإصرار
*******
مع تحيات/ أبو أسامه

[الرومنسى]

جميلة منك ابواسامة
دائما متميز

[ابو اسامه]

شكرا لك اخى الغالى رومنسى على مرورك العطر ..

[ابو اسامه]

أحبائى الكرام .. هذه الكلمات قاسية .. خرجت من القلب .. قلب مدبوح .. لما لم تردوا عليها .. معذرة لقسوة كلماتى ..