البناء بالحوائط الحاملة

[محمد الشرقاوى]

لا اعرف ما هو السر وراء عدم اتجاة شباب ابنى بيتك للبناء بالحوائط الحاملة التى قامت الجمعية بمجهود كبير من اجل ان يوافق عليها جهاز المدينة وملئنا الدنيا صراخا واستغاثة من اجل موافقة المسئولين وبعد ان تم الموافقة لا نجد من الشباب من يقوم بالبناء بتللك الطريقة التى قال عنها الخبراء انها تتحمل بناء خمس ادوار وليس ثلاث فقط وخصوصا الشباب الذى لايمللك تكاليف البناء بالاعمدة لان التكلفة سوف تقل الى اكتر من النص وذللك بدلامن الاتجاة الى البنوك والتعامل الربوى ولا يوجد لتللك الطريقة اى مساوىء سوى تقليل المساحة فقط حوالى نص متر فى الغرفة وارى انة ذللك افضل من الاتجاة الى بيعها او المشاركة فى البناء او السلف والاقتراض من الغير
ارجو من زملائى الغير قادرين مثلى الاتجاة الى هذا النظام ومبادلة الردورد بخصوص هذا النظام ومعرفة رايكم فية
واللة الموفق لما فية الخير

[علاء الدين عثمان عوض عقل]

أخري الكريم..
أرجو من سيادتكم أن توضح لنا تفصيلاً ، القيمة التكليفية للبناء بالحوائط الحاملة ، من خلال تجربة عملية أو دراسة حقيقية . مبينا إيجابيات وسلبيات البناء بهذه الطريقة ، وذلك حتي يتسني للجميع إجراء المقارنة فيما بينها وبين البناء بالحديد المسلح.
علاء عثمان عقل
والله الموفق

[basmalamahamed]

ارجو معرفة التفاصيل للبناء بهذة الطريقة

[aymaym]

والله يا صديقى العزيز انا بفضل الحوائط الحامله بس مش عارف التفاصيل ايه واجمعيه عملت ايه والتكاليف هتبقى كام
ياريت تفيدنا

[محمد الشرقاوى]

انا اشكركم على اهتمامكم
انا لدى عرض من احدى الشركات بالبناء بالحوائط الحاملة يكلف 30 الف جنية وياريت اى شخص يسال فى مكاتب تانية ونشوف اقل تكلفة كام

[aymaym]

uعزيزى الاستاذ محمد الشرقاوى
انا معاك وال30000 مبلغ مناسب ياريت نتفق ونقعد مع الشركه او اتفضل انت وبلغنا المواصفات بالظبط اللى هيعملوها والتعديل هيكلف كام وكل التفاصيل وكمان متنساش السور
وبلغنا عشان نتكل على الله

[الشريف للتجاره والمقاولات]

السلام عليكم ورحمه الله وبركاته
اولا بخصوص الحوائط الحامله هى مشكله لانك لا تستطيع تغير شكل الشقه من ناحيه نشيل حائط علشان نعمل مساحه مفتوحه مثلا ده صعب لكن الاعمده مش هتفرق فى كتير وفوائدها ممتازه تزيد عن الفرق و عموما الشرح ممكن يكون على الطبيعه افضل لاى راغب ممكن نتقابل فى المشروع ونتعرف على الفرق وكمان ندرس عمليه الحسابات الفرق حقيقى مش كتير
ثانيا اكتوبر دخلت حزام الزلازل من عام 1992 فلابد ان يكون البناء بشكل جيد واحنا بنعمل حاجه للزمن
والله الموفق
الشريف للتجاره والمقاولات
اشرف احمد الشريف
0169905116

[حسين الدهشورى]

السلام عليكم. ياريت اللى يعرف حاجة عن البناء بالحوائط الحاملة يتصل بية انا ان شاء الله سوف استلم يو 22/6/2010 المنطقة السابعة لمشروع ابنى بيتك وهل تمت الموافقة على البناء بالحوائط الحاملة من وزارة الاسكان؟ 0143135138

[somaforever]

http://www.egynews.net/wps/portal/profiles?params=46508 (http://www.egynews.net/wps/portal/profiles?params=46508)

[aymaym]

انا الحمد لله خلاص بنيت بالحوائط الحامله وخلصت

[اشرف غتمى]

نرجو من الاخ اللى خلص بناء بالحوائط الحاملة
ان يفند لنا التكلفة
و ربنا يجازيه عنا كل خير لاننا بصراحة فى حيص بيص و مش عارفين نعمل ايه؟؟
اشرف غتمى

[aymaym]

بسم الله الرحمن الرحيم
اللى عاوز يعرف تكاليف البناء بالحوائط انا تحت امركم
اولا انا اخترت الحوائط الحامله عشان كنت عاوز محدش يسرقنى فى الخامات والمون بمعنى انى ملاقيش عامود من غير حديد ومتركبله اشاير
ودا بيحصل كتير
اولا لازم تعديل هندسى للبناء بحوائط
طبقا للكود المصرى بتعمل عاديه 15 سم انا عملتها 30 سم واتكلفت 4500 ج بالمصنعيه
- طبقا للكود تعمل قواعد مسلحه على هيئة شرائح 30 سمعرض وارتفاع 40سم وتتحمل 3 ادوار
انا عملتها 80 عرض وارتفاع 50 سم ودا طبقا للكود تتحمل 5 ادوار واتكلفت 10950ج
قصة الردم 5000 ج بامصنعيه ونصيحتى محدش يحفر اكتر من متر عشان ملوش لازمه هتغرم ف قصة الردم بدون داعى
ردم 300 ج
عزل 750 ج
مبانى على طوبه فيما عدا مدخل الحمام والمطبخ والجدار اللى على السلم وارتفاع المبانى عندى عملته عالى شويه 275 سم
اتكلفت بمبانى السور وعمدان السور وقلبة السلم الاولى وعامودين السلم بالمصنعيات حوالى 18000 ج
السقف بالمصنعيه 14500 ج
ملحوظه :
هتتسرق فى الحاجات دى
اولا عدد الطوب لازم تعد الطوب كويس ومن فوق العربيه مش على الارض لان الحراميه بيرفع الجناب وفى الوسط فاضى ودا مش بس هيدفعك تمن طوب اونطه لكن هتدفع مصنعيه زيادة لطوب انت مجبتوش
الاسمنت لازم تاخد بالك تجيب على القد والا هيتاخد
وربنا يوفقكم

[باسل الدهشورى]

السلام عليكم . هذة فكرة رائعة من اجل خفض التكاليف وبدلا من الاستدانة او البيع لغير القادرين ولكن يا اخ شرقاوى انت لم توضح اى جهاز وافق على البناء بالحوائط الحاملة فانا ارضى باكتوبر وعلمت ان جهاز 6 اكتوبر حتى الان لم يوافق على البناء بالحوائط الحاملة وما هى تكاليف البناء بتلك الطريقة ومن اين نحصل على الرسومات الهندسية لها وهل لا يسقط الدعم المقدم من الوزارة لمن سيبنى بتلك الطريقة ارجوا الايضاح ولنتواصل مع جميع الغير قادرين على البناء من اجل ان نكون يدا واحدة [email protected] ت/ 0143135138

[اشرف غتمى]

اشكرك جزيل الشكر
يأخ ايمن
و لو ان التكلفة وصلت 48 ألف
المهم جهاز 6 أكتوبر وافق على كده و تكلفةالتعديل الهندسى ياترى كام
و مرة اخرى اشكرك و اشكر القائمين على المنتدى

[باسل الدهشورى]

السلام عليكم. البناء بالحوائط الحاملة فكرة رائعة جدا وهو نظام امن تماما وهذا راى كثير من المهندسيين وهو نظام فعلا مناسب لمشروع ابنى بيتك ولكن هل تمت الموافقة من وزارة الاسكان حقا على البناء بهذا النظام فقد ارسلت طلب الى الوزارة من اجل السماح لى بالبناء بنظام الحوائط الحاملة ولكن لم اتلقى اى رد حتى الان فارجوا منك ان التوضيح من الذى وافق على البناء بالحوائط الحاملة هل هى جمعية ابنى بيتك وهى موافقة غير مجدية ام ان وزارة الاسكان هى من وافقت وهذا هو الاهم وشكرا لك للتواصل hh.aa26@yahoo.ت/0143135138

[mmhossny]

برجاء التكرم بمعرفة اسم الشركة التى قامت بالبناء ... او ماذا فعلت بالضبط علشان الموافقة والتعديل والاجراءات اللازمة ومين الذى قامت بالبناء ... وهل تصلح لكى تكون فيلا مثلا ... اى بناء ارضي واسع (( ريسبشن ودور ثانى غرف ))