ليه غيرت رأيئ ومش اسفة يا ريس

[اميرة حبى انا]

السلام عليكم ورحمة الله وبركاته
لما تنحى حسنى مبارك ومشى بالشكل الوحش ده زعلت جدا وبكيت
وقعدت مكتئبة كتير كمان
واقول مهما حصل ازاى يعملوا فيه كده
هو هيمشى بس يمشى بطريقة احسن من كده
ومرت الايام
وكا يوم اسمه عن سرقة جديدة ومجموعة حرامية جداد
كل يوم اسامى جديدة
مكونتش اعرفهم على فكرة وعلى عمرى سمعت عنهم
متستغربوش مانا قلتلكم مكنش ليا فى السياسة خالص
والاقى فى فساد
صعب على العقل يستوعبه
اقصد طبعا عقلى انا
سرقة وبلطجة وقتل
والامن او الداخلية هى السبب فى كنيسة القديسين
وجمال والعادلى هما سبب تفجيرات شرم الشيخ
ايه ده كله
وارض بمليارات تتباع بملايين
وارض الفدان ب 11 الف يتباع بخمسين جنيه
امن دولة اقسم بالله كنت بحسبه امان لينا وحماية واقول ازاى يلغوه هو فى بلد من غير امن يا ناس
طلع الامن ده سبب رعب كل الناس وانا والله ماكنت اعرف
ايه كل ده
مافيش شبر مش منهوب
مافيش حد طلع سليم ومسرقش
طيب ياللى زعلت عليك فى يوم
انت كنت فين
كنت فين
مكونتش تعرف
سيبتها لابنك
هى لعبة
احنا لعبة
مش قادرة اوصف احساسى بالكلام
ومش هعرف اكتب اكتر من كده واكيد هتفهمونى
انا مغيرتش موقفى خوف من حد ولا طمع فى حاجة زى المشاهير
وانما
صدمة فى كل عمرى
عمرى 35 سنة
معرفتش فيهم غيرك
ومشوفتش غيرك
والاخر تعمل فيا كده
بجد بجد
سامحنى
بس
انا مش اسفة يا ريس



http://www.vb.6ocity.net/imgcache/18220.imgcache.jpg

[فريد]

الحقيقة يااميرة انا احترم موقفك
و تراجعك ليس المشكلة ان نخطىء
كلنا نخطىء المشكلة الاعتراف بالخطاء
و اسمحى لى ان اعبر لكى عن اعجابى الشديد بموقفك
و صدقينى لما قريت موضوعك مزعلتش
عشان انا اعرف كويس ان فيه ناس لا تعلم شيء
عن السياسة و اشياء اخرى
و ان حياتهم محصورة فى اشياء حياتية يومية
لكن زعلت عشان للاسف فيه ناس كانوا مخدوعين و للاسف مازلوا
فى مسلسل الانخداع الكبير
احييكى و اشكرك و اقدرك على شجاعتك

[اسامة22]

وانا اشكرك جدا علي فهمك للمواقف والعدول بمجرد مابانت امامك الحقائق المريرة
ولن اسمية خطأ ولكن بحكم بعدك عن السياسة و30سنة خداع في الناس الطيبة
اعذرك واقدر شجاعتك بعد فهم الامور ع طبيعتها الحقيقية لهذا الرجل وابنائة وزوجتة
التي تلقب بشجرة الدر وكل من كان يختارة فاسد مثلة
الان اقدر مشاعرك وتعاطفك حين تتذكري كم من شاب ورجل وفتاة
دخلوا السجن وكانت جريمتهم انهم قالو لا وهو موجود علي راس الحكم
الان سوف تقدرين حجم الكراهية التي يكنها كل ام واب اتبهدل ابنة من التعذيب في السجون
الان سوف تقدرين ان خيرات بلدك التي هي خيراتك وخيرات كل فرد في مصر كانت منهوبة
وحاجات كتيييييييييييييييير احسبي بقي30سنة
تحية وشكر لكي يااميرة