-- ".. نقطه ومن اول السطـر ... (2) .."

[RSS]

بسم الله الرحمن الرحيم ..
السلام عليكم ورحمة الله وبركاته ..

بداية اللى مش قرأ ده يقراه

نقطه ومن اولـ السطـر .. (1) .. مهم جدا (http://www.3gypt.com/vb/thread358501.html)

متقراش الموضوع غير وانت فاضى
او انت حر
ومش عايش نايس توبيك .. او يسلمو
:D




وسـائل التغيير هتكون ازاى ..؟
الموضوع ده بنصح نفسى فيه وانتو كمان معايـا

..

ملحوظه :
الموضوع فى ظاهره مش سياسى
اما عن باطنه سياسى بحتـ ..

... ... ...
الحاجه الاولى :
مبدئيـا كده علشان اوصل للتغير بسرعه
لازم اكون مع نفسـى .. اقعد مع نفسى كتير جدا
اتأمل فى نفســى .. اشوف تصرفاتى انا فيـا ايهـ غلطـ ..؟!
السؤال ده لازم يكون شعارك فى التغير المرحله اللى جايه ..؟!
هجيب ورقه والمـ وابدأ اشوف عيوبى .. وادونها

محدش فينـا معندوش عيوب
واللى يقول كده يبقى ميستحقشـ انك تتعامل معاه اساسا
دى حقيقه .. لان ده تكبـر والتكبر عواقبه وخيمه جدا جدا

ورقه والم ..
1. انا عصبى ..
2. انا حساس جدا جدا
3. علاقتى بربنا مش هى
4. انا كـــــذا
5. وهكذا
:D

وهكـذا ده مثلاا يعنى

... ... ...

الحاجه التانيه ..

" التسويف "

دى مشكله معانا بتناطحنا من صغرنا
احنا بنحاول نقضى عليها وهى برده مش سايبانا
فى حالنا .. لان احنا الى مستسلمين ليهـا

التسويف يعنى .. هقول سوف اعمل كده
يعنى هـ .. هاكل .. هشرب ..
والتسويف فى التغيير
يعنى متحاولتش تفكر فى انك تتغير

لان مشكلتنا مع المماطله .. طويله جدا جدا
انا وانا فى 3 اعدادى كان والدى يقولى قوم زاكر
مش باقى غير 2 شهور على الامتحان ..
الرد بيكون .. انت اصبر بس يا بابا
هتلاقفينى من يوم السبت
انسان تانى هتشدنى من على الكتاب وتقولى
قوم ريح يا حبيبى .. هقطع الكتاب
وييجى يوم السبت ولا اعمل حاجه ..

نحاول يا جماعه نقتل التسويف دى
اى حاجه خدها فى حموتها .. زى ما بيقولوا
:D


... ... ...

الحاجه التالته :
لازم القرار يكون من داخلكـ انت
مش استنى حد يقولى .. انى لازم اتغير
ماهو انا واحد لازم اكون مثالى ..
وعلشان اكون مثالى
لازم اسمع نفسى فى الخير فقط
ولكن حذارى لان النفس اماره بالسوء ..
اسمع الخير اللى جواكـ .. حرك المشاعر الطيبه اللى حواليك
هو ليه انا انسـان عايش بدون هدف .. قول لنفسكـ كده
مصر اتغيرت وانا قدمت ايه .. شوية هتافات فى مظاهره وخلاص
انا من بكره هكون انســان تانى .. من دلوقتـى هتغير ..
هدور على المثاليه اللى جوايا ..

خليك عارف ان الصراع بين الحق والباطل
سنه كونيه .. سنة الله تعالى فى الارض
هتلاقى مواجهات بينك وبين نفسكـ .. وصراعات و و الخ
ولكن انت وشطارتكـ بقــا .. هتسيب الباطل ينتصـر عليكـ
ساعتها هتكون انت ".. عــــــــار على الثوره .."
ودم الشهداء هيكون برئ من انسـان انساق وراء الباطل

... ... ...

الحاجه الرابعه :

لازم تبقى عارف انك مسئول عن تصرفاتكـ ..
ايوه انت اللى مسئول عن اسلوبكـ انت اللى مسئول
عن طرق اختيارك لحياتكـ .. بايدك انك تعيش انسان
صاحب بصمه طيبه فى المجتمع .. او فى نواة المجتمع
اللى انت ذره فيهـا .. عجبانى اوى ذره دى
:D

لازم تكون عارف ان انت اللى المسئول
يعنى اللى عملت مجموعة عوامل او افعال ..
ساهمت فى امور ليكـ انت مكنتش متوقعها ..

انت مثـــلا
واقف قرب حفره عميقه ..
ورحت قايل للى جانبكـ يا ترى شفـا الحفره دى
قوى ولا لأ .. استنه لما اجرب
وتروح ويكون شفـا الحفره دى مش متين
وتقع فى الحفره وتقول ده قضـاء وقدر ..
كلنا نؤمن بالقضـاء والقدر .. خيره وشره كمان
ده مش قضاء ولا قدر
لكن انت اللى سببت لنفسكـ انك تقع فى امور زى دى
فى عدة عوامل انت ارتكبتها وحصل حاجه انت مش عايزها
وترجع تلوم اللى حواليكـ .. والمرفوض تلوم نفسك
ولكن بدون قسوه ..

... ... ...

الحاجه الخامسه :

لازم يكون عندى شجاعه كافيه انى اعترف
لازم يكون عندى الشجاعه الكافيه فى انى اعترف
بأى خطا او تقصير انا عملته ..
مينفعش اكابر ابدا .. المكابره والتعالى
بتجعل صحابها سقوطه حتمى لا محاله

المكابره بتخلى صاحبها انسـان
ظالم .. ايون ظالم ..
ظالم فى حقـ فى نفسهـ قبل ما يكون
ظالم فى حق الاخرين

هتظلم نفسكـ جدا جدا وهتكون نقطه سودا
فى المجتمع وفى يوم من الايام .. هتلاقى الناس
بتنفر منكـ .. وتنافر الناس .. هيسبب خلل فى المجتمع
وبالتالى البلد هتتأثر
يعنى هتكون عار على الثوره والبلد
:D

انا لو مش اعترف بأخطائى فى سرعه
هيكون سقوطى الى الهويه حتمى .. واكيد
وكمان هيكون التغيير تغيير سلبى
ولو مكنش سلبى هيكون لحظى ..

محتاج انك تعترف بخطأك صح ..؟!

... ... ...

النقطه السادسه والاخيره
المره دى .. ..

بلاش تقسو على نفسكـ
بلاش تعاقب نفسكـ بعقاب شديد
رغم ان العقاب مطلوب .. متمثل فى اللوم
مع الاختلاف فى شدة اللوم على حسب الموقف
لكن مش تحسس نفسكـ انك انسان بلا معنى
مس تقسو على نفسكـ بكلام شديد .. يصبيك باحباط
بفعل قانون الجذب اللى جواكـ

انا انسـان فاشل .. قانون الجذب ..
هيجذب كلمة الفشـل وهتكون بالفعل انسـان فـاشلـ
انسـان هوائى بدون هدف .. وهتكون انسـان محبط
وهتكون صاحب نقطه سودا فى المجتمع برده

احنا زى ثمرة الفاكهه
زى المانجو .. طعمها حلو جدا
لكن فيها بذره بتعكر حلوتها وبتنقص
من الحلاوه اللى فيها ..

لكن لو احنا شيلناها هتسيب اثر اه
ولكن سرعان ما هيروح الاثر ده
لان انت استمتعت بجمال الثمره كلها

او البطيخه
كما سمعت اخت عزيزه
قالتها قبل كده على النت
ان البطيخه .. حمره من جوه ..
ولكن فيها بذر اسود .. اهو دى
المشاكل اللى جواك .. هتشيلها بكل هدوء
لكن صعب انك تقسو على البطيخه
ترميها كلها لمجرد ان فيها حجات سودا ..

ويمكن الحجات السودا دى " البذر "
تكون سبب فى اعادة الهيكله لنفسك ولنسلكـ

ارجوكـ اياك والقسوه على ذاتكـ


.
.
.
.



كفايه كــده .. ونكمل الجزء الثالثـ
ان شاء الله مع باقى الوســائلـ

.
.
.

:) كودى :)