ايه الى بيحصل فى البلد ؟؟؟؟؟؟؟؟

[خلود]

http://www.vb.6ocity.net/imgcache/18368.imgcache.jpg




http://www.vb.6ocity.net/imgcache/18369.imgcache.jpg

دة اسم موضوعى الجديد


حاجات كتير بتحصل فى البلد و بتنزل فى الجرائد و التليفزيون
يلا يبقى عندنا هنا فى منتدانا
جريدة بتجمع كل الاخبار الجديدة بشكل بسيط و موجز
و نتاكد هل الاخبار دية صحيحة و لا غير صحيحة
و نتناقش كمان فيها .........

.حدث بيشغل بالك فى البلد تعالى و قلنا علية و نتكلم و نتناقش فية ......
سياسى
اقتصادى
اجتماعى
رياضى
.شفت حاجة فى الشارع و عايز تنقلها هنا و تقول رايك فيها
يلا احنا متشوقين نعرفها .......

http://mcseman.jeeran.com/bikeincairo.jpg

و اكيد كلنا هنستفاد من بعض
اكيد انت عندك حاجة مش عندى
اراء كتير
نظرة مختلفة
نصيحة غير مباشرة


http://www.vb.6ocity.net/imgcache/18370.imgcache.jpg

[اميرة حبى انا]

الحقيقة عندى فضول
هل فعلا كان فى الاستفتاء
تجاوزات او غلطات؟؟؟

[خلود]

اكيد يااميره كان فيه تجاوزات والغلطات مش هتخلص مره واحده كده

بس برضو الجو العام حلو وجميل جدا

ديمقراطيه وحريه مافيش بعد كده
صغير وكبير شاب ومسن كله نزل

كله اتاكد ان صوته امانه وهيفرق كتير

اللى شايفاه بقى وملاحظاه من مده موضوع شقق الاسكان دى

ياترى دى حقيقى ولا وهم وبينضحك بيه على الناس علشان يسكتوا شويه

ياترى مين هيجى ويكمل مناقشه ويانا

[فريد]

شوفى يااميرة زى ماقالت خلود بالظبط
احنا على اعتاب الديمقراطية مدخلناش و خدى بالك
مدخلناش لسه على الباب فيه تجاوزات اه فيه
لكن فى المجمل بداية تعتبر رائعة قفزة كبيرة طبعا
و حتى و ان وصلتى للديمقراطية المنشودة
ستبقى بعض التجاوزات و الغلطات
المقصودة و الغير مقصودة
انما احنا بدانا نتذوق طعم الحرية
و اه منها حرية
مش مصدق ان امن الدولة انتهى اختفى تلاشى
اصبح هوف فى الهواء
جميل الموضوع ياخلود
و هايفتح موضوعات كتير
لو بقينا على اتصال بالموضوع
اشكرك جدا جدا
على موضوعاتك الرائعة

[اسامة22]

مع اول تجربة حقيقية للديمقراطية الغائبة عن مصر اكثر من60عاما لامقارنة فالبدابة مبشرة بالخير

تجاوزات بسيطة جدا جدا لاتذكر

ودا كان باين من الناس اللي خرجت وعرفت ان بقي لها صوت ذو قيمة في بناء مصر الحرية

[اميرة حبى انا]

بس يا جماعة التجاوزات كانت فى تأثير الاخوان على الناس
وبالتالى على نتيجة التصويت
يبقى دى حاجة بسيطة برضو

[الرومنسى]

ر ا ئعة تلك ا لكلمات التى ت خرج من قلوب متعطشة لتنسم ا لحريه
اشكرك خلود على موضوعك الجميل والاكثر من را ئع واتمنى من الجميل أن تكون صد ورهم متسعة لى
فى ردودى وكلماتى
تحية لاخوتى داخل 6 أكتوبر

[خلود]

اهلا بيك يامحمد ومناقشاتك وردودك ومواضيعك كمان

بس ياريت تكون صفحتنا دى متواصله مع الجميع

بمعنى ان اللى له سؤال او خاطره بخصوص ما يحدث فى بلدى يجى هنا ويتكلم معانا فيها

ونتناقش مع بعض

فى انتظار احلى نقاش من اجمل اعضاء مش مره ولا اتنين ولا تلاته

[قطر الندي]

مساء الخير
انا شايفة ان دي اول تجربة بس افضل من اللي كان بيحصل زمان
التاثير مش بالدرجة اللي تاثر في مجمل الاستفتاء
ان شاء الله الانتخابات تفرز لنا الاصلح
اشكرك ياخلود علي موضوعك المميز