بجد زهقت واعصابي تعبت من الكابوس اللي اسمة المدارس التجريية ارجوكم ساعدوني

[ميرو2000]

:50 (8): :50 (8):ا
نا مستنية تنيجة تنسيق المرحلة لتانية لرياض الاطفال بالمدارس التجريبية والي الان مفيش جديد كل ماتصل لسه لسه خليكي متابعة افضل لامتي اتابع والمدارس خلاص شهر وتدخل وابني عنده 5سنوات في اول اكتوبر يعني لوراحت السنة ديه هوديه فين السنة الجاية وهيكون عمره 6سنوات وطبعا السة ديه حتي المدارس الخاصة قفلت باب التقديم ارجوكم اللي عنده اي معلومة جديدة يفيدنا

[محمود التهامي]

والله يا ميرو عنوان الموضوع خضني
بس براحه على نفسك شوية
لو هتعملي كدا عشان تنسيق ابتدائي طيب هتعملي ايه في التنسيق الجامعي ان شاء الله
وبعد اذنك يعني ... هي ايه المشكلة لما ابن حضرتك يدخل المدرسة 6 سنين
انا اختي لما دخلت المدرسة بس كانت حكومي مش خاص ولا تجريبي كانت 7 سنين الا 5 ايام لانها مواليد 5 اكتوبر شوفي الذل بقا
يعني اتأخرت سنة بحالها عشان 5 أيام
هدي اعصابك وريحي بالك شوية واللي ربنا عايزه هيكون

[ميرو2000]

والله المشكلة انه بسبب التأخير ده مش هيدخل مدرسة خاصه هضط ادخله حكومي لان 6سنوات السنة الجاية يعني لا هيقبل في تجريبي ولا خاص وانا بصراحة مش عايذه ادخله مدرسة حكومي والله العنوان اللي كتبته ده فعلا اللي حاسه بيه من كتر الانتظار لان كل الادارت التانية ظهرت الا ادارة 6 اكتوبر واما تسأل يقولو اصل ده خطأ من الموظفين عشان عملو تنسيق المرحلة الاولي غلط ده غير ان لو النتيجة ظهرت قدمنا اسبوع لسداد المصروفات ولو مسددتش يروح عليه مكانه طب افرض احنا عدينا اسبوع ومسألناش لاننا زهقنا من الانتظار يبقي خلاص ولا نعرف حاجه بجد اللي بيحصل ده مش طبيعي واسفة للاطالة وشرا علي الرد

[محمود التهامي]

والله المشكلة انه بسبب التأخير ده مش هيدخل مدرسة خاصه هضط ادخله حكومي لان 6سنوات السنة الجاية يعني لا هيقبل في تجريبي ولا خاص

حضرتك متأكدة من المعلومة دي ؟؟

أنا اعرف انه فيه حد أدنى للقبول اللي هو في الغالب بيكون 5 سنين و 6 شهور
لكن هو فيه حد أقصى ؟؟؟
ياريت حضرتك تتأكدي من الموضوع دا

[om sohaila]

اهلا يا ميرو
منورة المنتدى يا قمر
شوفى يا حبيبتى الحال من بعضة
انا عالطول تلاقينى هناك فى الادارة التعليمية
انا كمان بنتى عندها 5 و 21 يوم
يعنى السنة الجاية مش هتقبل
و اعصابى مدمرة و الله زيك
لان اختها فى تجريبى و حرام تبقا اقل منها و لو دخلتها خاصة يا ستى عشان يقبلوها عيزينى ادفع السنتين مع بعض يعنى 12000 جنية
يعنى لا طايلة سما و لا ارض

المهم ان شاء الله المرحلة التانية هتظهر الاحد البعد الجاى
لان دخلو 10 فى المية زيادة على المرحلة الاولى
و بقا التنسيق الحد الادنى 5 سنين و 2 شهر و 16 يوم
و قلتلهم دى المرحلة التانية قالولى لا ب س لقوا عجز فى المدارس فكملوا المرحلة الاولى
يعنى تهريج
الادارة اللى فى السادس لا يفقهوا اى شيء فى اى شيء
فبروح الادارة التعليمية اللى فى الشيخ زايد

على العموم واحد ولى امر لقيتة بيجمع اسامى الاولاد الصغيرين اللى زى اولادنا و اخد ارقام تليفونتا و قال عشان نعمل تظلم جماعة
يعنى العيال ما قبلوش السنة دى و لا هيقبلوا السنة الجاية لانهم عدوا السن
يبقا اية يترموا فى الشارع

لو كدا انا هقولك باذن الله عالطول

انا رغيييت كتير
استحملينى ههههه
بس مقهورة و الله

دمتى بامان الله

[om sohaila]

ايوا يا استاذ محمد للاسف فية حد اعلى و هو 6 سنوات بالظبط
يعنى 6 سنين و يوم ما يخدوش الملف من اساسة

[ميرو2000]

ياحبيتي لا مرغتيش ولا حاجه بالعكس كلامك ده ريحني شوية لا نك عايشه معايه نفس المشكلة وخصوصا انك بتث
بتقدري تروحي الادارة التعليمية وتسألي بنفسك لكن انا مش موجوده في مصر حاليا وقدمتله وكنت متوقعه ان النتيجة هتظهر زي السنة اللي فاتت بسرعه لا نه كنت مقدماله السنةاللي فاتت وكان التنسيق الأول 5 سنين وشهرين والتاني 4 سنين و9 شهور والكلام ده كله كن في نص 8 مش احنا في اول 9 ومفيش اي حاجه ربنا يباركلك اي حاجه جديدة تعريفها تقوليلي لاني كده هبأه واثقه في كلامك لانك معايه عالخط وانا في مصر اخواتي بيسألو باستمرار س موصلوشش لحاجه وكل مايتصلو يقلولهم لسه اتصلو يوم الاحد معرفش ايه حكاي يوم الحد ده انا اللي طولت المرة ديه بس مستنيةالرد

[ميرو2000]

ياستاذ محمود هما فعلا في التجريبي او الخاص ميقبلوش الطفل سنه 6 سنوات لا ن سنه كده اصبح ينفع يدخل مدرسه حكومي لان زي حالة اخك اتأخرت عشان 5 ايام فديه عادي كده كده سنه مش جايب الجكومي لكن لو اصبح سته يبقي مفيش قدامنا غير الحكومي وانت اكيد عارف حال المدارس الحكومي اصبح ازاي دلوقتي

[ميرو2000]

وكمان يام سهيله انا نسيت اقولك اني برضه مقهورة جدا زيك وانا برضه لو وصلت لاي جديد هكتبلك وجزاكي الله كل خير وربنا يكرمنا ويريح قلبنا

[ميرو2000]

ام سهيلة انا كنت داخله اقولك عالخبر الجديد ده بس استاذ احمد سبقني مع الرغم اني كنت اتمني انه يكون مش صحيح حسبي الله ونعم الوكيل

[om sohaila]

يا نهار ابيض يا ميرو
طب و بعدين
و انتى عرفتى منين هما علقوا النتيجة و لا اية
كنت انهاردة بدفع مصاريف بنتى الكبيرة و المدارس لسة ما علقتش حاجة
حتى المديرة قالتلى فى المرحلة الرابعة بناخد 4 سنين و 8 شهور
مش عارفة حاسة ان الدنيا ضلمت قدامى

[ميرو2000]

من سلفتي اصلها بتتصل بيهم باستمرار عشان تعرفلي وانهارده اتصلت قالولها 5 سنين وشهر و29 يوم وقالولها هيبقل في التنسيق الثالت انا بصراحة مش مقتنعه تالت ايه ورابع ايه ماهم اول ما اقدمت قالولي 5 سنين هيبقل ولما ظهر التنسيق الاول قالولها لا اكيد هيبقل في التاني طب وبعدين ده الثالث هيظهر بعد دخول المدارس بشهر وكده خلاص السنة ديه راحت هي كمان زي اللي قبلهامنهم لله اخرت ابني السنة اللي فاتت علي امل انه يدخل السنة ديه وده اللي مكنتش متوقاه خاااااااااااالص وبرضه مش عارفه اعمل ايه وخايفه اقدمله هنا وبعدين تظهر نتيجة الثالث انه اتقبل والواحد خايف من الاوبئه وانتي عارفه ان السعودية كله جنسيات مختلفة والمرض منتشر اليومين دول وربنايستر ده غير المصاريف وان الواحد هيضطر مينزلش الافي اجازات المدارس والله انا في حيره صحيح انتي مقدمه في مدرسة ايه معل طولت عليكي

[om sohaila]

صباح الفل يا ميرو
ان شاء الله يقبلوا و الله بدعى من كل قلبى
باذن الله التنسيق الثالث كمان اسبوعين يعنى على اول الدراسة مش اول نوفمبر اللى اول نوفمبر دا التنسيق الرابع

انتى استنى شوية لغاية اول الدراسة و نأمل من الله ان الاولاد يقبلوا
و طبعا عندك حق تخافى يا بنتى الله يكون فى عونك00 دا انا هنا فى مصر اهو و ماشية بالمناديل المطهرة للبنات ههه لما بقيت عاملة زى اللى بيشتغلوا فى وزارة الصحة
ا

و بالنسبة للمدرسة اللى قدمت فيها تخيلى لغاية دلوقتى ما رستش على حاجة بس مش هيبقا قدامى غير ام المؤمنين لان باقى المدارس عيزين اثبات قيد انها كانت فى مدرسة لغات و اخدت كى جى 1
لكن ام المؤمنين قالولى نمتحنها الاول و بعد كدا ربنا يسهلها و انا الحمد لله كنت بذكرلها مع اختها
المهم يا ميرو المصاريف يا حبيبتى حساها كتيرة قوى
دا الباص ب 1800 و اللبس ب 600 و المصاريف ب 3900 و لسة فية كتب كمان يعنى مواااااااااااال
دا انا دافعة مصاريف لاختها 340 جنية و البس من المدرسة ب 200
شوفى بقا يا ستى الفرق
مش حرام بالذمة

[ميرو2000]

مساء الخير ياسهيلة اه هي مدرسة ام المؤمنين غاليه كنت بتصل بيالتليفون اسأل عن مدارس السنة اللي فاتت اتذكر كانت مصاريفهم بالباص 6500 تقريبا او 6000 بس انتي ممكن متخديشالباص بس هو فرق كبير بصراحه حرام وهنا نفس القصه المصاريف حوال 5000 ريال يعني مايعادل7500وعندي اخوه قرب يكمل 3 سنين يعني عايزنلهم 15000 في السنة يعني حاجه تحرق الدم بس مش عارفه التنسيق عال كده ليه ده السنة اللي فاتت التنسيق التاني كان 4 و9 شهور ولوزي مابتقولي الطلبة للي في البدرشين وكده فمتهيألي في اوولية للسن وكمان المربع السكني ومش هقولك انا مدرسة الشيخ زايد التجريبي اللي في الحي الاول انا بيني وبينها 5 دقايق مشي عني جنبها اوي اكيد في حاجه غلط وبصي في مدرسة في شارع انس بن مالك من شارع شهاب المهندسين اسمهاها المنار الاسلامية ديه مصاريفها للغات مبتعديش 2500بس مشكلتها انها بعيده بس مستواها كويس علي ماسمع كنت هقدمله فيها سنة واحوله لكن قالولي في التجريبي هدخليه وتجي تحوليله هينزلوه سنة وانتي مستعجله علي ايه وكلام من ده عموما ربنا ييسر الحال بس هي اختها في سنة كام انا اسمع ان كاجي 1 مصاريفها 350ج باللبس مش عارفه ده صح ولا ياله ان شاله تكون الف اهي ارحم م المبالغ التانية مش كده ولا ايه ؟؟؟

[om sohaila]

و الله يا ميرو انا عندى انهاردة احباط شديد جداااااااااا
الميس بتاعت بنتى كنت مخلياها تتابع الموضوع و اتصلت عليا انهاردة قالتلى ان ما فيش مرحلة ثالثة لان اغلب الاولاد بتوع المرحلة الاولى دفعوا المصاريف و المرحلة التانية الاعداد ما تتجاوز ال 9 فى كل مدرسة يعنى المدارس استكفت

تخيلى بقا مدى الاحباط
و قالتلى لا هينفع تظلم و لا حاجة
بس انا هحاول كدا و جوزى انهاردة هيتصل بكم ولى امر و ربنل يسهل

و لو كدا هترسى انى ادخلها خاص و امرى لله

تخيلى مامتى بتقولى دخليها السنة الجاية حكومى و خلاص ههههههه كلهم بيتساوا فى الجامعة
الصراحة مش متخيلة البنت فى فصل فية 70 طفل


انا فى كاااااااااابوس
من السبت هنزل اشوف مدرسة ااو اعمل تظلم او اى حاجة
انتى اية رايك؟؟؟؟
شورى عليا

[om sohaila]

اختها فى كى جى 2
و المصاريف 340 بالمستوى الرفيع
و اللبس يعملة بتاع 280 او 300
صيفى و شتوى

[ميرو2000]

انا اصلا مش مقتنعه بحكاية المرحلة التالتة ديه
متخيله اصل حماتي بتقولي مالسنة اللي فاتت ادخله حكومه واجبله مدرس انجليزي اصلها مديرة مدرسة عالمعاش فهي فاكره ان تعليم الحكومة زي ايام ماكانت بتدرس متعرفش انه مبقاش في تعليم اصلا
هم يبكي وهم يضحك
ودلوقتي مفيش غير حالين
1 تشوفي وسطه كبيرة يعني عضو في مجلس الشعب وتاخدي منه استثناء
2- تقدمه في مدرسة خاصة وامرك لله
وحكاية مجلس الشعب ديه بجد مش بهزر انا المديرة السنة اللي فاتت قالتلي لو جبتي وسطه من عضو مجلس شعب هيستثني وندخله رغم انه كان سنه 4 سنين شوفتي الكوسة
وشوفتي بأه الجديد اكتشفت امبارح ان ابني التاني مش هيدخل تجريي لانه في اول 10 الجاي يبقي عنده 3 و8شهور واللي بعدها 4و8شهور يعني يدخل كاجي وهو عنده 5و8شهور فانا عند حل رشحي نفسك ي مجلس الشعب يمكن تنفعينا اما نيجي ندخله :50 (8):

[gangana]

ربنا معاكم ان مش عارف ايه الخبر
بس والله حبيت اشارك معاكم وانقل خبرتي
اللي انا اعرفه للاسف الشديد ومجربه ان التنسيق بيبقي فيه العاب اللهم اني صائم
عشان كده اللي يعرف حد في احد المدارس منهم يروحله ةيرتب معاه الامور حتي لو فيها تبرعات المهم الاولاد ياخدوا مكانهم ويتعلموا وحسبي الله ان في البلد دي الكبير يبقي فرصته تروح وهو الاولي بيها المهم يا ريت تقولولي ايه اخبار سمعه المدارس التجريبي في اكتوبر انا خايف انقل اولادي وانقل لسكني في اكتوبر بسبب المستوي لانهم متفوقين في المدرسه اللي فيها
الله الموفق للجميع وده نصيب وقدر بس نسعي

[gangana]

لا لا انتوا صعبتوها اوي
بصوا بقي يا مدام ميرو ومدام ام سهيله
ممكن تدخلوا العيال خاصه سنه وتنقلوه وان شاء الله مش هاتنزلوهم سنه
وانا عملت كده مع اولادي مع اني كان عندي واسطتين من مجلس الشعب وكمان الوزاره
لكن ما نفعنيش حد منهم غير التفاهم زي ما قلتلكم وكل واحد لازم ليه مدخل ولكن ارجوا ان لا تعتبروه تحريض علي الرشاوي وربنا يسامحني
انا بتكلم في تيسير حق الاولاد طالما هايتضرروا وسنهم اصلا هو الاحق من غيرهم:1 (11):

[ميرو2000]

شكرااوي علي مشاركتك ياأستاذgangana بس المشكلة فين المدارس اللي لسه فيها تقديم ده المدارس خلاص عالأبواب
وانا سألتهم السنة اللي فاتت وكان الولد عمره 4سنوات اقدمله خاص وارجع احوله كمان سنة قالولي هتدفعي فلوس عالفاضي وبرضه هينزل السنة ديه
وده طبعا لاني مكنتش متخيله ابدا انه ميتقبلش السنة ديه فقلت خلاص يتأخرسنة لاني بصراحة اما دخلت المدرسة لقيتها متفرقش اي حاجه عن المدارس الخاصه وارتحت جدا لمعاملة المدرسين وطول بالهم مع الواحد وكأنهامدرسة
خاصةوبرضه قولتلهم ياجماعة لو في اي تبرعات ان علي استعداد وكان الرد مفيش شفاعه في السن
وهنحاول معاهم السنة ديه يمكن يقبلو تبرعات وربنا ييسر

[om sohaila]

السلام عليكم و رحمة الله و بركاتة
اللهم انك عفوا كريم تحب العفو فعفوا عنا


اخبارك اية يا ميرو
تخيلى فكرة بردوا ان ارشح نفسى فى المجلس بس المصاريف على الاتنخابات بالنص ماشى و يا ستى اعتبرى كتاكيتك داخليييييييين المدرسة من انهاردة و لا اقولك انا هعملهم هما و عيالى مدرسة لو حديهم
ههههههه


بقالى فترة ما بدخلش عمالة الف على المدارس
القاهرة للغات قالتلى لازم تنزل كى جى وان 00 قلتلهم يعنى طفلة عندها 5 سنين تقعد مع اولاد عندهم 3 سنين و نصف دى تبقا امهم
قالولى خلاص هاتى اثبات قيد قلتلهم ما البنت ما دخلتش من اساسة قالولى اتصرفى باى شهادة (الحدق يفهم بقا )

رحت مدرسة ام المؤمنين و قالولى بردوا لازم اثبات قيد يعنى رضيت بالهم و الهم مش راضى بيا
لان مدرسة ام المؤمنين من قد كدا من الناحية التعليمية زى ما سمعت

المفاجاة بقا جوزى كلم الراجل اللى بقولكم بيجمع الاسامى عشان نعمل شكوى
قالوا اصل انا خلاص اتصرفت انتم بقا ممكن تعملوا شكوى و ربنا معاهم (بعنا فى اول محطة هههه)

حد يعرف يا جماعة لو دخلتها دلوقتى كى جى 1 و هى سنها 5 سنين و جيت احولها بعد كدا فى تجريبى هل هتنزل سنة و لا لا
عشان سنة هيبقا موازى لسن التجريبى

اذا كان كدا ادخلها كى جى وان و خلاص

انا خلاص تعبتتتتتتتتت
و بعدين معقول ادخل على اى مدرسة كدا و اقولها انا ممكن ادفع تبرع
و اللى عرفاها بتاكدلى انوا ما ينفعش

[gangana]

هههههههههههههههههه يا بنتي بقولك كان لازم تدعبسي علي المعلومات من اي حد سبقك وتعرفي مين صاحب القرار ---- انا طبعا قلبي معاكم والله وربنا ان شاء الله يختار له اللي فيه الخير ز اولا انتي بتتفقي علي نقله الاول ---- قبل حتي ما يدخل الخاصه وتقدمي في خاصه او حتي عربون عشان ما يفقدش السنه -- وتبقي تسحبي الورق لو قبل في التجريبي - -- وما تزعليش لانه كده كده انتي غامرتي --- كانك دفعتي مصاريف بس كان هايدخل تجريبي لو كنتي روحتي للراجل الصح وغالبا بيكون مدير المدرسه بس لازم تظبطي حد يكون كاتم السر بتاعه فيها المهم طولت عليكي انتي كده خسرتي سنه من قبل --- طب ليه ما دخلتيهوش خاصه انتي عارفه ان اولادي داخلين سن اصغر عشان نقلتهم وكان ممكن اعمل فرق سنتين كمان بس انا مش بحب كده قولي ما شاء الله ههههههه-- وصلنا فين اه رابعا وخامسا الطفل التاني بيدخل طبيعي وليه الاولويه لو اخوه في المدرسه وده كمان لام سهيله لازم تعرف حقها --
سابعا وعاشرا بقي سيادتك تدوري علي المدرسه الوحشه وغالبا بيكون ما فيش عليها اقبال تدخلي ابنك ومش هاتفرق اوي kg1ولا حتي لو قعد فيها لسنه اولي وبعدين تنقلي وتتبرعي برضه بس هايكون ارخص وخلي بالك التجريبي يلزمها دروس حتي في الحضانه عشان كده زيها زي الخاصه بتتساوي حوالي 3 او 4 الاف لانك مش هاتدوري علي مدرسه كبيره اي مرحله تنقلك بس عشان ما تضيعش السنين
والله ولي التوفيق ده برضه في الاخر قدر
دعواتك لعلها ليله القدر اليوم

[ميرو2000]

:50 (8)::50 (8):
والله ياجماعه انا تعبت بجد ومش عارفه افكر :50 (8)::50 (8):

[gangana]

يا اخت ام سهيله انتي ما قراتيش كلامي كويس
وبعدين بلاش فضايح بقي عشان الكلام اللي هاقوله كل الناس عارفاه بما فيهم المسؤلين في المدارس -- ما فيش حاجه في مصر مش ممكنه والله انا طلعت بطاقه وانا في البيت
واللي عملها ما يعرفنيش ومش انا اللي طلبت منه كمان --- المهم انا مش بزور ولا بعمل حاجه غلط بس قصدي ان مصر كل شيء له مخرج ومباح -----بالنسبه ل النقل من خاص لتجريبي والله كمان انا عمال احلف ومش بهرج انا اولادي الاتنين ناقلهم من خاص لتجريبي
وسنهم اصغر من الاولاد طبعا الحمد والشكر لله وماشاء الله اللهم لا حسد
المهم المهم اقول كمان التظبيط
واستفتي اي شيخ قريب منك عشان ما يبقاش حرام بس هاتلاقي سن اصغر من بنتك زي اولادي دخلوا وانتي حقك راح
انا هاقولك حكايه اغرب فيه ام دخلت ابنها المدرسه والتاني اصغر بسنه لما تعبوها في الدراسه عشان المناهج مختلفه راحت عملت شهاده ميلاد للصغير جديده تفيد بانه اكبر سنه زي اخوه شالت القديمه من المدرسه ودخلوا مع بعض سنه تالته او رابعه ونفس المدرسه والمدير قالها اعملي كده وانا ما اعرفش حاجه خلاص اقفلي بقي الموضوع وسيبيهال علي الله لو ما عرفتيش تعملي حاجه ده قدرنا اننا مالناش حد غير ربنا وهو اكبر واحسن وراضيين بقدره
ربنا يوفق الاولاد في الحياه العمليه ان شاء الله

[ميرو2000]

طب ممكن نعرف مين اللي ممكن يخلص الموضوع ده في مدرسة الشيخ زايد الحي الاول وهل لسه في وقت ياريت نعرف

[om sohaila]

السلام عليكم و رحمة الله
كنت فى الادارة انهاردة و قالولى التنسيق الثالث بعد العيد ب 10 ايام
و لما قلتلهم ان مديرة المدرسة قالتلى ان ما فيش تنسيق تالت قالوا تقول اللى تقولة بس فية تنسيق ثالث ان شاء الله

و سالتهم لو دخلتها خاصة و حبيت احولهم تجريبى قالولى مش بينزلوهم سنة و لا حاجة يعنى هيبقا ماشين عادى جداا

و على فكرة فية مدرسة جديدة احتمال تفتح السنة دى فى الحى الخاكمس و قالولى تبعى معانا

و الله يا ميرو لو كنت اعرف حد فى مدرسة الشيخ زايد كنت قلتلك علية و عدينا ببنتى و ابنك
لكن ما باليد حيلة

بكرة رايحة اعمل انترفيو فى مدرسة فى المتميز و اشوف الدنيا هتمشى ازاى
هحاول ادخلها كى جى 2 و احجزلها مكان و ادفع نصف المصاريف مش مشكلة و استنى التنسيق التال لو قبلت يبقا خير و بركة لو ما قبلتش بقا قدر الله و ما شاء فعل و البنت ما رحتش عليها السنة دى كمان

استاذ
gangana
انت بتعرف الناس دى ازااااااااااااى طب ما تقولنا كلمة السر و انا و ميرو طيران :36_5_11[1]:

[ميرو2000]

والله انا قالولي هينزلوه ده لما كان سنه 4سنوات يمكن كانو بيشتغلوني حسبي الله ونعم الوكيل ومنهم لله

[gangana]

الواحد مش لايزم يسلم بسؤال واحد من الناس بس
لازم يتحرس اكتر من واحد مش دكتور يقولي عمليه ادخل غرفه العمليات علي طول واقول لدكتور البنج اتصل باهلي
المهم الافضل كما ذكرت سابقا ادخل ابني وعمره 4 سنوات خاصه كي جي1 وبعدين احوله ده الطفل الاول ثم بعد كده التاني هايدخل اي مدرسه تعبانه تجريبي ما فيش عليها اقبال واستحمل سنه واحوله تاني سنه غصب عن اي حد لان اخوه في المدرسه وليه الاولويه فاهمه يا ام سهيله؟
ويا اخت ميرو ربنا معاكي بقي كان لازم تظبطي نفسك قبلها بسنه وتتعرفي علي الناس وتروحي كل يوم زياره زي ام سهيله النشيطه وتروحي الاداره لغايه ما تلاقي حد يدلك ويقولك تعالي اعملي كذا بس طالما ربنا مش رايد يبقي ما فيش توفيق وده مش هاقدر اعملك فيه حاجه انا كمان ما كنتش اعرف حد بس الحمد لله ربنا سهلها
وكنت بدفع في خاصه عربون احجز مكان واستني التنسيق ولما اخلص بسحب الملف تاني واخد او ما اخدش الفلوس مش مهم المهم اني ضمنت مكان مش احسن من السنين اللي ضيعتوها علي الواد الله يخرب بيت الفلوس والغربه

[gangana]

:1 (16): وبلاش طيران في التاني السلامه
كل عام وانتم بخير

[ميرو2000]

والله يااستاذ gangana واضح انك شاطر اوي
وده مش معناه انك تتكلم وتغلط من غير ماتبقي عارف حاجه
بتقول احسن من السنين اللي ضيعتوها علي الواد الله يخرب بيت الفلوس والغربه
وكأنك فاكرنا مسافرين ومتغربين ومش في دماغنا مصلحة ابننا وانت مش من حقك اني ابررلك بس بجد كلامك نرفزني من قالك اني ساكته وللعلم انا لسه جايه السعودية من شهرين واغلب تواجدي في مصر والا كنت دخلته هنا وانا سعيت السنة اللي فاتت وقالولي مفيش شفاعه في السن بنفس اللفظ والكلام ده مالمدرسين والمديرة
وجد الولد جاب وسطه وبرضه مقبلهوش وقالولي هينزلوه سنه فمش مالمنطق اني ادفعله 6000ج عالاقل وينزلوهولي سنة
وسألتهم قبل السفر اكدولي انه هيتقبل وعادي انه مسافر اهم حاجه يدفع المصروفات وبس فياريت قبل ماتتكلم تعقل الكلام اللي بتقوله وطبعا انا كنت بكلمهم علي تبرعات للمدرسة وقالولي برضه مينفعش لكن انت بتتكلم علي رشوة وانا والله معنديش الجرأه اني اقول لحد كده وربننا ييسرلنا الحال واللي ربنا رايده هيكون

[gangana]

استغفر الله
ارجوا قبل اي شيء اهنئكم بالعيد ويارب يجعله مبارك وسعيد عليكم
الاخت ميرو انا مش قصدي خالص لا اتريق ولا حتي اتدخل في ما لا يعنيني ولكني كنت ساخر علي نظامنا هنا
انا لست شاطر ولا اطيق الرشوه اصلا وبدفع في المرور 500 ظلم ولا اعطي عسكري جنيه في الشارع
ولكن هي فعلا رشوه حتي لو كانت علي شكل تبرع وربنا ان شاء الله يغفر لاننا مجبورين
انا اتربيت في السعوديه وعارف اننا بندفع ضريبه ده الاولاد
لكن احب اقولك كما ختمت من قبل انها مشيءه الله وقدره لازم نرضي بيه ولو اجتمعت الانس والجن مش هاتعمل حاجه
وابنك هاياخد نصيبه انا بس بسخر من الدنيا ومن فيها اللي خلونا نعمل كده
وربنا ان شاء الله يوفق ابنك وتفرحي بيه
واسف مره تانيه لو كنتي فهمتيني غلط وتضايقتي مني
احنا هنا اخوه نتمني خدمه بعض
ولو في حاجه كنت اقدر اعملها كنت هاتلاقيني بكلمك من غير ما تطلبي انا عندي اولاد زيك
ربنا ان شاء الله بيفرجها بعد ما تتعسر
كل عام وانتي بخير:1 (16):

[ميرو2000]

كل عام وانتم بخير

[gangana]

اهي المدارس شكلها هاتتلغي ربنا علي المفتري
ويمكرون ويمكر الله
عايز اقولكم انتوا فين لسه بتعيدوا يا رب يجعله عيد سعيد
وما فيش حد هاياخد غير نصيبه بالعكس ربنا بيحب الانسان لما يصعب عليه طريق الشر ويسهله طريق الخير بس يعدي في الامتحان
ربنا يكرم الجميع
وياريت نفكر نفتح مدرسه خاصه انا مستعد وجاهز

[ام ندى]

والله عندكحق دى مشكلة فعلا وانا برضه باواجهه نفس المشكلة

[gangana]

السلام عليكم ورحمه الله
خير يا ام ندي نفس موضوع الرشاوي والقرف بتاع الروتين الحكومي وتعقيد الموظفين كان زمان اللي بيوقف الشغل ويتكاسل لغايه ما تحطي ايدك في جيبك الفراش البواب لكن دلوقتي الطريق كله واوله المدير
تصدقي ان البواب بقي واخد علي المدير كانهم نفس المنصب زي اولادنا دلوقتي اللي ما اتربوش كويس وبيعاملونا وبيعاملوا المدرسين كانهم ماسكين علينا ذله واحنا السبب في اللي هما فيه
لكن نعوذ بالله اللي هو اكبر من اي شيء وهو صاحب القرار والله مش اي بشر
وهو بيسهل لكل واحد طريقه واكيد الموضوع كله علي بعضه في الاخر بنشوف النتيجه ايه يمكن اللي اتحرم من سنه هايكون ليه حافز لما يكبر وربنا يدخر ليه الاحسن ويعوضه
وشاكر ليكي يا ام ندي وربنا يكون بجانب اولادنا ويوفقنا لما فيه الخير دين ودنيا وانا تحت امر اي حد في الله ان كان في استطاعتي ان شاء الله