اااااااااااااااااااااااااه يابن البواب

[نور]

السلام عليكم ورحمه الله وبركاته




كنت مروح من الجامعه فدخلت مدخل العماره


فقابلني احمد 28 سنه وهو كان ابن البواب الي بلغ من العمر 60 سنه تقريبا


فقالي يا استاذ محمد عايز اسئلك سؤال ...


قلت ليه خير اتفضل ؟


قالي انا سمعت شيء بس عايز اتاكد منها ..


قلت ليه خير


قالي انا سمعت ان الي يصلي العشاء في جماعه ربنا يحفظه لحد الفجر والي يصلي الفجر في جماعه ربنا يحفظه لحد العشاء


قالي الكلام ده صح .. ؟


قلت ليه صح واكتر من كده كمان


قالي انا صلاه العشاء عادي بكون صاحي سهل اصليها في الجامع بس مش بعرف اصحى للفجر ...


قالي ممكن وانت نازل تصحيني .. قالي صحيني ضروري وخبط علي الباب جامد ... قلت ليه خلاص ماشي ان شاء الله بس اهم شيء متتعبنيش معاك


قالي لاء متخفش بس قالي لو مصحتنيش الفجر بكره مش هفتحلك باب العماره وانت راجع ...


انا ساعتها استغربت لما قالي كده



قلت ليه عارف يا احمد في حديث تاني النبي صلي الله عليه وسلم بيقول ..


ان الي يصلي العشاء في المسجد كأنه وقف نص الليل كله بيصليه ... بتاع 6 ساعات
وكمان النبي قال ان الي يصلي الفجر في المسجد كانه وقف طول الليل بيصلي ...


لقيته وجهه بقا شبه علامة التعجب ... واستغرب جدا


فلقيته مره واحده قالي يا استاذ محمد خلاص متصحنيش الفجر بكره ... فستغربت قلت ليه


ليه بس كده ايه الي حصل


قالي انا مش هنام اصلا
هفضل مستني صلاة الفجر .... ( والله هكذا قالها بالظبط )



بس وكأنه ضربني بشومه علي دماغي


لما نزلت الفجر يومها لقيته موجود في المسجد ....


معلومه : أحمد اصلاً مكنش بيصلي خالص لا في البيت ولا في الجامع ...


ووالله كلما نمت عن الفجر تذكرت هذا الموقف


فمن منا يقول في نفسه ياليتني كنت مكانه وهو من هو إنه ( إبن البواب )



هو عرف حديثين والحديثين وصلوا ليقين كبير جدا وطلب من الله الثواب


واحنا عرفنا عشرات الاحاديث ... ماذا فعلت في يقيننا






هل زاد اليقيين أم زهدنا في الثواب ؟

[DMR]

قصة رائعة جدا يا نور
تسلم ايدك

[fagrmasr01]

هو عرف حديثين والحديثين وصلوا ليقين كبير جدا وطلب من الله الثواب
واحنا عرفنا عشرات الاحاديث ... ماذا فعلت في يقيننا
*****
جزاك الله عنا خير الجزاء
صدق رسول الله صلى الله عليه وسلم حين قال ... رحم الله من سمع مقالتى فوعاها ، فأداها كما سمعها ، رب سامع أوعى من مبلغ

اللهم اهدنا فى من هديت وتولنا فى من توليت واصرف عنا برحمتك شر ما قضيت
بارك الله فيك نور
واحسن اليك
آمين

[الباشا تلميذ]

اللهم علمنا ما ينفعنا وانفعنا بما علمتنا
اللهم اعنا على ذكرك وشكرك وحسن عبادتك
بارك الله فيكى يانور
وجزاكى الله خير الجزاء

[اميرة حبى انا]

ياليتني كنت مكانه

[دعاء الكروان]

قصة جميلة سلمت يداكى يا نور
بارك الله فيكى

http://img505.imageshack.us/img505/6623/34175731dj4.gif

[حسن درويش]

اولا : جازاك الله كل خير
ثانيا : أوضح ان ابن البواب - أو ابن الوزير - كلهم سواء - فلا فرق بين اعرابى او اعجمى الا بالتقوى
ثالثا : ولا تنابذو بالالقاب
فكان يجب ان يكتفى بذكرها (ابن البواب ) مرة واحدة فى أول الموضوع وهى تعريف للشخص الذى يحكى عنه الموضوع وبعد ذلك تحذف لانى رأيت ان بها شبهه تحقير للشخصية - على انها اقل من الناس
" رجاء مراعاه ذلك مستقبلا ":50 (31):
وجازاك الله عنا خير الجزاء

[somaforever]

الله ... بجد موضوع جميل و قصة رائعة
ربنا يبارك و يعين و يحببنا في الايمان