المساعد الشخصي الرقمي

مشاهدة النسخة كاملة : مغامرات الطبخ العالميههههههههه


DMR
03-09-2009, 06:42 PM
السلام عليكم و رحمة الله و بركاته

اعضاء منتدانا الرائع


موضوع حلقتنا النهاردة..

عن

مغامرات الطبخ العالمية

كل واحد/ه فينا ليه/ا مغامرات فى المطبخ لاتنسى

مواقف كوميديا http://www.haridy.com/ib/images/smilies/happy.gif

مأساوية http://www.haridy.com/ib/images/smilies/mog.gif

مبكية :50 (8):
و احنا صغيرين أو و احنا كبار

عايزة جميع الاعضاء يشاركو

تحياتي لكم
:50 (31)::50 (31)::50 (31)::50 (31):
DMR
03-09-2009, 06:49 PM
انا هبدأ

كان في يوم عندنا ضيوف و ماما قلتلي اعملي عصير ليمون دخلت المطبخ و حطيت الليمون و الميه في الخلاط و جيت بقى على السكر اخذت كيس السكر و كنت بفتحه .:eek:.:eek:.:eek:. كله وقع في الارض
:1 (17)::1 (17):
و حاولت اجمعه علشان ماما متتضايقش و طبعا الارض كلها لزقت
:50 (2)::50 (2)::50 (2):
و انا اعدة امسح و امسح بس في الاخر ماما عرفت
:50 (3)::50 (3)::50 (3)::50 (3):

منتظرة مشاركتكم كلكم
:50 (7)::50 (7):
محمود التهامي
03-09-2009, 09:56 PM
للأسف مليش مغامرات وبعرف اعمل كام اكلة كدا عالماشي

بس افتكر واحد صاحبي من ايام ثانوي مكنش عمره دخل المطبخ ومره كانت والدته مش موجوده وكان جعان ومكسل ينزل يشتري اكل فقرر يعمل بيض مقلي
وباين عليه مكنش سمع عن حاجه اسمها سمنة او زيت فكل اللي عمله انه كسر البيضة في الطاسة وبالهنا والشفا

ههههههههههههههه
دعاء الكروان
03-09-2009, 09:56 PM
lموضوعك جميل يا دى دى
بس انتى ما قلتيش ما ما لما كشفت الحكاية عملت اية
DMR
03-09-2009, 10:48 PM
هههههههههههههههههههه
اكيد مكنش يعرف حاجة اسمها زيت و لا سمنة
شكرا لمشاركتك يا محمود
DMR
03-09-2009, 10:48 PM
أبدا و الله يا دعاء متضايقتش اوي لأني نظفت المطبح
fagrmasr01
04-09-2009, 12:11 AM
هههههههههههههه
فكرتك حلوة اوى يا دى دى
انا عن نفسى باحب المطبخ اوى
وساعات باساعد فى غسيل الاطباق
ولو ان مراتى بتعيد عليهم تانى
و
و
كل ما يتكسر طبقين تلاتة ( ودا بيحصل طبعن كل مرة ) لازم بسررررعة اشترى لهم دستة اطباق ...... هههههههههههه
مش خوف .. لالالا .. بس اهو .. يعنى ..
وعلى فكرة بئه.. لما المدام بتحس انها عايزة اطباق بتطلب منى اساعدها .. وانا كل مرة ... بسلامة نية طبعن باساعد... واشتررررى
محمود التهامي
04-09-2009, 12:37 AM
هههههههههههههههههههههههههههههه

ضحكتني والله يا عم جمال

طيب عندي بقا المدام هي اللي بتكسر
فكرة حلوة بتاعه التعويض دي

وللا بلاش احسن متدخلش المطبخ تاني واتدبس انا

ههههههههههههههههه
DMR
04-09-2009, 03:39 PM
ههههههههههههههههههههه
مغامرتك حلوة اوي يا استاذ جمال شكرا على المشاركة
قمر
09-09-2009, 10:58 PM
حلوه الفكره يادىدى
انا مره حصل معايا موقف
مره وانا صغيره وماما بتشيلنى
دخلت المطبخ عشان تحمر بطاطس
قعدت اعيط اعيط عشان ماما تشيلنى
شالتنى وهى بتحط البطاطس فى الزيت
وطبعا الزيت طرطش عليا
حرمت ادخل المطبخ تانى
خلود
10-09-2009, 01:56 AM
اكيد الفكره لذيذه اوى يادى دى وطبعا الذكريات كتيره

افتكر مره ماما اتصلت على التليفون وانا حاطه لحمه بسويها وفى بدايه المكالمه قلت لها

فكرينى ياماما انى فيه حاجات على النار

قوم ياستى قعدنا نحكى فى موضوع وصل تلاته ارباع ساعه والبوتاجاز عالى مفتكرتش الا

لما شميت الريحه وكانت النتيجه اننا اغدينا تونه فى اليوم ده
DMR
10-09-2009, 02:29 AM
ههههههههههههههههههههه
حكاية حلوة اوي يا خلود شكرا لمشاركتك في موضوعي و منتظرة بقيت الاعضاء
DMR
19-09-2009, 12:59 AM
انا حصل معايا مغامرة فظيعة من يومين
:36_3_1[1]::36_3_1[1]:
كنت بنظف لماما المطبخ و هي مش موجودة
و كان في زجاجة تمر هندي حمضتت فطلعت غازات و الزجاجة خلاص هتنفجر و هي مغلقة
و كنت لسة مخلصة المطبخ و بيبرق على الاخر

فاخذت زجاجة التمر و كنت هرمي التمر في الحوض و بفتحها براحة علشان متنفجرش بس على مين بقى انفجرت و طلعت للسقف و الحيطة و المطبخ اعد يمطر تمر هندي و انا اتبهدلت و اختي جت و اعدة تضحك رحت مهزأها و رجعت تاني من حيث اتت و هي ساكتة ههههههه
و طبعا المطبخ كله بقى ملزق فاعدت امسح الحيطة و غسلت كل حاجة تاني كانت موجودة و نظيفة و ماما رجعت و حكيتلها اللي حصل اعدت تضحك :storm_9401257127043
و بس


منتظرة مشاركتكم كلكم
اميرة حبى انا
19-09-2009, 04:24 AM
حلو اوعى الموضوع يا دى دى
وحلوة اوى مشاركات الناس العسل
مبدأيا ولحد ما أفتكر اكتر
وبمناسبة رمضان
مرة كنت عايزة احط قطعة قمر الدين فى ميه عشان تدوب واعملها
بدل ما اخد ازازة ميه اخدت ازازة الخل
وماخدتش بالى الا لما دلقت الازازة كلها على القمر الدين
ومرة يا ستى كنت عاملة صينية فى الفرن مش فاكرة ايه اصلها بتحصل كتير والله
المهم حطتها على التربيزة فى المطبخ
وابتديت اخرج الاكل برة عشان نتغدى
ونسيت ومسكت الصينية اللى لسه طالعة من الفرن بايدى
وكملوا هما تحضير الاكل
lionking
19-09-2009, 02:35 PM
حلوة اوى الفكرة يا دى دى

اقولك على موقف بس ده حصل زمان وانا فى الجامعة وكنت عمرى ما دخلت المطبخ وكنا فى الشتا

ماما كانت بتعمل شوربة عدس
قالتلى ادخلى يا حبيبتى صفى العدس

ان ان ان آآآآآآآآآآآآآآآآآآآآآآن

ودخلت انا وطبعا بما انى جاهلة جدا وبمنتهى الثقة جبت المصفى وحطيتها على الحوض وابتدبت اصفى العدس

واذا بالعدس بيجرى فى الحوض وفجاة بححح مفيش عدس

فضلت واقفة ابص:50 (8): :50 (8): لأ وجاتلى حالة وانا شايفة اللى بيحصل وبكمل تصفية مش عارفة اوقف المهزلة

وجت ماما طبعا بعد ما سمعتنى بصرخ
:50 (8):
وبصت ع العدس والحوض والمصفى وبمنتهى الاندهاش والتحكم فى النفس

اطلعى بررررررررررررررررررررررررررررررررررررررررررررررررر رررة
:50 (8)::50 (8)::50 (8):
ومن يومها يا امى وانا بكره شوربة العدس لغاية يومنا ده

وما افتكرش انى عملتها من يوم جوازى لغاية يومنا ده
الا 3 مرات
DMR
19-09-2009, 06:40 PM
ههههههههههههههههههههههههههههههه
ههههههههههههههههههه
شكرا لمشاركتكم كلكم و عايزة مشاركات اكتر و اكتر
شكرا اميرة لمشاركتك الرائعة و الجميلة
:50 (31)::50 (31)::50 (31):
شكرا يا ليون على المغامرة الجميلة دي
تسلم ايدك
:36_3_1[1]::36_3_1[1]:
:36_3_12[1]::36_3_12[1]::36_3_12[1]: